بِسْمِ اللهِ الرَّحْمنِ الرَّحِيمِ

Исломий давлатни тиклаш учун ҳаракат қилиш фақат араб давлатларига чекланганми» деган саволга жавоб

Савол:

Ассаламу алайкум ва роҳматуллоҳи ва барокатуҳ!

Қадрли амиримиз, Аллоҳдан сўрайман, сизга тавфиқ ато этиб, бизга Ўз изни ила, сизнинг қўлингиз билан тезроқ нусрат берсин, чунки Аллоҳ ушбу ишнинг эгасидир. Аллоҳга гувоҳлик бераман, сиз яхши авлод учун яхши аждодсиз…

«Ҳизб ут-Таҳрир тушунчалари» китобининг 79 саҳифасида бундай ибора келган:

«Ислом даъватини ёйиш ва бу йўлда сиёсий кураш олиб бориш Ҳизб ўзига мажол (фаолият майдони) қилиб белгилаган жамиятда бўлади. Ҳизб ут-Таҳрир бутун Ислом оламидаги жамиятни битта жамият деб эътибор қилади. Чунки унинг барча масаласи битта, яъни Ислом масаласидир. Лекин Ҳизб араб юртларини исломий юртларнинг бир қисми сифатида бошланиш нуқтаси қилиб белгилайди. Ҳизб Буюк Исломий давлатнинг ўзаги сифатида араб юртларида Исломий давлатнинг вужудга келишини бу йўлдаги табиий қадам, деб билади».

Шунингдек, «Ҳизбий уюшма» китобида ҳам бундай ибора келган:

«Шунга кўра, барча Ислом юртларини ўз ичига оладиган Исломий давлатнинг негизи бўладиган Исломий давлат араб юртларида пайдо бўлиши табиийдир. Араб юртларида Исломга даъват қилиш шарт бўлгани каби бошқа исломий юртларга ҳам даъват юборилиши шарт. Фаолиятни араб юртларида бошлаш дегани исломий юртларнинг барчасини Исломий давлатда бирлаштирмагунча араб юртларидан бошқа ерда фаолият олиб борилмайди, дегани эмас. Балки араб юртларида Исломий давлат барпо қилиш учун иш олиб борилади, сўнгра бу давлат қўшни юртларга – улар араб юртлари ёки бошқа юртлар бўлишидан қатъий назар – кенгайиб боради».

Ушбу иборалар биз – Халифалик давлатини барпо этиш учун фаолият қилишимизда мўлжаллаган давлат фақат араб давлатлари бўлишини, қолган араб бўлмаган давлатларда эса Ислом давлатини барпо қилишдан бошқа мақсадда фаолият қилишимизни англатадими? Хусусан, Аллоҳнинг изни ила, яқинлашиб келаётган Исломий давлатнинг негизи аввало араб давлатларида бўлиб, кейин бошқа исломий юртларга тарқалиши ҳам айтилган.

Менга шу нарса қоронғу бўлиб қолгани боис, сиздан асосан, шу иборадан нима мақсад қилинганини ёритиб берасиз деб умид қиламан. Сиз амиримизга Аллоҳ барака ато этиб, сиз орқали ва сизнинг қўлингиз билан фатҳлар берсин!

Жавоб:

Ва алайкум ассалом ва роҳматуллоҳи ва барокатуҳ!

«Тушунчалар» ва «Уюшма» китобида келтирилган бу икки иборадан ҳам – давлат барпо этиш учун фаолият қилиш араб давлатларига чекланган, деган нарса тушунилмайди. Чунки икки иборада ҳам бу табиий нарса экани айтилган, холос. Гап шундаки, аслида Ислом давлати араб давлатларида бўлиши керак, бошқасида бўлмаслиги керак, чунки араб тили Ислом тили бўлиб, у Исломни тушуниш ва ижтиҳод қилиш учун зарур. Шу боис ушбу давлат араб тилида сўзлашувчи араб давлатларида барпо бўлгани яхши ва маъқул. Лекин баъзан бу рўёбга чиқмай қолиб, давлат ноараб давлатларда барпо бўлади. Чунки барча исломий олам Халифалик давлати барпо бўлишга яроқлидир, гарчи араб давлатлари унданда яроқлироқ бўлса ҳам. Ҳизб давлат барпо қилиш учун ўз фаолиятини фақат араб давлатларига чекламайди, балки айни ғояси сари ноараб давлатларида ҳам фаолият олиб боради.

Бироқ Ҳизб араб давлатларида таъсис топди ва ўша ерда фаолият бошлади, бошланишда мажол араб давлатлари бўлди, чунки Ҳизб ўша ерда бор эди ва ўша ерда фаолият қиларди. Кейинчалик даъват араб давлатлари ташқарисига кенгайиб, Ҳизб хорижда ҳам ўз вазнига эга бўлгач, ўз мажолини ҳам кенгайтирди ва хоҳ арабий бўлсин, хоҳ арабий бўлмасин, исломий юртларда Халифалик барпо этиш учун фаолият қиладиган бўлди. Шунинг учун агар ушбу табиий нарса рўёбга чиқиб, давлат араб давлатларида барпо бўлса Аллоҳга ҳамд айтамиз, аммо бошқа исломий юртларда барпо бўлса, бунга ҳам Аллоҳга ҳамд айтамиз!

وَرَبُّكَ يَخْلُقُ مَا يَشَاءُ وَيَخْتَارُ

«Роббингиз Ўзи хоҳлаган нарсани яратади ва ихтиёр қилади»    [Қасос 68]

Аллоҳнинг Ўзи мададкор.

Биродарингиз Ато ибн Халил Абу Рашта                                     

20 зул-ҳижжа 1435ҳ

14 октябр 2014м