Ҳақиқий мустақиллик Ислом билан бўлади
Ҳақиқий мустақиллик Ислом билан бўлади
بسم الله الرحمن الرحيم
Азиз мусулмон биродарим, сиз юртингизни яхши кўрасизми? Ҳа, албатта яхши кўрсангиз керак. Шу туғилиб ўсган юртингизни душман босиб олса, борингизни бериб уни озод қилиш учун ҳаракат қилишингизга шубҳа йўқ. Аммо агар душман тўғридан тўғри ҳарбий йўл билан эмас, балки билвосита, яъни юртингизни бошқараётган ҳокимлар воситасида босиб олган бўлса-чи?! Бироқ сиз бунга ишонгингиз келмайди. Чунки кўряпсизки, юртингиз чегаралари қўриқланяпти, давлат байроғи, герби, армияси, валютаси, президенти, конституцияси, хулласки мустақил бўлиши учун ҳамма нарсаси бордек гўё. Агар оламга қарасангиз барча давлат сифатида тан олинган юртларда ҳам юқоридаги рамзлару белгилар мужассам. Лекин уларнинг орасида ҳақиқий мустақил давлатлар бармоқ билан санайдиган даражада холос. Чунки сиз мустақиллик белгиси сифатида кўраётган нарсалар аслида мустақил давлат белгиларининг айримлари холос. Асосийси эса, ташқи ва ички сиёсатда мустақил бўлишдир. Бу борада ўз қарорига эга бўлмаган давлат шаклан мустақил кўринса-да, аслида ички ва ташқи сиёсатда қайсидир йирик давлатга қарам давлат сифатида баҳоланади.
Ҳозир халқаро сиёсатга қизиқиш ортиб бораётган экан, одамларнинг сиёсий онги ҳам юксалиши табиий ҳол. Бунинг натижасида улар ўзи яшаётган юртнинг ҳам мустақил ё мустақил эмаслиги борасида бош қотиришни бошлайдилар. Бу албатта ижобий ва муҳим иш. Чунки сиз ўзингиз яшаётган юртнинг билвосита душманлар таъсири остида эканлигини англаганингиздан сўнг устингизда татбиқ қилинаётган адолатсиз, ёмон бошқарув ва тузумнинг бош сабабчиси айнан юртингизни мустамлака қилаётган душман давлатлар эканлигини тушуна бошлайсиз. Чунки улар юртингизнинг ички ва ташқи сиёсатига бемалол аралашар эканлар, демак, бу сиёсат сизнинг манфаатингизга хизмат қилмайди, яъни қабул қилинаётган қонунлару қарорлар душман давлатлар манфаатига хизмат қилади. Шунга кўра, сиз дўст ва душманни ажрата бошлайсиз. Юртингизга ташриф буюраётган дўст ниқобидаги душман давлатларнинг ҳақиқий мақсадларини тушунишни бошлайсиз. Бир сўз билан айтганда, сиз уйғониш йўлига илк қадамларни ташлайсиз.
Бироқ бу жараён, яъни уйғониш ҳамда бунинг натижасида ички ва ташқи сиёсатдаги мустақиллик қандай бўлишини тушунишда тўғри йўналишда юришда албатта ақидага суяниш лозим. Биз мусулмон эканмиз, биз суянадиган ақида Ислом бўлиши шарт. Чунки Ислом руҳонийлик ақидаси эмас, балки руҳий асосга қурилган сиёсий ақидадир. Унинг руҳий асосга қурилгани мусулмон одам ҳар бир ишида Аллоҳ Таолога боғланиб, Унинг буйруқ ва тақиқлари асосида иш кўриши тушунилса, Исломнинг сиёсий ақида эканлиги унинг шахс, жамият ва давлат ишларига аралашиши, хусусан давлатнинг ички ва ташқи сиёсати қандай бўлишини белгилаб беришидир. Умумий қилиб айтганда, Ислом қонунлари билан бошқариладиган давлатда Шариатнинг ҳокимият эгаси бўлиши, давлат ҳар бир ишида Аллоҳнинг буйруқ ва қайтариқларига амал қилиши тушунилади. Мана шундай давлат ҳақиқий маънода мустақил бўлади, чунки у ўз муаммоларига Исломдан ечим олади, анави мустамлакачи давлатларнинг мусулмонларга бегона бўлган ақидасидан келиб чиққан ечимларига қараб қолмайди. Аслида ҳамма масала шунда, яъни бугун биз мусулмонлар гоҳ Америка, гоҳ Россия, гоҳ Хитой, гоҳ Европага қараб улардан муаммоларимизга ечим беришларини кутиб ўтирибмиз. Чунки ўзимизнинг қўлимизда Ислом берган энг тўғри ечимлар бўла туриб, улардан юз ўгирдик. Бу билан аслида бизга душман бўлган давлатларнинг қора ишчисига ва хом-ашё базасига айланиб қолдик. Уларнинг эътиборига тушиш ва яқин бўлишни шараф деб биладиган, улар қилмайдиган қора ишларни бажариб, озгина кўпроқ пул топсак мақтанадиган, улардек яшашни орзу қиладиган даражада хор ва қолоқ аҳволга келиб қолдик. Буларнинг барчасига ички ва ташқи сиёсатнинг Исломдан узилганлиги бош сабабчидир.
Энди бизда яна битта катта муаммо бор, одамлар зеҳнида Америка, Россия каби давлатлар жуда кучли, уларга ҳар соҳада қаршилик қилишга кучимиз етмайди, шунинг учун улар билан келишиш керак. Аста-секинлик билан биз ҳам кучайиб бориб, қурбимиз етган пайтда уларга қаршилик кўрсатишни бошлаймиз, деган хато тушунча ўрнашиб қолган. Озгина чуқур фикр юритган инсон учун Америка, Россия каби йирик давлатларнинг қуруқ ҳайбати қолганлигини ва тобора заифлашиб бораётганини тушуниши қийин эмас. Масалан, Америка Афғонистондан шармандали равишда чиқиб кетди, Россия ҳам ўртамиёна давлат бўлган Украинада жуда катта қийинчиликларга дуч келди. Бу уларнинг ҳарбий қудрати ҳақидаги афсоналарни чиппакка чиқарди. Иқтисодий жиҳатдан ҳам уларнинг жуда мўртлиги коронавирус пандемияси вақтида юзага чиқиб қолди. Энергия манбалари борасида Ислом оламига нақадар муҳтож эканликлари ҳам аллақачон маълум бўлиб улгурган.
Азиз мусулмон биродарим, сиз мустамлака давлатда яшаётганингизнинг сабаби бу асло йирик давлатларнинг куч-қудратли эканлигидан эмас. Зеро, улар бундай куч-қудратни юртингизни бошқараётган ҳокимлардан олмоқда. Бу ҳокимларнинг уларни рози қилиш учун сизни қул қилиб бераётгани душманларимизни ҳаддидан ошиб, юртимизнинг Ғарби-ю Шарқида ўз уйида юргандек бемалол юришига шароит яратяпти. Асосий сабаб сизнинг зеҳнингиздаги қулликдир. Мусулмон сифатида сиз ўз динингизни тушунмаслигингиз қуллигингизнинг бош сабабчисидир. Чунки уйғонмаган, бу дунё ҳаёти мазмун-моҳиятини тушунмаган инсон қуллик нима-ю, озодлик, мустақиллик нима эканлигини ажрата олмайди. Буни унга қизиғи ҳам бўлмайди, у яшаса бўлди, тирик юрса бўлди, унинг учун яшашнинг маъноси мана шу. Бироқ бу – қўпол бўлса-да айтишга мажбурмиз – ҳайвоний яшаш тарзидир, инсоний эмас.
Эй биродарим, сизда аслида ҳамма нарса бор, мўл-кўл ҳосил берадиган ерингиз, бойлик тўла конларингиз, етиб ортиб қоладиган энергия ресурсларингиз, маънавий ва руҳий жиҳатдан сизни юксалтирадиган ақидангиз, бутун оламга яхшилик улашадиган мафкурангиз, ҳаммаси ўз қўлингизда. Буларнинг барчаси Исломда мужассам. Сиз озод ва ҳақиқий маънода мустақил давлат бўлган Халифаликдагина бунга эришишингиз мумкин. Бу ўринда фақат Ўзбекистон ўзи алоҳида мустақил давлат бўлиши керак, деган маънони қасд қилмаяпмиз. Балки бутун Ислом юртлари битта давлат, битта халифа, битта байроқ остида бирлашишини ҳамда бошқа йирик давлатлар ҳукмронлигидан тўла озод ва мустақил бўлишини назарда тутяпмиз. Шундан экан, қаёқдаги республика, подшоҳлик каби тузумларда хор ва қолоқ ҳаётда, ҳам маънавий, ҳам моддий жиҳатдан абгор бир аҳволда яшаш жонингизга тегмадими?! Четга фақат Исломни бошқа халқларга ёйиш учун чиқадиган, ўз юртида азизу мукаррам, ташқарига чиқса ҳам мустаҳкам ҳимояси бор бўлган, раҳбарлари умматни яхши кўрадиган, уммат ҳам уларни яхши кўриб дуо қиладиган… бир эзгулик давлатида яшашни хоҳламайсизми?! Бундай давлат фақат китоблар қорнида қолиб кетган давлат эмас, у тарихда олам қуёши сифатида нур сочган Халифалик давлатидир. Уни яна ҳаётга қайтариш Аллоҳнинг иродаси билан сиз ва бизнинг кучимиз етадиган, имкониятимиздаги ишдир. Бу йўлда сизу биз бир тану бир жон бўлиб ҳаракат қилсак, ин ша Аллоҳ мақсадимизга эришамиз. Чунки Аллоҳ Таоло айтади:
﴿إِنْ يَنْصُرْكُمُ اللهُ فَلَا غَالِبَ لَكُمْ﴾
– “Агар Аллоҳ сизларга нусрат берса, ҳеч ким сизлардан ғолиб бўлолмас”. (Оли Имрон:160)
Ҳизб ут-Таҳрирнинг Ўзбекистондаги матбуот бўлими аъзоси Форуқ
31.08.2022й
