بِسْمِ اللهِ الرَّحْمٰنِ الرَّحِيمِ

Дунё соатини тўғрилаши ва тўғри йўлига йўллаши шарт бўлганлар бизмиз

Исломдаги нусуслар очиқ-ойдин тарзда мусулмонларни ақидага тааллуқли ширк, залолат ва Аллоҳ шариатидан чиқишга олиб борадиган ишларда ва умуман дин масалаларида бошқа дин ва мабда эгаларига тақлид қилишдан очиқ қайтарган. Бу тўғрида кўр-кўрона тақлид қилишни қораловчи қатор ояти карималар мавжуд. Масалан, Аллоҳ Таоло бундай деган:

﴿وَإِذَا قِيلَ لَهُمُ اتَّبِعُوا مَا أَنزَلَ اللهُ قَالُواْ بَلْ نَتَّبِعُ مَا أَلْفَيْنَا عَلَيْهِ آبَاءنَا أَوَلَوْ كَانَ آبَاؤُهُمْ لاَ يَعْقِلُونَ شَيْئاً وَلاَ يَهْتَدُونَ﴾

«Қачон (мушрикларга) – Аллоҳ нозил қилган ҳукмларга бўйсунингиз, дейилса, улар – биз оталаримизни қандай йўлда топган бўлсак, ўшанга эргашамиз, дейишади, ахир, оталари ҳеч нарсага ақллари етмайдиган, тўғри йўлни тополмайдиган эмасмидилар?!»                [Бақара 170]

Аллоҳ Азза ва Жалла яна бундай деган:

﴿وَإِذَا قِيلَ لَهُمْ تَعَالَوْا إِلَى مَا أَنزَلَ اللهُ وَإِلَى الرَّسُولِ قَالُواْ حَسْبُنَا مَا وَجَدْنَا عَلَيْهِ آبَاءنَا أَوَلَوْ كَانَ آبَاؤُهُمْ لاَ يَعْلَمُونَ شَيْئاً وَلاَ يَهْتَدُونَ﴾

«Қачон уларга – Аллоҳ нозил қилган нарсага ва Росулуллоҳга келинглар, дейилса, улар – биз учун ота-боболаримизни ниманинг (яъни қайси диннинг) устида топган бўлсак, ўша етарли, дейишди, ахир, ота-боболари ҳеч нарсани билмайдиган ва ҳақ йўлни топа олмайдиган эмасмидилар?!   [Моида 104]

Ислом ақл ва фикр динидир, Аллоҳ Таоло бундай деган:

﴿ثُمَّ جَعَلْنَاكَ عَلَى شَرِيعَةٍ مِنَ الْأَمْرِ فَاتَّبِعْهَا وَلَا تَتَّبِعْ أَهْوَاء الَّذِينَ لَا يَعْلَمُونَ﴾

«Сўнгра (Эй Муҳаммад), Биз сизни (дин) ишидан бир шариат (аниқ-равшан йўл) устида (барқарор) қилдик, бас, сиз (фақат мана шу йўлга) эргашинг ва билмайдиган кимсаларнинг ҳавойи нафсларига эргашманг!»   [Жосия 18]

Аллоҳ Субҳанаҳу яна бундай деган:

﴿فَاسْتَقِيمَا وَلاَ تَتَّبِعَآنِ سَبِيلَ الَّذِينَ لاَ يَعْلَمُونَ﴾

«(Эй Мусо ва Ҳорун) тўғри йўлда собит бўлинглар ва ҳатто ҳаргиз билмайдиган кимсаларнинг йўлига эргашманглар!»  [Юнус 89]

Роббимиз Субҳанаҳу ва Таоло бизга билмайдиганларнинг йўлига эргашмаслигимизни айтаётган бўлсаю, нега Ғарбу Шарққа юзланиб, Аллоҳнинг Китобидаги ва Росули Aнинг Суннатларидаги аҳкомларини тарк қиляпмиз?! Бас, келинг, эй мусулмонлар, юзаки фикрлашни, онгсиз ва фикрсиз тақлид қилишни ташлайлик энди. Ахир, фақат бизгина инсонлар учун чиқарилган энг яхши Уммат бўлсак, бировлар чизиб берган йўлдан юрувчилар эмас, балки одамларга юришлари учун йўл чизиб берувчилар бўлсак?!

Роя газетасининг 2022 йил 11 январ чоршанба кунги 425-сонидан