بِسْمِ اللهِ الرَّحْمٰنِ الرَّحِيمِ

Роҳинга қочқинлар лагеридаги катта ёнғинлар Ҳасина ҳукуматининг эътиборсизлиги ва омадсизлигини очиб берди

Ҳизб ут – Таҳрир марказий матбуот бўлими аёллар қаноти чиқарган баёнотда бундай дейилади:

«Сўнгги пайтларда Бангладешдаги роҳинга қочқинлари яшайдиган лагерларда бирин-кетин ёнғинлар келиб чиқмоқда. Бу ҳалокатли оқибатлар ва оғриқли саҳналардан Ҳасина ҳукуматининг роҳинга мусулмонларига ёрдам бериш, уларга ғамхўрлик ва реал ҳимоя кўрсатишдан қасддан бўйин товлаётгани яна бир бор исботланди. Ҳолбуки, бу бечоралар Аракан вилоятидаги армия ва бутпараст жангариларнинг шафқатсиз репрессия ва жиноятларидан қочиб келган эдилар. Шунча репрессияга Роббимиз Аллоҳ, дейишдан ўзга «айб»лари бўлмагани сабабли йўлиққандилар. Демакки, ёмғирдан қочиб, дўлга йўлиқдилар».

Баёнотда яна бундай дейилади:

«Ислом ва мусулмонларнинг душманларини дўст тутган бошқа режимлар каби, Ҳиндистонга ўхшаган кофир давлатлар билан шартнома ва битимлар имзолаб келаётган Ҳасина ҳукуматининг Роҳинга мусулмонларига ёрдам беришдан қасддан бўйин товлаши ажабланарли ҳол эмас. Шу боис, Худди Эрдоган Туркияси Сурия ва Ироқда қилгани каби ҳамда Саудия режими Яманда қилгани каби, биз Ҳасина ҳукуматининг ҳам ўз армияларини кофирлар буйруғи билан уларнинг мустамлакачилик урушларида иштирок этишга сафарбар қилаётганига, бироқ уларни бечора мусулмонларга нусрат-ёрдам беришга ҳаракатлантирмаётганига гувоҳ бўлмоқдамиз. Биз бу ҳукуматларнинг ўз чегаларини душман самолётларига, ҳарбий базаларига ланг очиб бераётганини, мусулмонлар бойликлари таланиши учун ажнабий компанияларни киритаётганини, бироқ мусулмон қочқинларга эса, тақа-тақ ёпиб ташлашганини, мабодо очган тақдирларида ҳам, қочқинларни ўлим лагерлари, деб аталган ерларга тиқиб қўяётганини кўряпмиз».

Баёнот сўнггида бундай дейилди:

«Бас, бундай малай жиноятчи режимларни илдизи билан қўпориб, уларнинг тахтлари харобалари узра Пайғамбарлик минҳожи асосидаги иккинчи рошид Халифалик давлатини барпо этмоқ вақти келди. Ушбу давлатимиз Аллоҳнинг шариати билан ҳукм юритиб, адолат ўрнатади, мазлумларга ёрдам бериб, золимлардан қасос олади.

Роя газетасининг 2021 йил 7 апрел чоршанба кунги 333-сонидан