Исломий ҳаёт биз учун сув ва ҳаводек зарур
بسم الله الرحمن الرحيم
Исломий ҳаёт биз учун сув ва ҳаводек зарур
Инсон нафас олмай қанча яшаши мумкин? Инсон нафас олмай ўртача икки уч дақиқа яшаши мумкин экан, ундан кейин одам ҳалок бўлади албатта. Шунга ўхшаб, мусулмонлар бугунги кунда Исломий ҳаётни қайта бошлашга, инсонга ҳаво қанчалик зарур бўлса, шунчалик, балки унданда кўпроқ муҳтождирлар. Буни ҳозирда жуда кўпчилик мусулмонлар англаб етмоқдалар. Лекин уларнинг орасида буни тушунмаётган ёки тушунишни истамаётганлар ҳам йўқ эмас. Уларнинг асосий даъволари шуки, Ислом ўрта асрлар дини, яъни халқ орасида Исломни “эскича” деган сўз билан ифода қилинади, у инсониятни тараққиётдан тўсади ва ибтидоий даврга қайтаради. Бундай ўта саёз ва асоссиз фикрларни кўтариб юрганларга биз қуйидагича жавоб берамиз.
Сиз бугунги кунда фойдаланаётган энг замонавий ва қулай бўлган техника ва технологияларнинг асосида шарқнинг тарихдаги буюк алломалари меҳнатлари ётибди, улардаги билимнинг асоси эса Қуръондир, энг асосийси эса, Аллоҳнинг ўз илмидан берганидир. Лекин бундай қимматли илмдан ғарб унумли фойдаланиб қолгани учун, бугун улар биздан ривожланишда олдинга ўтиб кетдилар. Қисқача қилиб айтадиган бўлсак, мусулмонлар кашф қилди, кофирлар эса фойдаланди. Бироқ бу ҳақиқат унут бўлди ва гўёки кофирлар бу ютуқларга ўзларининг ақллари билан эришгандек, Исломни менсимай, уни оёқ-ости қилиб ташлашди. Бунга мусулмонларнинг ўзлари ҳам қўшилиб, Исломни эскилик сарқитига чиқаришлари дард устига чипқон бўлди. Агар мусулмонлар Исломни тишлари билан маҳкам тишлагандек қаттиқ ушлаганларида, ҳозир ғарб давлатлари замонавий технологияларни Ислом юртларидан сотиб олаётган бўлар эдилар.
Энди иқтисодиётга тўхталадиган бўлсак, ҳозирда бутун дунё бўйлаб судхўрликка асосланган капитализм иқтисодиёти амал қилмоқдаки, бойлар янада бойиб, камбағаллар очидан ўлар ҳолатга келиб қолмоқда. Бундай иқтисодиёт, аслида давлатнинг вазифасига кирадиган ишларни, масалан, фуқароларининг асосий эҳтиёжларини қондиришни ўзидан соқит қилади ва фуқаросининг бўйнига юклаб қўяди. Натижада, одамлар давлатнинг вазифаси аслида қандай бўлиши керак эди, деган саволни умуман бермай қўйдилар. Аксинча, инсон нима қилиб бўлса ҳам ўзини-ўзи таъминлаши керак, бу ҳаёт ўзи шундай шафқатсиз, фақат кучлиларгина жон сақлаб қоладиган хаёт кечирадиган бўлиб қолдилар. Бундай хаёт эса хайвонларнинг хаётидан фарқланмайдиган хаётдир.
Жамиятдан Ислом қувиб чиқарилгани туфайли, баъзи Исломий юртлар дунёда фоҳишабозлик бўйича олдинги ўринларга “кўтарилиб олдилар”. Бунга айбдор қилиниб ота-она, таълим-тарбия муассасалари кўрсатилди. Ҳолбуки, улар ҳам жамиятнинг бир қисмидир, жамият ғайриисломий бўлар экан, таълим-тарбияга ҳар қанча пул сарфланмасин, ҳар қанча панд-насиҳат қилинмасин, ҳаммаси ҳавога учиб кетаверади. Буни бугунги кун ҳам кўрсатиб турганига қарамай, ўша асоссиз ва саёз фикрларни кўтариб юрувчилар, нимагадир, жамиятдаги сон-саноғи йўқ иллатларга кўз юммоқдалар. Ахир уларнинг ҳам яқинлари, фарзандлари, қариндош-уруғлари бор, наҳот бир кун келиб уларга ҳам шу жамиятнинг катта зарари етишини ўйламасалар?
Биз бу ҳақиқатларни узоқ гапиришимиз мумкин, улардан баъзиларинигина сизга ҳавола қилдик. Шулардан келиб чиқиб, Исломни эскилик сарқити дейдиганлар ўзларига тўғри хулоса чиқариб олсинлар. Бундай тушунчадаги мусулмонлар кофирларга ўзлари билиб ёки билмай хизмат қилаётганликларини, Исломни фақат ибодат ва одоб-аҳлоқ дини эмаслигини англаб етишлари, бугунги куннинг энг асосий мақсади ва вазифасидир.
Ҳизб ут-Таҳрирнинг Ўзбекистондаги медиа офиси Фаррух
23.04.2015й.
