Асло ғамгин бўлма биродар, зеро Аллоҳнинг ваъдаси Ҳақдир!
Асло ғамгин бўлма биродар, зеро Аллоҳнинг ваъдаси Ҳақдир!
بسم الله الرحمن ألرحيم
Даъват юки оғир ва машаққатли, унга бел боғлаган мўминлар даъват йўлидаги даҳшатли тўсиқларга кетма-кет рўбарў бўлиши суннатдир. Росулуллоҳ ﷺ ва саҳоба р.а.лар тарихи бизларнинг ҳотирамиздан асло нари бўлмаслиги лозим. Зеро, сийрат бугун учун ойнадир. Ҳақ аҳлига мушрик ва яҳудийлардан етган озорлар бугуннинг ҳақ аҳлига етмоғи башоратдир. Аллоҳ Таоло айтади:
أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ
– “Ёки сиздан олдин ўтганларнинг ҳолатлари сизларга ҳам келмай туриб, жаннатга кирамиз деб ўйладингизми? Уларни йўқчилик ва қийинчиликлар тутган ва ларзага туширилганлар. Ҳаттоки Расул ва у билан иймон келтирганлар: “Аллоҳнинг нусрати қачон бўлади?” – деганлар. Огоҳ бўлинглар! Албатта, Аллоҳнинг нусрати яқиндир”. (Бақара:214)
Абу Ҳурайра розияллоҳу анҳудан ривоят қилинади:
عَنْ أَبِي هُرَيْرَةَ رَضِيَ اللهُ عَنْهُ، عَنِ النَّبِيِّ ﷺ قَالَ: «بَدَأَ الْإِسْلَامُ غَرِيبًا، وَسَيَعُودُ كَمَا بَدَأَ غَرِيبًا، فَطُوبَى لِلْغُرَبَاءِ». رَوَاهُ مُسْلِمٌ.
«Набий ﷺ: «Ислом ғариб ҳолатда бошланди ва қандай бошланган бўлса, ўшандай ғариб ҳолга қайтади. Ғарибларга тубо бўлсин!» дедилар».
Эй азиз биродар, даъват йўлида қамоқдамисиз, қувғиндамисиз, таъқиб ва тазйиқлар ҳамроҳлигидамисиз, демак, сизга айтаримиз ғариблик муборак бўлсин !
Аммо шундай бўлса-да, чорак асрдан буён олам сиёсатини кузатишдан узоқда бўлган зиндон ғарибларига, эндигина оиласи бағрига етгач, яна зиндонга қайтарилган азизларимизга ва уларнинг ҳануз таъқиб остидаги оилаларига ва умуман барча мусулмонларга энг ишончли манбадан эслатиб қалбларига меҳмон бўлмоқ истагида сўз айтмоққа журъатланамиз:
1. Ҳақни таниб, уни бутун дунёга етказишдек оғир ишни елкасида кўтариб юрган мўминлар даъват машаққатларидан, изтироб ва кети кўринмас синовлардан баъзида ғамгин бўлган ҳолда (худди ўзидан аввалгилар каби) савол берадилар: Аллоҳнинг нусрати қачон келади? Нусрат қўлида бўлган Носир Таоло уларга жавоб беради:
وزلزلوا زلزالاً شديدا حتى يقول الرسـول و الذين آمنوا معه متى نصر الله ألا إن نصر الله قريب
– “…ва қаттиқ ларзага туширилдилар, ҳатто Пайғамбар ва у билан бирга иймон келтирганлар Аллоҳнинг нусрати қачон келади, дейишди. Огоҳ бўлингким, Аллоҳнинг нусрати яқиндир”. (Бақара:214)
2. “…улар маҳбубларимдир…” дея башорат қилган рост сўзлагувчи Пайғамбаримиз Росулуллоҳ ﷺ шу куннинг маҳбубларига “…сўнгра Пайғамбарлик минҳожи асосидаги Халифалик бўлади” дея хабар бердилар.
Юқоридаги оят ва ҳадис бугуннинг савол берувчилари эътиқод қилиши лозим бўлган Аллоҳ ва Росулидан бўлган жавоблардир.
3. Фазилатли олим шайҳимиз (Аллоҳ у кишини ҳифзида сақлаб, шу улуғимиз қўли ила нусрат берсин) Ато ибн Ҳалил Абу Рошта:
Олам янги мабдага эҳтиёж сезмоқда, у эса Ислом мабдаси эканига инсоният амин бўлди. Бу борадаги даъват аҳли зиммасидаги ишлар бажарилди ва шиддат ила давом этмоқда. Аллоҳ Таолодан кутилажак ҳақ ваъда олам эшигини қоқмоқда каби хитоби билан дилларга қувонч ато этмоқда.
4. Воқеликка енгил назар ташлаган киши бугуннинг етакчи куфр давлатлари ўз мафкурасидан воз кечганига гувоҳ бўлади. Улар ўзлари эътиқод қиладиган капитализмдан воз кечиб, аввалги мағлуб жоҳил қавмлар суянган зўравонлик сиёсатига ўтиш билан мағлубият эшигини кенг очиб қўйдилар. Худди Собиқ Иттифоқ ўзининг социалистик ақидасидан воз кечиб қулаганидек, бугунги Ғарб давлатлари ҳам капитализмдан воз кечиб, ўша мустабид мабда қулаган жарлик ёқасига келиб қолган. Зеро ҳақ келса, ботил учун чекинмоқ илоҳий қонуниятдир.
Юқоридагилар эзгулик Давлатининг яқинлигига далолат қилар экан, бизлар унга ишонамиз ва ўзимизнинг зиммамиздаги буюк мерос юкини ва даҳшатли оғир машаққатларни кўтармоқдан асло малолланмаймиз.
Эй мўминлар! Эсланг, илоҳий мабда ўз тариқатидан ажратилгач, ҳаёт майдонида татбиқ бўлишдан тўхтаб, ўн уч асрлик Ислом Давлати қуламаганмиди? Бугун ўша илоҳий мабда ўз фикрати ва тариқати билан оламга қайтар экан, башоратлар рўёби яқиндир! Нусрат яқиндир!
Ҳизб ут-Таҳрирнинг Ўзбекистондаги матбуот бўлими аъзоси Зайниддин
23.09.2021й
