Ғоя воситани оқлайди…ми?!

بِسْمِ اللهِ الرَّحْمٰنِ الرَّحِيم

Юртимиздаги аксар инсонлар ўзларини мусулмон ҳисоблайдилар. Ўзларини бошқа динга мансуб, деб хаёлларига ҳам келтирмайдилар, ҳаттоки бирор инсон бошқасига “сен мусулмон эмассан” деса унинг ёқасига ёпишиб муштлашади. Аммо ҳаётий ишларига қарасангиз, баъзи амалларини айтмаса, бошқа бирортасида мусулмонликка даҳлдор амални кўрмайсиз. Жуда қизиқда. Мусулмонликни даъво қилиб, Ислом билан яшамаса…

Лекин бу бугунги кунимизнинг ҳақиқати. Юртимизда аксар инсонлар ўзлари тушунмаган ҳолда шундай ҳаёт кечирмоқдалар, ҳаёт тарзларини шакллантирмоқдалар. Ҳаётдаги мақсад айримларида яшаш учун кураш бўлса, айримларида яхши яшаш. Шу туфайли барча ишларига фойда-зарарни ўлчов қилган ҳолда фақат манфаатга интилмоқдалар. Ва унга эришишда ҳар қандай услуб, воситадан фойдаланмоқдалар. “Ғоя воситани оқлайди” деган амалий қоида бугун уларнинг ҳаётий қоидасига айланиб улгурди. Аниқроғи бунга қаттиқ ҳаракат қилинмоқда. Масалан, бугун моддий аҳволини яхшилашни мақсад қилган инсонлар, у хоҳ тирикчилик, хоҳ бойлик орттириш бўлсин, уни қўлга киритишда судхўрлик, порахўрлик, фирибгарлик, қиморбозлик, ўғрилик, зинокорлик қиладими, фарқи йўқ, ҳар қандай услуб, восита билан бўлса-да, кўзланган мақсади бойликка эга бўлишга жон-жаҳдлари билан уринмоқдалар. Бунинг учун жамиятдаги инсонлар ҳаётини тартиблаштиришда ботил ақиданинг тушунчаларига мослашишга ҳаракат қилмоқдалар. Аниқроғи, бунга мажбурланмоқдалар. Чунки ҳаётнинг ҳар бир соҳаси ботил ақидадан келиб чиқувчи тартиб-қоидалар билан қамраб олинган. Инсонлар истайдими йўқми, уларнинг чегарасидан чиқиб кета олмайдилар. Масалан, тижоратни йўлга қўймоқчи бўлган инсон банк, солиқ тизими ва савдонинг рибога асосланган ва адолатсиз қоидаларига бўйсунишга мажбур. Ишлаб чиқариш, хизмат кўрсатиш, деҳқончилик ва бошқа барча соҳаларда ҳам аҳвол шундай. Бу ботил ақиданинг ҳаром тартиботлари ҳаттоки инсонларнинг оладиган иш ҳақигача татбиқ қилинади. Бундай муҳит эса, инсонларда мазкур ҳолатларга мослашишдан бошқа йўл йўқ, деган тушунчани шакллантириб, унга кўниктирмоқда.

Бу демократияни татбиқ қилишдан кўзланган асосий ғоя ва уни амалга оширишда ҳар қандай услуб, воситадан фойдаланилаётганига яққол далил. Кўриниб турибдики, “ғоя воситани оқлайди” деган амалий қоида аслида ботил ақиданинг татбиқи учун ўйлаб топилган бўлиб, мусулмонлар унга амал қилиши ҳаром. Лекин нега мусулмонлар бу қоидага амал қиляптилар? Албатта унинг моҳиятини англамаганликлари сабаблидир. Чунки бу баттол демократиянинг ҳийлаларини англаш учун унинг ғоя ва воситаларини тиниқ тушуниш зарур. Бунинг учун мусулмонлар демократияни шайтон қутқуси билан инсон томонидан ўйлаб топилган куфрий ақида, ундан келиб чиқувчи тушунчалар эса, инсонни фақатгина залолатга етакловчи ботил тушунчалар эканини билишлари, бу борада тафаккур қилишлари керак. Шундагина Исломни ҳаётларига қайтариш қанчалик зарур эканлигини тушунадилар. Қачонки буни амалга оширсалар, икки ақида ўртасидаги фарқни, воқесини ва таъсирини англаб етиб, Ислом Аллоҳ томонидан берилган инсониятни азизликка ва юксалишга етакловчи илоҳий ақида эканлигини, демократия эса, инсониятни залолатга етакловчи шайтоний ақида эканини идрок қиладилар ва ундан воз кечадилар. Бунинг учун бугунги кундаги мавжуд ҳолатларга мослашиш эмас, аслида ўзлари учун тўғри йўл қайси экани борасида тафаккур қилишлари шарт. Буни қанчалик тез англаб етсалар, залолатдан қутулиш йўлини шунчалик тез топадилар. Энди бу ишда эътиборсизлик, мослашувчанлик ва сусткашлик ҳалокатга тенгдир. Чунки бу ботил ақида ҳаётларининг барча жабҳаларини деярли тўлиқ қамраб олишига жуда яқин қолди. 

Ҳизб ут-Таҳрирнинг Ўзбекистондаги медиа офиси. Салоҳиддин

26.02.2020й