Шомдаги қўзғолончилар билан Дамашқ ўртасини нима тўсмоқда
بِسْمِ اللهِ الرَّحْمنِ الرَّحِيمِ
Роя газетаси:
Шомдаги қўзғолончилар билан Дамашқ ўртасини нима тўсмоқда
Мунир Носир қаламига мансуб
Давлатлар тикланиши ва қулаши ҳақида гапирар экансиз, бу нарсада пойтахтнинг вазни катта ва асосий ўринни эгаллайди. Чунки у кучлар мезони ва кураш табиатини белгилаб беради. Шунинг учун қуйидаги савол берилиши ва такрорланиши табиийдир: «Нима учун қўзғолончилар қўзғолоннинг еттинчи йили ўтиб бораётган экан, Дамашққа етиб боришмади? Қўзғолончилар билан илоннинг боши ўртасини нима тўсмоқда?».
Бу йўлнинг белгиларига тўхташ ва қадам ташлаш учун аввало бу савол жавоби қанчалар аҳамиятли эканини билиб олишимиз лозим. Унинг аҳамияти ҳар бир сиёсий ҳаракатнинг табиатида яширингандир. Чунки сиёсий ҳаракатнинг ўзи унга етишга ҳаракат қиладиган очиқ мақсади ва ёрқин ғояси бўлиши керак. Шом қўзғолони бошланишданоқ бу мақсадни тиниқ белгилаб олган, у ҳам бўлса «Халқ режимни қулатишни хоҳлайди» маъносидаги мақсаддир. Асад режимига «Йўқ» деб ҳайқираётган ҳар қандай қўзғолончи шу мақсад сари интилади. Табиийки, мақсадга олиб борадиган йўл ҳам ёрқин бўлиши керак. Аммо айрим қўзғолончилар мана шу нарсани, яъни жиноятчи режимни қулатиш учун Дамашққа қараб йўл олиш лозимлигини унутиб қўйди.
Бу йўл ҳарбий режа ҳамда қурол-аслаҳа билан бошланмайди, гарчи йўлдаги йўловчи уларга муҳтож бўлса-да. Биз аввало бошланиш нуқтасини, яъни ундан туриб иш юритиладиган нуқтани яхши билишимиз керак. Чунки бу йўл режим қулаганидан сўнг унинг ўрнига келадиган альтернативни тасаввур қилиш билан бошланади. Бир уйни бузишдан олдин унинг ўрнига қуриладиган уй ҳақида тасаввурга эга бўлиш лозим. Шунингдек, бу йўлдаги йўловчиларнинг тасаввури бўлиши уларга ўша йўлдаги белгиларни белгилаб беради. Бундан ташқари уларга йўлларида учраши мумкин бўлган хатар ва тўсиқларни баён қилади. Шунинг учун «Режимни қулатиш» деган тушунча мақсад бўлиши кифоя қилмайди, балки альтернатив режим ҳақидаги тасаввур ёрқин бўлиши лозим.
Қўзғолончиларнинг аксарияти мана шу тасаввурни йўқотгач, қўзғолонни қамраб олган тил бириктирув тўлқинлари уларни ҳар томонга олиб кетди. Улар чиққан кема Ғарбга бориб тўхтади ёки кема чўкиб, улар ҳар қанча қичқирмасинлар қутқарувчи бўлмади. Бу тасаввурни йўқотганларнинг аҳволи, аммо фикр ва тасаввурни Ғарбдан олганлар икки оёғи ботқоққа ботиб, ўз йўлида юра олмай қолди. Улар бир жойда турганларича хўжайинларининг гапларини такрорлашар ва хўжайинлари уларни бир келиб қутқаради деб ўйлашар эди. Чунки улар хўжайинларининг инсон ҳуқуқларини ҳимоя қилиш каби ёлғон ва ялтироқ шиорлари билан алданишган эди.
Шунинг учун Шом қўзғолончилари альтернатив низом ҳақида тасаввурга эга бўлишлари лозим. Шунда улар ўзларини ва қўзғолонларини халқаро сиёсат қаршисида йўқ бўлиб кетишидан сақлашади. Шунингдек Умматини сиёсат коридорларида тайёрланаётган ёмонликдан сақлашади ҳамда сабот ва ирода билан мақсад сари қадам ташлашади. Ҳизб ут-Таҳрир Сурияда шунга ҳаракат қилмоқда ва қўзғолон бошлангандан бери қўзғолончиларга шуни айтмоқда. Чунки у Аллоҳнинг китоби ва Пайғамбарининг суннатидан истинбот қилинган сиёсий лойиҳани тақдим қилди. Ўша лойиҳа бугун оламда мавжуд низомларга альтернатив комил тасаввурдир. Ушбу лойиҳани қабул қилиш ва уни воқеда вужудга келтириш ва у орқали исломий ҳаётни қайта бошлаш билан йўлдаги белгилар ёрқинлашади. Шунингдек, унинг босқич ва бекатлари кўринади ҳамда йўлда йўлиқадиган ҳар қандай тўсиқлардан огоҳ бўлиш руҳи пайдо бўлади.
Бугун қўзғолон етиб келган воқега назар ташлаган киши шуни кўрадики, ҳар бир йўлдан адашишнинг сабаби бўлиб, у мана шу ёрқин тушунчанинг йўқлиги ёки кофир Ғарбдан суғорилган бошқа тушунчани қабул қилинганига бориб тақалади. Масалан қўзғолончилар сиёсий мақсадда берилаётган пулларни эмас, Ислом лойиҳасини қабул қилишганида ушбу хатарли тузоққа тушмаган бўлар эдилар. Лекин улар ўша пулларни қабул қилгани учун мўлжални йўқотишди, кураш йўналиши ўзгарди, ўзаро жанг бошланди ва шу заҳарли пуллар туфайли юрт сотилди ва минтақалар қамал қилинди.
Шунингдек айримлар Ғарб розилиги ортидан эргашди, агар улар Ғарб нима билан рози бўлишини билганларида бу ишлар содир бўлмас эди. Чунки Аллоҳ Таоло бу ҳақида шундай дейди:
وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ
«Яҳудий ва насронийлар уларнинг динига кирмагунингизча ҳаргиз сиздан рози бўлмайдилар. Айтинг: «Аллоҳнинг йўлигина ҳақиқий йўлдир». Қасамки, агар сизга келган ҳақиқий билимдан кейин уларнинг нафс-ҳаволарига эргашсангиз, Аллоҳ тарафидан сизга на бир дўст ва на бир ёрдам бергувчи бўлмайди» [Бақара 120]
Ислом лойиҳаси Исломдаги бошқарув низоми шаклини чизиб бериш билан бирга бу лойиҳани қабул қилганларни ҳар қандай хатардан огоҳлантиради. Чунки Ислом золимларга ишониш (суяниш)дан қайтаради, бундан баландроғи, яъни бўйсуниш ва итоат этиш ҳақида гап бўлиши ҳам мумкин эмас. Аллоҳ Таоло айтади:
وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ وَمَا لَكُم مِّن دُونِ اللّهِ مِنْ أَوْلِيَاء ثُمَّ لاَ تُنصَرُونَ
«Зулм йўлини тутган кимсаларга берилиб кетманглар-эргашманглар. Акс ҳолда сизларга дўзах ўти етар. Сизлар учун Аллоҳдан ўзга бирор дўст йўқдир. Кейин (яъни золимларга эргашсангиз) сизларга ёрдам берилмас» [Ҳуд 113]
Демак, юқорида айтганларимизга қайтадиган бўлсак, режимни қулатишга бўлган йўл Ислом лойиҳасини қабул қилиш билан бошланади. Мана шу қадам кейинги қадамларни белгилаб беради, йўлдаги қилинадиган амалий чоралар эса йўлда тўхтовсиз ҳаракат қилишни белгилаб беради. Агар сиёсий пул таклиф қилинса қабул қилинмайди, агар қўзғолончилар Ғарб давлатлари чизиб берган ечимда иштирок этишга чақирилса иштирок этилмайди. Ҳар бир ташланаётган қадам фақат шаръий ҳукмга боғланган бўлади ва бирор кишининг розилиги эътиборга олинмайди. Шунда барча қўзғолончилар мана шу лойиҳа атрофида бирлашади ва милтиқларини режимни ҳовлиси ичкариси бўлмиш Дамашқда қулатадиган режа томонга қаратишади.
Шом қўзғолончилари билан режим ҳовлиси ичкариси бўлмиш Дамашқ ўртасини тўсаётган нарса фақат ҳарбий режа бўлиб қолмаслиги лозим. Балки у Қуръон ва Суннатдан истинбот қилинган ва уларнинг ҳар қадамини белгилаб берадиган исломий лойиҳани қабул қилиш билан бўлиши керак. Мана шу лойиҳани қабул қилиш билан йўл Дамашққа қараб йўналади. Шомдаги қўзғолончилар мана шу йўлни танлашга қарор қилишлари лозим. Улар қарорни қабул қилар эканлар, Аллоҳнинг нусратига ишонишлари ва гарчи кофирлар ёмон кўрсаларда Аллоҳ ўз бандаларига ёрдам берувчи ва динини қувватловчи эканига ишонишлари лозим.
Роя газетасидан олинди
