بسم الله الرحمن الرحيم

Матбуот баёноти

Шаҳидлар Карвонига яна бир ўғлон қўшилди!

Ислом Умматига, хусусан Ўзбекистон мусулмонларига шуни маълум қиламизки, 2023 йил 18 январ куни Умматнинг яна бир жасур ўғлони, Мамажонов Исроилжон Абдумухторович Шаҳидлар Карвонига қўшилди! 1970 йил 26 майда Андижон вилояти Қорасув шаҳрида туғилган Исроилжон Бухоро вилояти, Қоровулбозор туманидаги 17 сонли махсус тартибли колонияда шаҳид бўлди.  Исроилжон 1997 йилда Ҳизб ут-Таҳрирга аъзоликда айбланиб яҳуд тоғут Каримов режими томонидан қамоққа ташланган эди. Унинг “айби” Рошид Халифаликни тиклаш орқали Исломий Ҳаётни қайта бошлаб, Аллоҳ Калимасини олий қилиш эди, холос! Уни Жаслиқ, Андижон, Бухоро зиндонларида ва бошқа қамоқларда турли-туман қийноқлар, азоб-уқубатларга дучор қилишди. Лекин тоғут режим унинг иродасини синдиролмади. У ҳақ йўлда – Аллоҳ ёрдами ила – собит турди. Бу ундаги Аллоҳ Субҳанаҳу ва Таолога бўлган иймон ва ўзи кўтариб чиқаётган фикр ва ғояга бўлган ишонч эди. Шунинг учун у ўзида сабр, сабот ва қатъийликнинг бир гўзал намунасини кўрсата олди. Биз умид қиламизки, биродаримиз Исроилжон жонию молини Аллоҳ Субҳанаҳуга “сотди”, Аллоҳ уни шаҳидликка танлади, у Ислом дарахтини  ўз қони билан суғорди. Биз Аллоҳга ҳеч кимни покламаймиз.

Шу ўринда шуни ҳам айтиш керакки, бугунги Мирзиёев ҳукумати собиқ режим сарқитларини такрорламаслик, инсон ҳуқуқлари, ва халққа ғамхўрлик ҳақида оғиз кўпиртираётган бўлса-да, лекин шу халқнинг мард ўғлонлари бўлмиш Исроилжондек Ҳизб ут-Таҳрирнинг собит йигитларини ҳамон зиндонларда сақлаб келмоқда. Бу режимнинг бу даъволари ёлғонлигига, халққа қанчалик “ғамхўр”лигига бугун қаҳратон қиш совуғида газ ва светсиз ўтирган Ўзбекистон халқи, айниқса қариялар, аёллар, болалар ва беморлар яна бир бор гувоҳ бўлиб турибдилар. Инша Аллоҳ бу режим мутасаддиларини яқинда Аллоҳ изни ила тикланажак Рошид Халифалик Давлатида оғир ҳисоб-китоб кутмоқда. Қиёматда, Аллоҳ ҳузуридаги ҳисоб-китоб эса янада оғирдир!

Биз Аллоҳ Субҳанаҳу ва Таолодан бирлдаримиз Исроилжонни шаҳидлар сафида қабул қилишини, унга Малик Муқтадир Зот ҳузурида, рози бўлинган ўринда Пайғамбарлар, Сиддиқлар, Шаҳидлар, Солиҳлар билан қўшни бўлиш бахти ва шодлигини ато этишини сўраб қоламиз.

Биз, шунингдек, биродаримиз Исроилжоннинг 25 йил давомида қамоқдан қамоққа қатнаган сабрли аёли бўлмиш синглимизга, фарзандларига ва бошқа яқинларига таъзия изҳор қилар эканмиз, Аллоҳ Субҳанаҳу ва Таолодан уларни сабр, сабот ва тасаллига илҳомлантиришини, уларни биродаримиз Исроилжон билан Охират ҳаётида, меҳнату машаққат, фироқ бўлмайдиган, кенглиги осмонлару ерча бўлган Жаннат Боғларида жамлашини сўраб қоламиз.

Биродаримиз Исроилжон, сизнинг фироқингиздан маҳзунмиз, лекин Роббимиз Азза Жаллани рози қиладиган сўзларни айтамиз:

إنا لله وإنا إليه راجعون

﴿مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا﴾

Мўминлар орасида ўзлари Аллоҳга берган (У Зотнинг йўлида жиҳод қилиб, шаҳид бўлиш ҳақидаги) аҳду паймонларига содиқ бўлган кишилар бордир. Бас улардан (айрим) кишилар ўз аҳдига вафо қилди, (яъни шаҳид бўлди), улардан (айрим) кишилар эса (шаҳид бўлишга) интизордир. Улар (мунофиқларга ўхшаб Аллоҳга берган аҳду паймонларини) ўзгартирганлари йўқ.

Ҳизб ут-Таҳрирнинг Ўзбекистондаги матбуот бўлими