Аллоҳнинг динини ўргатиш жиноятми?
Аллоҳнинг динини ўргатиш жиноятми?
بِسْمِ اللهِ الرَّحْمٰنِ الرَّحِيم
Интернет тармоқларида 25 май куни Самарқанд вилоятининг Пахтачи туманидаги “Хўжа-Зиёвуддин” масжидида фуқаролик кийимидаги ИИВ ходимлари томонидан сўроқ қилинган бола акс этган видео кенг муҳокама қилинмоқда.
Ушбу видеода бир неча ИИВ ходими тўсатдан масжидга кириб боргани ва у ерда диний сабоқ олиб ўтирган болалар ҳамда катталар билан мулоқот қилаётгани акс этган.
Видеода исмини очиқлашни истамаган, аммо ИИВ ходими эканини тасдиқлаган ходим 9 — 10 ёшлар атрофидаги боладан масжидда нима қилиб юргани, қўлидаги дафтари, унда ёзилган матнлар ҳақида сўраб-суриштиргани акс этган.
Ушбу ҳолат юзасидан Самарқанд вилояти ИИБ муносабат билдирди. Унда жумладан шундай дейилади: “…Шу куни соат 20:30 лар атрофида Пахтачи тумани ИИБ ходимлари ҳамда бошқа ҳуқуқни муҳофаза қилувчи органлар томонидан, Пахтачи тумани Зиёвуддин шаҳарчасида жойлашган “Хўжа-Зиёвуддин” жомеъ масжиди кўздан кечирилганида, махсус диний маълумотга эга бўлмаган Х.А. исмли шахс 11 нафар (5 нафари вояга етмаган) шахсларга диний ташкилот бошқаруви марказий органининг рухсатисиз, диний таълимотдан сабоқ бераётганлиги аниқланган.
Ҳолат юзасидан Х.А. га нисбатан МЖтК нинг 241-моддаси билан маъмурий баённома расмийлаштирилиб, келгусида диний таълимотлардан сабоқ бериш нияти бўлса, махсус диний билимларни эгаллаб, қонунларга асосан, ваколатли диний органларнинг рухсати асосида фаолият кўрсатиши мумкинлиги тушунтирилган”.
Абдуллоҳ ибн Амр р.а.дан ривоят қилинган ҳадисда «Набий ﷺ: «Мендан бир оятни бўлса ҳам етказинглар. Бану Исроил ҳақида эса сўзлайверинглар, танглик йўқ», дедилар». (Бухорий ривояти). Мусулмон одамга ўзи билган биттагина оятни ҳам бошқаларга етказиш фарз қилинганлиги ҳеч кимга сир эмас. Кимки шу ишни қилса, демак, у Аллоҳ Таоло буюрган фарзни адо этмоқда. Бу мақтовга сазовор ишдир. Бироқ ҳозирги татбиқ қилинаётган ғайриисломий тузумларда бу иш жиноят ҳисобланади. Агар кимдир диндан бирор нарсани ўргатмоқчи бўлса, у ҳукуматдан рухсат сўраши керак, агар у рухсат берса қилади, бўлмаса йўқ. Ваҳоланки, демократик тузумда дин давлатдан ажратилган бўлиб, дин давлат ишларига, давлат дин ишларига аралашмаслиги керак. Аммо демократиянинг иккиюзламачилиги сабабли давлат дин ишларининг майда тафсилотларигача аралашаверади. Бу демократиянинг қулаши жуда яқин эканлигига далолат қилади. Чунки у Исломга қарши урушда мағлубиятга учради ва охирги нафасларини олмоқда.
Ўзбекистондаги демократик дея даъво қилинаётган тузумнинг ҳам аҳволи шу. Кўриб турганимиздек, Ислом ва мусулмонларга қарши курашиш ҳамон давом этмоқда. Ушбу тузумга садоқат билан хизмат қилаётган баъзи шахслар бурнидан узоқни кўра олмайдиган калтафаҳм одамлардир. Улар ўзларига берилган лавозимлар ва елкаларидаги юлдузлардан ҳаволаниб, ҳатто Аллоҳнинг уйига ҳам бостириб киришдан ҳаё қилмай қўйдилар. Ҳолбуки, улар Аллоҳнинг уйига Ундан қўрққан ҳолларида киришлари керак эди.
Мусулмонлар ўзлари эътиқод қиладиган Ислом динини ўрганишлари ва ўргатишлари дунё ҳаётида қиладиган жуда муҳим, балки энг муҳим ишдир. Шунингдек, Исломни ўргатиш бола ақлини танишни бошлаган пайтданоқ бошланиши кераклиги ҳам ортиқча далил талаб қилмайдиган иш ҳисобланади. Бу ўринда фалон ёшга етиши кутилмайди. Чунки инсон ақлини танишни бошлаган пайтдан шахс сифатида шаклланишни бошлайди. Мақсад уни Исломий шахсия сифатида шакллантириш экан, нега 16 ёки 18 ёшга тўлгунча кутиш керак, ахир бу аҳмоқлик эмасми?
Ислом тузуми татбиқ қилинмас экан, мусулмонларга Исломни ўрганиш ва у билан яшашларида тўсиқлар бўлаверади. Чунки ҳозир татбиқ қилинаётган тузум динни ҳаётдан ажратишга асосланган. Шунингдек, ушбу тузум ўз фарзандларимизни Ислом ва мусулмонларга қарши курашадиган манқурт хизматкор қилиб тарбиялаб, икки дунё бахтсизлигига олиб бориб қўяди. Шунга кўра, Аллоҳ рози бўладиган қонунлар татбиқ бўлиши учун биргаликда ҳаракат қилишимиз лозим.
Ҳизб ут-Таҳрирнинг Ўзбекистондаги матбуот бўлими аъзоси Фаррух
30.05.2021й
