بِسْمِ اللهِ الرَّحْمٰنِ الرَّحِيمِ

Американинг яҳудийлар қураётган турар жойларни «қонуний», деб тан олишига ойдинлик киритиш

Ало Абу Солиҳ

Ҳизб ут-Таҳрир – муборак Фаластин

замини матбуот бўлими раиси

2019 йил 18 ноябр душанба куни АҚШ ташқи ишлар вазири Майк Помпео, босиб олинган Ғарбий Соҳилдаги яҳудийлар қурган турар жойлар Қўшма Штатлар наздида халқаро қонунга зид эмас, деб ҳисобланишини билдирди. Ўз навбатида Фаластин режими Вашингтоннинг айни позициясини қоралади. У – бундай позиция халқаро қонунларга ҳам, яҳудийларнинг турар жой қуришларини рад этувчи халқаро қарорларга ҳам бутунлай зид эканини ҳамда бу нарса рад этилган, қораланган позиция бўлиб, қонуний кучга эга эмаслигини, таъкидлади. Шунингдек, Иордания ташқи ишлар ва иммиграция масаласи бўйича вазири ҳам яҳудийларнинг босиб олинган Фаластинда турар жой қуришлари халқаро қонунни ва халқаро қонуний қарорларни бузишлигини, икки давлат ечимини йўқ қилиб, умумий тинчликни амалга ошириш имкониятини барбод қилишини, айтди.

Биз АҚШнинг айни эълони қаршисида қуйидагиларни ёритишни истадик:

Биринчи: Америка айни масалада, қолаверса, Фаластин аҳли ва бутун Ислом Умматига ашаддий душман бўлган давлатдир. У шундайлигича қолади. Бу давлатни бетараф воситачи, деб аташ адаштиришдир. Чунки мусулмонлар юртларидаги Британия мустамлакаси меросхўри ҳам, яҳудий вужудини тарбиялаб, уни маблағ ва қурол билан қўллаб-қувватлаган ҳам, шунингдек, уни мудофаа қилувчи малай ҳукмдорларни зўр бериб ишга солган ҳам мана шу Америкадир. Яъни, асл иллат ва балоларнинг сабабчиси, мана шу Америкадир. Босқинчи яҳудий вужуди эса, минтақадаги мустамлакачи кучларнинг вакили бўлиб, уларнинг илғор ҳарбий базаси, авиация ташувчиси ҳамда Уммат юрагига санчилган ханжари ҳисобланади. Уммат қайтадан бирлашмаслиги ҳамда халқаро мавқени чизиб, дунё шаклини қайта тузиб чиқадиган биринчи давлатни қайта тикламаслиги учун улар бу ханжарни мусулмонлар кўксига санчиб қўйишган.

Иккинчи: Америка бекорга ҳадия бермайди. У фойдасиз позицияларни эгалламайди ҳамда ўз манфаати ва режаларига зид ҳеч нарсани тақдим этмайди. Шунинг учун Помпеонинг айни баёнотини Американинг мана шундай сиёсати доирасидан ташқарида тушуниш соддалик ва калтабинликдир.

Учинчи: ушбу қадам Американинг Фаластин масаласидаги қарашлари билан уйғун келади. Яъни, бу нарса айни масалани йўқ қилиш йўлида қабул қилган қатор чора-тадбирлари сирасига киради. Масалан, Американинг Қуддусни яҳудий вужуди пойтахти, деб эътироф қилиши, қочқинлар бўйича агентлик (UNRWA)ни қўллаб-қувватлашни тўхтатиши ва бу вужуднинг Жўлонга ҳукмронлик қилишини эътироф қилиши, ҳамма-ҳаммаси АҚШ маъмурияти қабул қилган Аср келишувини мустаҳкамлашга қаратилган чора-табдирлардир.

Тўртинчи: Бу эълоннинг айнан ҳозирга келиб қилинаётганига келсак, АҚШ маъмурияти яҳудий вужудини қўллаб-қувватловчи америкалик евангелистларни жалб қилмоқчи. Чунки Трамп учун муҳим сайлов базаси мана шу евангелистлардир. Бу нарсанинг ҳозирга келиб эълон қилиниши фақат АҚШ ичкарисига қаратилгандир. Бу эълон – баъзилар ўйлагандек – Нетаньяхуга хизмат қилмайди. Айниқса, ҳозирда АҚШ маъмурияти билан Нетаньяху ўртасидаги муносабат яхши эмас. Чунки Нетаньяху ғирромлик қилиб, Трампнинг Аср келишуви харажатларидан ўзини олиб қочяпти, сиёсий турғунлик келиб чиқишига сабабчи бўляпти. Бунинг тасдиқи шуки, яҳудийлар сайловларидан кейин Трамп Нетаньяху билан бир марта ҳам телефон орқали суҳбатлашмади ҳамда АҚШ маъмурияти «биз яҳудийларнинг ҳар қандай сайланган ҳукумати билан ишлайверамиз», дея баёнот берди… Ҳатто иш Трампнинг Нетаньяхудан «жуда ҳафсалам пир бўлди», дейишигача етиб борди. Шунингдек, Трамп яҳудий вужуди бошдан кечираётган сиёсий кризис ҳақида масхароумуз гапларни айтди: «У ердаги мавжуд режим қанақа ўзи, худди кичкинтойларга ўхшайди?! Ҳаммаси бир-бири билан уришгани уришган. Биз курашнинг ҳар хил услубларини биламиз. Ҳеч бўлмаганда, президентни таниймиз. Улар бўлса, сайлов ўтказишдан тўхташмаяпти, ҳалигача бировни сайлашгани йўқ»!

Бешинчи: Тўғри, Аср келишуви ўрнида қимир этмай туриб қолди, яҳудий вужудида ҳукумат тузиш муваффақиятсизлиги сабабли ҳамда АҚШ маъмуриятида сайлов йили яқинлашгани ва Трампнинг ички муаммолардан боши чиқмай қолгани боис, АҚШ маъмурияти бу масалани музлатиб қўйди… Бироқ, бу маъмурият Аср келишувидан воз кечгани йўқ. Помпеонинг яҳудийлар уй-жойлари қурилишини қонуний, деб тан олиши, айни келишувга хизмат қилади. Шунинг учун қачон Трамп иккинчи муддатга қайта сайланишга муваффақ бўлса, Аср келишуви яна ўртага чиқиши мумкин. Аммо Республикачилар қудратда қолишга муваффақ бўлишолмаса, у ҳолда, лойиҳалар ўзгариши, режалар бошқача тузилиши турган гап.

Олтинчи: Фаластин режими билан мусулмон юртлари ҳукмдорларининг Помпеонинг айтган гапларига нисбатан билдирган реакциялари яна уларнинг хоинлик ва қўрқоқликда давом этишларини англатади. БМТ Фаластин еридан 78 %идан кўпроғини босқинчиларга берилишини қонунийлаштириб, қолган ерларни музокарага боғлаб қўйган бир пайтда, режим икки давлат ечимига ва БМТ қарорларига қаттиқ амал қилишини очиқ айтмоқда. Бу унинг Фаластин, фаластинликлар ва муқаддас даргоҳлар устида тил бириктиришда яна давом этишини кўрсатади. БМТни Росулуллоҳ Aнинг Исро маскани бўлмиш муборак заминда мурожаат манбаи, ҳакам ва қарор соҳиби қилиб олиш мусулмонлар учун ғоят хусусий бўлган, ҳатто муқаддас саналган омонатга хиёнат қилишдир ва бу борада душманни ҳакам қилишдир. Қолаверса, айни қилмиш том маънода сиёсий жиҳатдан ўз жонига қасд қилиш ҳамдир.

Еттинчи: Американинг яҳудийларга манзилгоҳ қуришларини қонунийлаштириб бергани, анави ҳукмдорлар юзига тортилган тарсакидир. Улар Фаластин масаласида сохта тинчлик ортидан ҳакиллаб чопишди, ўзлари истаган кучсиз давлатнинг тикланишида БМТнинг қарорларига умид боғлашди… Аммо алданишди, омадсизликка учрашди. Алҳол, мусулмонлар наздида Американинг бу эълони Фаластин масаласида ҳеч нарсани ўзгартирмайди. Чунки уларнинг ушбу муборак заминдаги ҳуқуқлари ваҳида айтилган бўлиб, бу шаръий ҳукмдир. Зотан, Фаластин – денгизу дарёсигача босиб олинган исломий ердир, унинг сифати мана шу. Фаластиннинг бу сифатини на Америка тортиб ололсин, на мустамлакачи давлатлар, на Хавфсизлик Кенгаши ва на дунёнинг бутун кучлари. Улар бу ҳақиқатни заррача ўзгартира олишмайди.

Саккизинчи: Ислом Уммати ўзига, муқаддас даргоҳларига ва муборак заминига қарши мустамлакачи давлатларнинг фитналар тўқиётганини кўриб турибди. Шунингдек, ҳукмдорларнинг улар билан тил бириктириб, уни ёрдамсиз қолдиришганини, Фаластин масаласини зое кетказишаётганини гувоҳи бўлмоқда… Ислом Уммати шуларни кўриб, гувоҳи бўлаётган экан, демак, то Фаластин озод этилмагунча унинг масаласи ҳал бўлмаслигини, озод этиш эса, унинг армиялари ва фаол кучлари зиммасига тушаётганини, агар армиялар анави малай ҳукмдорларнинг кишанларидан қутулса ва ўз динлари, Умматлари олдида холис турса, албатта бу заминни озод этишга қодир эканликларини англаб етиши вақти аллақачон келган. Ана шунда бу муборак заминда саноқли яҳудий қолади. Мусулмонлар эса, худди Умар Форуқ ва асҳоблари илк бор кирганларидек, Ақсо масжидига азизу-мукаррам ҳолда кириб борадилар.

﴿وَيَقُولُونَ مَتَى هُوَ قُلْ عَسَى أَن يَكُونَ قَرِيباً﴾

«Улар: У (кун) қачон бўлур? – деб (сўрайдилар). Шоядки яқин бўлса, деб айтинг!»                                                                                          [Исро 51]

Роя газетасининг 2019 йил 27 ноябр чоршанба кунги 262-сонидан

+1

0

Related posts:

Навбатдан ташқари Вена анжумани Американинг вақтдан ютиши учун ўтказилаётган қатор анжуманлардан биридир Полиция томонидан бир неча қора танли америкаликлар отиб ўлдирилгач, Обама полиция аппаратини ислоҳ қилишга чақирмоқда Картер: Америка миллатчилик қайтаётганига гувоҳ бўлмоқда АҚШ такаббурлиги ва Британия айёрлигининг кучайиши