Ҳижрий 1444 йилнинг шаввол ҳилолини текшириш натижаси ва муборак рамазон ҳайити табриги
بِسْمِ اللهِ الرَّحْمٰنِ الرَّحِيمِ
Матбуот баёноти
Ҳижрий 1444 йилнинг шаввол ҳилолини текшириш натижаси ва муборак рамазон ҳайити табриги
Аллоҳу акбар, Аллоҳу акбар, Аллоҳу акбар, ла илаҳа иллаллоҳу Аллоҳу акбар, Аллоҳу акбар ва лиллаҳил ҳамд
Бисмиллаҳир Роҳманир Роҳим.
Оламлар парвардигори Аллоҳ Таолога ҳамду санолар бўлсин, Пайғамбаримиз Муҳаммад ﷺ ва унинг аҳли оиласи ва барча саҳобаларига салоту саломлар ёғилсин.
Бухорий ўзининг саҳиҳида Муҳаммад ибн Зиёд орқали ушбу ҳадисни келтирди. Муҳаммад ибн Зиёд айтади, мен Абу Ҳурайра розияллоҳу анҳунинг бундай деганларини эшитгандим: Набий ﷺ ёки Абу Қосим ﷺ айтдилар:
«صُومُوا لِرُؤْيَتِهِ وَأَفْطِرُوا لِرُؤْيَتِهِ فَإِنْ غُبِّيَ عَلَيْكُمْ فَأَكْمِلُوا عِدَّةَ شَعْبَانَ ثَلاَثِينَ»
«Ойни кўриб рўзани бошланглар, ойни кўриб рўзани тугатинглар. Агар ҳаво булут бўлса, шаъбон ойининг саноғини тўла ўттиз кун қилинглар».
Бугун 2023 йил 20 апрел, пайшанбадан жумага ўтар кечада шаввол ҳилоли кузатилгандан кейин ҳилолни шаръий кўриш билан кўрилгани айрим исломий юртларда ўз исботини топди. Шунга кўра, демак, эртага жума куни шаввол ойининг ҳамда муборак рамазон ҳайити кунларининг биринчи кунидир.
Шу муносабат билан Ҳизб ут-Таҳрир бутун Ислом Умматини муборак рамазон ҳайити билан чин қалбдан табриклайди. Аллоҳ Таолодан келаси йилги ҳайитни Ислом давлати барпо бўлган, шариат ҳукмрон бўлган, Ислом байроғи ҳилпираган ҳолда қарши олишимизга насиб рўз айлашини сўраб қоламиз.
Ўз навбатида марказий матбуот бўлими раиси сифатида мен ўз номимдан ҳамда унинг идора бўлимларида фаолият юритаётган барча ака-ука ва опа-сингилларим номидан Ҳизб ут-Таҳрир амири улуғ олим Ато ибн Халил Абу Роштани рамазон ҳайити билан муборакбод этаман. Аллоҳ Таолодан амиримизга Росулуллоҳ ﷺнинг Пайғамбарлик минҳожи асосидаги иккинчи рошид Халифалик башоратларини рўёбга чиқариш йўлидаги даъват фаолиятларида муваффақият ато этишини сўраб қоламиз.
Инсон ўз ҳаётида кўриши мумкин бўлган энг гўзал манзаралардан бири – ҳайит намозидан сўнг мусулмонларнинг бир-бирларини байрам билан табриклаб, муборакбод этишлари ҳамда чеҳраларида хотиржамлик ва мамнуният порлаб, фарзандларидаги шодлик уларнинг ўзаро учрашув муҳитини шавқу завққа тўлдиришидир. Зеро, рамазон ҳайити мусулмонлар учун нафақат ҳар йили нишонланадиган байрамдир, балки рўза тутишга, намозлар ўқишга ва Аллоҳ рози бўладиган амалларни қилишга бир ой куч сарфлашлари ортидан мусулмонлар Аллоҳнинг ризосига ноил бўладиган бахт-саодат вақти ҳамдир. Абу Ҳурайра Росулуллоҳ ﷺнинг бундай деганларини ривоят қилади:
«قَالَ اللَّهُ عَزَّ وَجَلَّ: كُلُّ عَمَلِ ابْنِ آدَمَ لَهُ إِلَّا الصِّيَامَ، هُوَ لِي وَأَنَا أَجْزِي بِهِ»
«Аллоҳ Азза ва Жалла айтади: Одам боласининг ҳар бир қилган амали ўзи учундир. Фақат рўза бундан мустасно. Чунки у мен учундир Унинг мукофотини Мен Ўзим бераман». Исломдаги ушбу бахт-саодат тушунчаси мусулмонларнинг хурсандчилик ва шодлигига ўзига хос лаззат бахш этади.
Бугунги кунда бутун инсоният мана шундай хотиржамликка жуда-жуда муҳтождир. Ислом тузуми бу хотиржамликни фақат байрам кунларидагина эмас, балки бутун ҳаёт давомида таъминлайди. Мустамлакачи кофир Ғарб эса, маҳаллий ва глобал урушлар, иқтисодий кризислар, ҳатто соғлиқни сақлашга оид инқирозлар билан ўз халқларини ҳам, дунё халқларини ҳам ҳолдан тойдирди. У халқларнинг қашшоқлигини восита, ресурслар монополиясини ғоя, динни ҳаётдан ажратишни эътиқод қилиб олди. Шу орқали инсонни ўз инсонийлиги билан яшашдан ва хотиржамликка эришишдан маҳрум қилди. Оқибатда ҳаёт бир томонда шаҳват ортидан чопаётганлар, яна бир томонда бир бурда нон топиш учун қийналганлар, бошқа томонда эса уруш ва репрессиялардан қочганлар ўртасида қолиб кетди. Аллоҳ Таоло айтади:
﴿وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً﴾
«Ким менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни қиёмат кунида кўр ҳолда тирилтирурмиз» [Тоҳа 24]
Эй мусулмонлар!
Зиммангизда Ислом рисоласидан иборат омонат бор. У Аллоҳ томонидан сизларга юкланган вазифа бўлиб, уни бутун дунёга олиб чиқишимиз учун саййидимиз Муҳаммад Мустафо ﷺ мерос қолдирганлар. Аллоҳ Таоло айтади:
﴿وَكَذَلِكَ جَعَلْنَاكُمْ أُمَّةً وَسَطاً لِّتَكُونُواْ شُهَدَاء عَلَى النَّاسِ وَيَكُونَ الرَّسُولُ عَلَيْكُمْ شَهِيداً﴾
«Шунингдек, сизларни бошқа одамлар устида гувоҳ бўлишингиз ва Росулуллоҳ сизларнинг устингизда гувоҳ бўлиши учун ўрта (адолатли) Уммат қилдик» [Бақара 143]
Шунинг учун бу дунёда Исломнинг татбиқ этилмаётганлиги зулмдир. Зеро, Исломий Уммат ўз давлати барпо этилиши биланоқ, худди барча асрларда бўлганидек, яна бутун инсониятнинг паноҳига айланади, барча мазлум ва хўрланганлар ундан ҳимоя топиб, атрофдаги қўшнилари Ислом ва унинг тузумидаги адолатдан баҳраманд бўладилар. Аллоҳнинг изни ила мана шу ҳолат бардавом бўлади ва ниҳоят бутун дунё мусулмонлар томонидан фатҳ этилиб, Ислом тўлиқ ёйилади.
Эй мусулмонлар, эй куч-қудрат аҳли!
Инсоният ҳаётида Исломнинг татбиқ этилмаслиги инсоният учун улкан зулм-адолатсизликдир. Зотан, капитализм халқларнинг устидан қиладиганини қилиб бўлди. Унинг ёвузликларини тўхтата оладиган ва иллатларидан бутун дунёни қутқара оладиган Ислом Умматидан бошқа ҳеч ким йўқ. Ислом Уммати буни бир пайтлар сиёсий куч сифатида дунё тартибини шакллантирган Халифалик сояси остида амалга оширади. Зеро, Уммат ўзининг аввалги ҳолатига қайтишга тайёр. Халифалик лойиҳаси ҳам улуғ олим Ато ибн Халил Абу Рошта амирлиги остидаги Ҳизб ут-Таҳрирнинг ҳамда у билан бирга бўлган Ислом Уммати шаҳарлари ва дунёнинг турли бурчакларига тарқалган Ҳизб аъзоларининг қўлида тайёр турибди. Бас, Умматингиз сиздан вайрон бўлган уй-жойлари, фарзандларининг оқизилган қонлари ҳамда ўзининг топталган номуслари билан золимлар қўлидан ўзини қутқариб олишингизни ўтиниб сўрамоқда. Ҳизб ут-Таҳрир ҳам ўзининг ёрқин фикрлари, тайёрлаган Халифалик лойиҳаси ҳамда ёмон бошқарувига сизлар сукут сақлаган фожир ҳукмдорлар қаршисидаги ўз аъзоларининг мустаҳкам саботи билан сиздан буни талаб қилмоқда. Нега жавоб бермайсизлар, эй Ислом Уммати аскарлари? Аллоҳ Таоло айтади:
﴿وَالَّذِينَ آوَواْ وَّنَصَرُواْ أُوْلَئِكَ هُمُ الْمُؤْمِنُونَ حَقّاً لَّهُم مَّغْفِرَةٌ وَرِزْقٌ كَرِيمٌ﴾
«Иймон келтирган, ҳижрат қилган ва Аллоҳ йўлида курашган зотлар ва (муҳожирларга) уй-жой бериб, ёрдам қилган зотлар — ана ўшалар ҳақиқий мўминлар бўлиб, улар учун мағфират ва улуғ ризқ бордир» [Анфол 74]
Аллоҳу акбар, Аллоҳу акбар, Аллоҳу акбар, ла илаҳа иллаллоҳ, Аллоҳу акбар, Аллоҳу акбар ва лиллаҳил ҳамд.
Ҳайитингиз муборак бўлсин, вассаламу алайкум ва роҳматуллоҳи ва барокатуҳ.
Жумага ўтар кеча, ҳижрий 1444 йил шаввол ойининг ва муборак рамазон ҳайити кунларининг биринчи куни. Бу милодий 2023 йил 21 апрелга тўғри келади.
Муҳандис Салоҳиддин Азоза
Ҳизб ут-Таҳрирнинг марказий матбуот бўлими раиси
