بسم الله الرحمن الرحيم

Матбуот баёноти

Инсон фақат Ислом соясидагина қадр-қимматга эга бўлади

Президент Шавкат Мирзиёев Янги йил муносабати билан Ўзбекистон халқига йўллаган табригида 2022 йилни «Инсон қадрини улуғлаш ва фаол маҳалла йили» деб эълон қилишни таклиф этди. Бу ҳақда президент матбуот хизмати хабар тарқатди. Мирзиёев жумладан бундай деди: “Биз янги йилга ном беришда, кенг жамоатчиликнинг фикрларини ўргандик. Ана шу таклифлардан келиб чиқиб, мен Янги – 2022 йилни мамлакатимизда “Инсон қадрини улуғлаш ва фаол маҳалла йили” деб эълон қилишни таклиф этаман. Инсон қадрини улуғлаш – юртимизда яшаётган  ҳар бир одамнинг ҳуқуқ ва эркинликлари, қонуний манфаатларини таъминлаш демакдир. Бу борада жамиятимиз асоси бўлган маҳалла  ҳал қилувчи ўрин тутади. Маҳалла тинч бўлса, юрт тинч бўлади….”

Маълумки, мустамлакачилар сақофий ҳужумда ишга соладиган энг хатарли услублардан бири адаштириш услубидир. Бунга мисол сифатида “ислоҳотлар”, “ўзгариш”, “тараққиёт” каби усти ялтироқ, алдамчи шиорларни келтириш мумкин. Диктатор Каримов ўлганидан кейин унинг ўрнига келган Мирзиёев ҳам шу адаштириш услубини давом эттирмоқда. У ҳам ҳар янги йилнинг бошида йилни бирон ном билан атаб, қоп-қоп ваъдаларни беради. У 2022 йилга “Инсон қадрини улуғлаш ва фаол маҳалла йили” деб ном берди. Хўш, бу баландпарвоз шиор Ўзбекистондаги реал ҳаётга тўғри келадими? Бунга ҳар қандай кўзи очиқ, оқил инсон: йўқ, деб жавоб бериши аниқ. Чунки Ўзбекистондаги куфр тузуми – капитализм шароитида инсоннинг қадр-қиммати қанчалик даражада эканлиги ҳаммага маълум. Бунга оддий бир мисол, инсонларнинг мана шу қиш кунларида газ ва электр қуввати йўқлиги сабабли совқотиб, музлаб ўтирганларидир. Одамлар бу зулмдан норозилик билдирса, куч тизимлари уларга таҳдид қилади. Бу куфр тузум шароитида инсоннинг сариқ чақалик ҳам қадр-қиммати йўқлигига бундан бошқа мисоллар ҳам кўп. Шунга қарамай, Мирзиёев уялмай-нетмай: “халқимизнинг ҳаёти янада фаровон ва мазмунли бўлиши учун бор куч  ва имкониятларимизни сафарбар этамиз.” демоқда. Гўё Ўзбекистон халқи фаровон ҳаёт кечираётгандек!

Аслида, нафақат мусулмон, балки ҳар қандай инсон фақат бутун оламлар учун раҳмат бўлган Ислом соясидагина қадр-қимматга эга бўлади. Ислом тарихига мурожаат қилсак, мусулмонлар билан бир қаторда аҳли зимма бўлган яҳуд ва насороларнинг ҳам қадр-қиммати Ислом давлати томонидан муҳофаза қилинганига гувоҳ бўламиз. Мусулмонлар Исломни маҳкам тутган кунларда одамлар учун чиқарилган энг яхши Уммат бўлган эдилар. Рошид халифа Умар розияллоҳу анҳу: “биз энг хор қавм эдик, Аллоҳ бизни Ислом билан азиз қилди, шунинг учун азизликни бошқа нарсадан истайдиган бўлсак Аллоҳ бизни хор қилади” – деган эди. Саййидимиз Умар розияллоҳу анҳунинг бу сўзлари нақадар ҳақлигини мусулмон халқларнинг, жумладан ўзбек халқининг бугунги аянчли аҳволи тасдиқлаб турибди.

Шундай экан, мустамлакачи кофирлар ўрнатиб қўйган бу куфр тузумни ва уларнинг югурдаклари бўлмиш малай ҳокимларни улоқтириб ташлаб, Рошид Халифалик Давлати татбиқ этадиган Ислом тузуми ўрнатилмас экан, инсон ҳеч қандай қадр-қимматга эга бўлмайди, бу хорлик давом этаверади. Шунинг учун мусулмонлар инсондек ҳаёт кечирмоқчи бўлсалар, золим ҳокимларнинг бундай найрангларига учиб, уларнинг ноғорасига ўйнаб, мусулмонларга қарши курашмасликлари лозим. Аксинча, улар ўзларининг Ҳизб ут-Таҳрирдаги ўғлонлари ва ака-укаларига Рошид Халифалик Давлатини тиклашда ёрдам қўлини чўзиб, яна одамлар учун чиқарилган энг яхши Умматга айланишлари вожиб! Зеро, шундагина ҳар бир инсон ҳақиқатдан ҳам қадр-қимматга эга бўлади.

وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَٰكِنَّ الْمُنَافِقِينَ لَا يَعْلَمُونَ

– “Азизлик (куч-қудрат) Аллоҳники, Унинг пайғамбариники ва мўминларникидир. Лекин мунофиқлар (буни) билмаслар”. (Мунофиқун:8)

Ҳизб ут-Таҳрирнинг Ўзбекистондаги матбуот бўлими