بِسْمِ اللهِ الرَّحْمٰنِ الرَّحِيمِ

АҚШ вакиллари ва яҳудийлар делегациялари минтақадаги ёвузлик ўчоғидир

Устоз Мозин Анну Юсуф – Судан

2022 йил 19 январ чоршанба куни АҚШ давлат котиби ёрдамчиси Молли Фи бошчилигидаги делегация билан Вашингтоннинг Африка Шохидаги махсус вакили Дэвид Саттерфилд Хартумга келишди. Бир вақтнинг ўзида, яҳудий вужудидан ҳам хавфсизлик делегацияси келди. Улар суданлик қатор сиёсий кучлар, касаба уюшмаси раҳбарлари, шунингдек, хотин-қизлар ҳаракатлари ва фуқаровий жамият вакиллари билан учрашишди. Кейин пайшанба куни улар билан Суверен кенгаш раиси Бурҳон ва унинг ўринбосари Ҳамидатий ҳам учрашишди. (Ал-Жазира нет).

Ушбу қатор учрашувларда Судандаги мавжуд чигал хавфсизлик масалалари ва шароитлари муҳокама қилинди. Зотан, бу муаммолар ҳокимият кризиси ва курашаётган томонлар ўртасидаги кураш ва тортишувлардан иборат бўлиб, диалог ва консенсус боши берк кўчага кириб қолди. Ўз навбатида, юрт хавфсизлиги издан чиқиб, номаълумлик жарлиги ёқасига келди. АҚШ делегацияси қуйидагиларни таъкидлади:

1 – Курашаётган томонлар мавжуд кризисдан чиқишни кафолатловчи миллий келишувга эришиш учун кенг қамровли миллий диалог давра суҳбатига киришишлари зарур. Бу давра тарқатиб юборилган Миллий Конгрессдан ташқари, барча блоклар, сиёсий ва ижтимоий кучлар, касаба уюшмаларини ўз ичига олади.

2 – Ўтиш даври ва демократик ўтиш вазифаларини тўлиқ бажариш учун бош вазир етакчилигида технократлар мустақил миллий ваколатлари ҳукуматини тузиш зарур.

3 – Воқеалар ривожига мослашиш учун конституциявий ҳужжатга баъзи тузатишлар киритиш лозим.

4 – Ўтиш даври муддати тугаганда эркин ва шаффоф сайловлар ўтказиш керак.

Йирик мустамлакачи давлатлар ва уларнинг минтақадаги иттифоқчилари томонидан бундай хорижий делегацияларнинг Суданга бўзчини мокисидан қатнашлари ҳамда юртнинг ички ишларига аралашишлари янгилик ҳам, ғайритабиий ҳам эмас. Мудом, шу пайтга қадар юртимиз давлатлар ўртасида ва мустамлакачи кофирга содиқ бўлган фарзандларимиздан иборат маҳаллий малайлар ёрдамида кўз олайтирилган томорқага айланиб қолган экан, шундай бўлиши табиий.

Шунга биноан, биз мустамлакачи давлатларнинг ҳақиқий воқеи ва моҳиятига кўра шуни таъкидламоқчимизки, Америка ва бошқа йирик давлатлар дунёнинг учинчи давлат, дея аташаётган юртлар, хусусан, мусулмон юртлари халқлари учун на яхшилик келтирувчи давлатлардир ва на манфаат. Чунки масалан, Американинг ўзи минтақанинг асл аҳолиси бўлган қизил танлиларни қатли ом қилиб, уларнинг бош чаноқлари устига бино бўлган. Ҳамон у дунёнинг қолган заиф халқларига нисбатан қирғин, қочқинга айлантириш, қашшоқлаштириш ва юқумли касалликлар тарқатиш каби ўзининг севимли машғулотлари билан шуғулланиб келяпти. Энг жирканч жиноятларга қўл урган ва инсон ҳуқуқларини оёқ ости қилган бу каби бир давлатдан Судан аҳлига ва ё бошқа халққа бирор яхшилик кутиш мантиқан ҳам тўғри келмайди. Буни соғлом ақл қабул қила олмайди. Америка ўтган режимдаги ўз малайлари орқали Судан жанубини бўлишга муваффақ бўлгач, энди, ўтиш даври ҳукуматидаги янги малайлари орқали айни қадамини давом эттириб, Суданнинг қолган ерларини ҳам бўлиб, парчалаш ва хонавайрон қилиш режасини амалга оширмоқчи.

Кимда-ким воқеликни ҳис қилиб, минтақада бўлаётган сиёсий воқеа-ҳодисалар билан яшаса, бу каби вакил ва делегацияларнинг минтақадаги муаммо ва можароларни ҳал қилиш ниятида келмаслигига, «демократик ўтиш», «тинч-тотув яшаш», «барқарор ривожланиш», «хавфсизлик» ва бошқа-бошқа шиор ва даъволарни ҳам амалга оширмаслигига гувоҳ бўлади. Зотан, аслида бу каби даъволар ва терминлар уларнинг бирламчи ва асосий вазифаларида ҳам йўқ. Балки мустамлакачилар улардан ўз нуфузларини кучайтиришда ва малайларини ғолиб қилиб, сафлари ва чор-атрофларини мустаҳкамлашда фойдаланишади, холос. Американинг олий даражали делегацияси ҳам айни мақсадда келди. У ўтиш даври ҳукуматидаги америкапараст генераллар ва баъзи сиёсатчилардан иборат малайларга эътибор қаратиш ва уларни қўллаб-қувватлашни кўзлаган. Чунки шу вақтгача улар заифлашиб, ўзларининг намойишчилар овозини ўчириш ва сиёсий келишувга эришиш вазифасини бажаролмай қолишган эди. Зеро, намойишлар курашнинг иккинчи томони бўлган европапараст малайлар қўлидаги «декабр ҳаракати»дан иборат кузир карта бўлиб келаётганди. Аммо делегациянинг тинч намойишчиларни ўлдириш, куч ишлатиш ва бостириш жиноятларини қораловчи баёнотларни бериши ва уларни судга тортишни талаб қилишига келсак, бу ялтоқлик ва фирибгарликдан бошқа нарса эмас. Улар шу орқали одамларни, айниқса қўзғолончиларни Америка айни можарода нейтрал-холис позицияда турибди, дея алдашмоқчи.

Яна бир жиҳатдан, бу каби делегацияларнинг келиб кетишидан яҳудийлар билан муносабатларни нормаллаштириш режасини жадал давом эттириш кўзланган. Маълумки, илгари Тель-Авивда ишлаб чиқилган ушбу Абраҳам шартномасига Судан суверен кенгаш раиси Бурҳон яҳудийлар собиқ бош вазири Нетаньяху билан бирга Энтеббе шаҳрида учрашиб имзо чеккан. Эроннинг таъсири ва Ҳусийларнинг Қизил денгизда ҳарбий база қуриш режаси каби ишлар Тель-Авивни хавотирга солаётгани учун учрашувда Нетаньяху билан минтақавий хавфсизликни мустаҳкамлаш хусусида ҳам суҳбатлашилган.

Шу нуқтаи назардан ҳамда Судан мусулмон амалга ошириши керак бўлган вазифа эътиборидан қуйидагиларни таъкидлаймиз:

1 – Судандаги кураш АҚШ-Британия ўртасидаги давлатлараро курашдир. Бу кризиснинг асосий сабаби, айни давлатлар ва уларнинг элчихоналарининг Суданда мавжуд бўлиб туришганидир. Шунинг учун ҳам, Умматнинг ички ишларига ва тақдирий масалаларига бўлаётган бундай очиқдан-очиқ ажнабий аралашувларга қарши мустаҳкам қоя мисол турмоқ зарур.

2 – Ушбу режалаштирилган ва ишлаб чиқилган шартномалар малай ҳукмдорларнинг ён беришларига асосланган ўртача ечим доктринаси бўлиб, булар тил бириктирувдан бошқа нарса эмас. Бу тил бириктирув ва режалар эса, кризисларни кучайтиришга, оғир курашларни янада оғирлаштиришга ва оловга мой сепишга қаратилган. Шубҳасиз, бу курашлар ечими асоси Ислом ақидасидан балқиб чиқмоғи шарт.

3 – Юртимиздаги барча фалокатларни келтириб чиқараётган кризиснинг асл сабаби капиталистик тузумнинг татбиқ этилаётганидадир. Бас, шундай экан, бундай тузумдан ечим олиб бўлмайди. Бизнинг қилишимиз керак бўлган вазифа, шубҳасиз, айни муваффақиятсиз тузумни йўқ қилиб, ўрнига Ислом тузумини барпо этмоқдан иборат.

4 – Яҳудий вужуди билан муносабатларни нормаллаштириш шаръан ҳаромдир. Шунингдек, Аллоҳга, Росулига ва бутун Ислом Умматига хиёнатдир. Буни қилганларни албатта оғир жазога тортиш даркор.

Эй Судандаги холис мусулмон фарзандлари!

Судандаги ҳамда мусулмон юртларидаги ва бутун оламдаги кризислар ва фалокатлардан қутулишнинг ягона йўли Пайғамбарлик минҳожи асосидаги рошид Халифалик давлатини барпо этишдан иборат. Зотан, бу давлатни барпо этиш барча мусулмонларга фарздир.

Роя газетасининг 2022 йил 9 феврал чоршанба кунги 377-сонидан