Сўнгги дийдор

بسم الله الرحمن الرحيم

(Ушбуда ўз жуфти ҳалоли ортидан 25 йил зиндонга қатнаган солиҳа ва садоқатли синглимизни, сўнгги учрашувга борганида учрашув хонасида шаҳид бўлган эрини жасадини уйга олиб қайтганидан ҳикоя қилинади)

19 январь пайшанба куни ўз жуфти ҳалоли Мамажонов Исроил биродаримиз билан дийдорлашиш ниятида борган садоқатли синглимиз мард йигитимизни жасадини олиб, Андижонга тунда қайтаётган эди. Бундан хабар топган жамики иймон аҳли Аллоҳдан диллари вайрон синглимизнинг сафарларини бехатар қилишини сўраб дуога қўл очдилар!

Биродаримизни Ўзбекистон режими бир неча юзлаб Ҳизб ут-Таҳрир йигитлари қаторида шаҳид бўлгунича зиндонда сақлади. Яна қанча азизларимиз чорак асрдан буён тиконли симлар ортида қолмоқдалар.

Бу биродаримиз Исроилжон ҳақида турли зоналарда кўп эшитгандим. Яхши дўст, кўпларнинг устози, саботда намуна, мўминларга хокисору зона жаллодларига беписанд, олим йигит эдилар. У билан қийноқлардан қадди букилган биродар суҳбатлашиб қадди тикланса, усти хароблашган ғарибимиз эгнига ўз кийимини мажбурлаб ташлаб қўярди. Борини барча билан бўлишар, муҳтожлигини эса, Аллоҳ билан “сирлашарди”.

Бу азизимизни энг сара ва ноёб суҳбатларини эшитиш илинжида бир ажиб нозик ҳислар билан дийдорига ошиққан синглимизнинг садоқати – барча биродарлар учун маҳбуб дўстнинг сўнгги сўзларига, сўнгги табассумига ва охирги нафасига гувоҳ бўлган садоқатли ёр сифатида – борлиқ ҳавас қилувчи садоқат рамзига  айланди.

Бизлар дуога қўл очдик! Ва Оламлар Роббисидан илтижо қилиб сўраймизки, Сиз садоқатли солиҳани ўз жуфти ҳалолингиз суҳбатидаги камомадни Ўзининг ҳузурида тўла-тўкис қилиб қувонтирсин. Сиз ўксиманг, ғамгин бўлманг, Ин ша Аллоҳ Сиз ва Сиз кабилар шу юз йилликнинг энг садоқатли ёрлар намуналари бўлдингиз!

Шу ўринда Ўзбекистон ҳукуматига айтар сўзимиз бор! Эшитинг!  Биз зиндон ғариблари сизларни наздингизда ночор ва заиф кишилармиз. Ўлдирдингиз, ўлдирмоқдасиз! Йигирма беш йилдирки биз ҳақимизда олам мусулмонлари сукутда. Гўё бизларни эсларидан чиқариб қўйгандек, эҳтимол сизларга шундай туюлар! Шу боис, ўлигимизга беписандсиз, озод қилинганларимизга таъқибингиз ҳеч тўхтамади! Биз ғариблар олам аҳлига ҳуқуқимиз поймолидан сўзловчи эмасмиз. Чунки ўшалар сизларнинг номаи аъмолингизга ранг танловчидир. Сизларнинг марҳаматингиздан заррача умид қилмаймиз. Зеро, ўликдан кафан сўрамоқ номаъқул ишдир.

Аммо сиз ва барча зулм аҳлидан чорак аср эзилган мазлумлар қўли Оламлар Роббисига кўтарилгандир. Унинг ила биз ғариб мазлумлар ва чинқираган гўдакларимиз дуолари ўртасида парда йўқдир! Роббимиз сиз золимларнинг ҳар ишингизга етарли ва энг ишончли гувоҳдир!

Сизлар асло ибрат олувчи бўлмадингиз. Бунинг учун сиз золимларга чорак аср вақт берилди. Биз ғариблар – Аллоҳга бўлган муҳаббатимиз боис – Унинг шариати ер юзида олий бўлсин дедик. Сизлар эса, шу сўз учун бизларни қатл қилдингиз, қамоқда тутмоқдасиз.

Аммо билингки, бу ўткинчи дунё ва барча оламлар Роббисининг ҳукми бугун ё эрта албатта олий бўлажак! Зеро, бу Унинг ваъдасидир. Мабодо Нусрат келган пайтда тирик қолсангиз, барчангизнинг бўйинларингизга адолат қиличи вожибдир!

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ

– “(Эй Муҳаммзд), сиз ҳаргиз: “Аллоҳ золим кимсаларнинг қилаётган амалларидан ғофил”, деб ўйламанг! Фақат Аллоҳ уларни(нг жазоларини) кўзлар (даҳшатдан) қотиб қоладиган (қўрқинчли қиёмат) кунига қолдирмоқда, холос”.          (Иброҳим:42)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

21.01.2023й