بِسْمِ اللهِ الرَّحْمٰنِ الرَّحِيمِ

Фаластин Озодлик Ташкилоти араб давлатларидаги расмий режимларнинг табиий маҳсулидир

Устоз Абу Ҳамза Хутвоний қаламига мансуб

Фаластин Озодлик Ташкилоти ва ундан келиб чиққан режим Амирликлар ва Баҳрайннинг яҳудий вужуди билан муносабатларни нормаллаштириш келишуви имзолаганларига норози, деган мазмундаги хабар шу кунларда барча оммавий ахборот воситаларида тарқалмоқда. Озодлик Ташкилоти билан режими жарчиларининг даъвосича, бу келишувни Фаластин режими қоралаган эмиш. Гўё бундай мункар жиноятлардан пок режимдек. Ҳолбуки, 1993 йил яҳудий вужудини расман тан олган ва алоқаларни нормаллаштирган айнан мана шу ташкилот бўлади.

Бу Озодлик Ташкилотининг пайдо бўлгандан шу кунгача қилган ишларига чуқур назар солсак, қуйидагиларга гувоҳ бўламиз: Бу ташкилот анави Амирликлар ва Баҳрайндан фарқ қилмайди, ҳатто бошқа ҳар қандай араб давлатларидан ҳам фарқ қилмаган ҳолда, яҳудий вужуди билан сулҳ имзолаб, муносабатларни нормаллаштириб келган. Фаластин режимини мустамлакачи давлатлар ўтган асрнинг қирқинчи йиллари пайдо қилган бўлса, бу режимдан Озодлик Ташкилоти туғилди. Масалан, Араб давлатлари лигасини Иккинчи Жаҳон урушидан сўнг «Иншас саммити»да Британия ташқи ишлар вазири тузган. Ўшандан бошлаб айнан шу лига шу каби заиф қарам ташкилотларни уруғлантириб келади… Айнан шу лига улардан бошқа ташкилотлар ажралиб чиқишини таъминлаб, бирлашишига йўл қўймади… Айнан шу лига Озодлик Ташкилотини пайдо қилиб, уни Фаластин масаласини йўқ қилишда асосий қурол қилди.

Америка Фаластинни иккига бўлиш тўғрисида 1947 йили Хавфсизлик Кенгаши чиқарган қарорни қабул қилди. Бу билан у фаластинликларни тамсил этадиган ва  «ер эгалари», деган ном билан яҳудий вужудини тан оладиган Фаластин давлатчасини барпо қилиш ғоясини қабул қилди. Токи, яҳудий вужуди ҳам Фаластин вужудининг қонуний эгизагига айлансин ва шу «масала эгалари» томонидан тан олинсин.

1957 йил Америка Ливандаги Штаура саммитида Ғарбий Соҳил билан Ғазо секторини Миср ва Иорданиядан ажратиш мафкурасини қабул қилди. 1962 йилда АҚШ президенти Жон Кеннеди Миср президенти Жамол Абдунносир билан учрашиб, ундан Араб давлатлари лигаси орқали фаластинликлар учун вакиллик қиладиган ва халқаро ҳамжамият олдида қонуний вакил бўладиган махсус сиёсий орган тузиш устида ишлашни талаб қилди. Бу сўзларни Иордания парламентининг собиқ спикери Абдуллатиф Арабият айтган.

1964 йил Қуддусдаги Жабали Зайтунда биринчи марта Фаластин конференцияси бўлди ва унинг якунида жуда хавфли бир сиёсат хулоса қилиб чиқарилди: Фаластин масаласидан исломий кўламни узиб ташланди ва бу масала арабларга хос, мусулмонларга алоқасиз, араблардан бошқасига дахлсиз масалага айланиб қолди.

Ушбу ташкилот аввалда 1965 йилда Фаластин Озодлик Ҳайъати номи билан тузилди ва Араб давлатлари лигаси уни муборакбод қилди ва уни муборакбод қилиши билан ташкилот лиганинг табиий маҳсули бўлиб қолди. 1974 йил Раббот саммитида янги давр бошланиб, ташкилотдан араб давлатлари кўлами узилди ва у фаластинлик халқнинг ягона қонуний вакилига айланди. Шу билан Фаластин масаласи ўзининг ҳам исломий, ҳам арабий кўламидан мутлақо ажратилди. Арабий ва исломий вазнисиз қолган Фаластин яҳудийлар учун тайёр емга айланди. Араблар ҳам, мусулмонлар ҳам Фаластиннинг бир қисми эмас, балки ундан ғариб-бегона бўлиб қолдилар. Бунинг оқибати ўлароқ, яҳудий давлатига қарши курашишда ҳамма оғирликни зиммаларида кўтарувчи томон фақат бечора фаластинликлар бўлиб қолди. Токи, йирик давлатлардан қўллаб-қувватлов олувчи томон яҳудийлар бўлсин ва Фаластин масаласи йўқ қилинсин.

Шундай қилиб, расмий араб давлатлари тизими ушбу энг буюк тақдирий исломий масалани фақат Фаластин аҳлига хос кичкина бир масалага айлантиришга муваффақ бўлди. У энди сиёсий бўлишдан кўра кўпроқ инсонпарварлик масаласига тааллуқли бўлиб қолди, масалан, «фаластинликларни қайтиши», «компенсация олишлари», босқинчилар қиличлари остида турадиган ва ҳеч қандай суверенлиги бўлмаган «давлатча қуриш» каби масалалар.

Бундан хулоса қилиш мумкинки, Фаластин Озодлик Ташкилоти Араб давлатлари лигасининг, яъни, йигирма иккита омадсиз ва ожиз араб давлатларидан ташкил топган тизимнинг ажралмас бир бўлагидир. Бу Лигага аъзо бўлган ожиз араб давлатлари Фаластинни ўз ҳолига ташлаб қўйиб, саҳналаштирилган жангларда уни яҳудийларга топширди. Шунингдек, тинчлик келишувларини имзолаш ҳамда яҳудий вужуди билан хоинларча муносабатларни нормаллаштириш орқали бу вужудга қарши туриш жавобгарлигини ёлғиз фаластинликлар зиммасига юклаб қўйди.

Бу Фаластин раҳбарияти фаластинликлар номидан ўнлаб йилларга беҳуда музокаралар имзолаш орқали Фаластинни зое кетказаётган экан, буни аввалдан қасддан режалаштирган ҳолда қиляпти. Шунингдек, у қуйидаги қатор қилмишларини содир этяпти: хавфсизлик мувофиқлашувини имзолаш орқали яҳудий вужуди хавфсизлигини мудофаа қилиш, қидирувдаги фаластинликларни қувғин қилиб, уларни яҳудий вужуди қўлига топшириш, ўзининг хавфсизлик хизмати орқали халқ ҳаракатларини бостириши (ҳолбуки, халқ ҳаракатлари исломий ижтимоий низомга риоя қилувчи Фаластин жамиятида фаҳш ишларини тарқатаётган «CEDAW» конвенциясини татбиқ қилишдек режимнинг бузуқ сиёсатига қарши кўтарилмоқда), суд тизимига зўравонлик қилиб, адлия ҳайъатини менсимаслик, давлат пулларини ўғирлаб, одамлар устидан зулм қилаётган расмий элита фойдасига йирик маблағ талаб қилувчи лойиҳаларни манипуляция қилиш… бу ва бошқа қатор қилмишларни Фаластин раҳбарияти расмий араб давлатлари тизимининг бир маҳсули сифатида бажармоқда. Чунки бу раҳбарият ўзининг тузилишида ҳам, сиёсий структурасида ҳам бошқа коррупциячи малай араб давлатларнинг тузилиш ва структурасидан заррача фарқ қилмайди.

Шунинг учун, демак, ҳақиқатдан ҳам Фаластин Озодлик Ташкилоти расмий араб давлатлари тизимидан туғилган табиий бузуқ маҳсулдир. Зотан, расмий араб давлатлари тизими эса, сиёсий, маданий, ҳарбий, иқтисодий соҳаларда мустамлакачи кофир Ғарбга тобе тизимдир. Демак, шу жиҳатдан, ташкилот ҳам Амирликлар ва Баҳрайндан ёки бошқа ҳар қандай коррупцион бошқарув режимидан асло фарқ қилмайди.

Шу ўринда бир нарсани англамоқ лозим: Фаластин Озодлик Ташкилотини ислоҳ қилишга бўлган ҳар қандай уриниш муқаррар омадсизликка олиб боради. Чунки бу ташкилот Уммат душманлари ясаган араб давлатлари тизимидан келиб чиққандир.

Шу боис, Фаластиннинг Ҳамас ҳаракати билан Исломий Жиҳод ҳаракати «ислоҳ қилиш ва қайта қуриш» даъвоси билан бу ташкилотга аъзо бўлишга ҳаракат қилмаслиги керак эди. Чунки бузуқ ва тобе араб давлатлари тизимидан келиб чиққан бўлгани жиҳатидан бу ташкилотни ислоҳ қилиш амри маҳол. Унга нисбатан эгалламоқ лозим бўлган позиция фақат уни вайрон қилиб, унинг ёвузликлари, бузуқликлари ва гуноҳларидан қутулмоқдан иборат.

Роя газетасининг 2020 йил 7 октябр чоршанба кунги 307-сонидан