Жанубий Шарқий Осиёдаги пальмазорларда ишловчи аёллар ҳамон капиталистларнинг таҳқирли муомаласи қурбонлари бўлиб қолмоқдалар
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Жанубий Шарқий Осиёдаги пальмазорларда ишловчи аёллар ҳамон капиталистларнинг таҳқирли муомаласи қурбонлари бўлиб қолмоқдалар
Жорий йил 19 ноябр куни «Ассошиэйтед Пресс» ахборот агентлиги Индонезия ва Малайзиядаги пальмазор-хурмозорларда ишловчи аёлларнинг ёмон муомала ва эксплуатация қурбони бўлаётганлари ҳақида хабар қилди. Масалан, маошнинг пастлиги, санитария муҳофазасининг йўқлиги, ғайриинсоний меҳнатлар билан шуғулланиш, жинсий тажовуз ва зўрлаш таҳдиди каби. «Ассошиэйтед Пресс» Индонезия билан Малайзиянинг барча минтақаларидаги камида 12 компаниянинг 30дан ортиқ аёллари билан суҳбат ўтказди.
Маълумки, пальма ёғи кўплаб маҳсулотларда ишлатилади. «L’Oréal», «Unilever», «Procter & Gamble», «Avon», «Johnson & Johnson» каби қиймати 530 миллиард доллар бўлган косметика саноатининг энг йирик савдо брендлари ҳам пальма ёғидан фойдаланишади. Дунёда энг кўп пальма ёғи ишлаб чиқарувчи давлат Индонезия бўлиб, унинг пальмазорларида 7.6 миллиондан зиёд хотин-қизлар меҳнат қилади ва Хотин-қизлар масалалари вазирлиги берган маълумотга кўра, бу жами ишчи кучининг тахминан ярмини ташкил этади. Индонезия билан Малайзия бутун дунё бўйича пальма ёғи бозорига ҳукмронлик қилади. Бу икки давлатнинг бирида 14 миллион, иккинчисида 6 миллион гектар ер майдони пальма плантациясига ихтисослашган. Бироқ, бунинг салбий жиҳати шундаки, Индонезиядаги 14 миллион гектарлик пальмазорнинг тенг ярмига хусусий компаниялар, жумладан, ажнабий компаниялар эгалик қилади. Дарҳақиқат, хусусий ҳосилдор ерлар Индонезиядаги миллий пальма мойи саноатининг 60 %ини ташкил қилади. Бундай сиёсат модели қишлоқ хўжалик ерлари эгалигида адолатсизликка олиб келди. Чунки Индонезияда, аҳолининг атиги 1 фоизигина қишлоқ хўжалик ресурслари, ер ва далаларнинг 59 фоизига эгалик қилади. Бундан ташқари, Индонезия билан Малайзия тропик ўрмонларга зиён етказилаётганига қарамай, пальма плантацияларини кенгайтиришда давом этмоқда. Шунингдек, бу икки давлат режимлари ерларнинг хусусийлаштирилишини кенгайтиришган ҳамда кам ҳақ олувчи ишчи аёлларнинг хусусий секторлар томонидан эксплуатацияси қилинаётганига панжа орасидан қараб келишади.
Маълумки, аёллар миллиардлаб пул айлантирувчи йирик компанияларнигина эмас, балки шу билан бирга капиталистик тузумнинг ҳам қурбони бўлмоқдалар. Капиталистик тузум эса, аёл кишига ишлаб чиқариш воситаси, арзон мардикор ҳамда йирик компания ва ҳукуматларга катта даромад келтирувчи иқтисодий товар деган назарда қарайди, холос. Айни тузум ҳукмрон экан, хотин-қизлар капиталистик косметика саноатини бойитувчи пальмазорларда мардикор бўлиб қолмоқдалар. Ҳақиқатдан ҳам, бу мусулмон юртлари ҳукмдорларида ўз халқларини ҳимоя қилишга оид, айниқса, капитализмга бошқалардан кўпроқ ўлжа бўлиб қолаётган аёллар борасида исломий кўзқараш етишмайди. Бундан ташқари, улар мулк эркинлигига асосланган капиталистик қишлоқ хўжалик сиёсатини татбиқ қилишмоқда. Ушбу эркинлик бўйича эса, бир сиқим элита манфаатига эмас, бутун инсонлар манфаатига хизмат қилмоғи лозим бўлган стратегик ерлардан жуда катта қисмини хусусий ва ажнабий секторларга мулк қилиб берилган.
Капиталистик тузум давлатнинг инсонлар ҳуқуқларини ҳимоя қилиш ролини чеклаб қўйган экан, Халифалик тузуми бу тузумдан бутунлай фарқ қилади. Росулуллоҳ A
«الإِمَامُ رَاعٍ وَهُوَ مَسْؤُولٌ عَنْ رَعِيَّتِهِ»
«Имом-халифа ўз фуқароси устида жавобгардир», дея марҳамат қилганлар. Шунинг учун фуқаро эҳтиёжларини қондиришда Исломда давлатнинг роли жуда муҳимдир. Давлатнинг асосий вазифаси фуқарога хизмат қилиш, уларнинг ҳар бирининг эҳтиёжини ғамхўрлик билан қондириб, бечораларини ҳимоя қилиш ва ҳар қандай турдаги зулмни даф қилишдан иборат. Ислом тузуми мавжуд бўлса, аёлларнинг меҳнат муҳожирлари бўлишига ва ҳар қандай турдаги эксплуатация қурбони бўлишига ҳаргиз йўл қўйилмайди. Ваҳоланки, ҳозирда миллионлаб аёллар шуларнинг қурбони бўлаётир. Ислом давлати бу нарсаларга бутунлай барҳам беришга ҳаракат қилади. Шу билан бирга, Исломда аёл қишига номус, деб қаралади, арзон мардикор деб эмас. Аксинча, аёл кишига имтиёз, ҳурмат-икром берилди, эри, отаси ва ака-укаси каби эркак кишининг валийлиги-васийлиги остига киритилди. Яъни, бу эркаклар аёлга доимо боқиш вазифасини оладилар. Қачон аёл олдида боқувчи қариндошлари қолмаса, унинг молиявий эҳтиёжларини таъминлаш давлатнинг зиммасига ўтади. Бунга қўшимча, Ислом ерларнинг бой элита томонидан монополия қилинишига йўл қўймайди. Одамларнинг турмуш даражасини яхшилашга ёрдам бўлсин учун ерга индивидуал эгалик қилишни осонлаштирди. Бундан ташқари, Исломда нефть, газ ва минерал каби табиий бойликлар кўп бўлган ерларни хусусий мулкка айлантириш ҳаром қилинди. Бу бойликларни барча фуқаро фойдаланиши лозим бўлган омма мулкларига қўшилди. Шунинг учун Халифалик давлати заиф ва камбағалларни бой ва зўрларнинг эгоистлигидан ҳимоя қилади. Зотан, аёл кишини унга муносиб бўлган ҳуқуқ ва шарафини ҳимоя қилувчи ягона давлат Халифалик давлатидир.
﴿وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى﴾
«Ким Менинг эслатмамдан юз ўгирса, бас, албатта унинг учун танг—бахтсиз ҳаёт бўлур ва Биз уни қиёмат кунида кўр ҳолда тирилтирурмиз» [Тоҳа 121]
Ҳизб ут-Таҳрирнинг марказий матбуот бўлими аёллар қаноти
Related posts:
Ҳалабдаги аёллар ва гўдакларнинг қирғинга, очликка учраётгани уларни мудофаа қилишга киришишингиз учун кифоя қилмайдими?!!! 
Қирғиз режими Ҳизб ут-Таҳрирга аъзо аёлларни қамоққа олишда давом этмоқда 
Гўё Ливан минглаб аёллар ва болалар кўчиб келишидан олдин энг яхши вазиятда бўлгандек…! 
Илмоний режим ўзини қулашидан огоҳлантирмоқда ва кучини аёлларга кўрсатмоқда
