Мусулмон армиялардаги куч-қудрат аҳлининг оналари, рафиқалари, опа-сингил ва қизларига ОЧИҚ ХАТ
Матбуот баёноти
Мусулмон армиялардаги куч-қудрат аҳлининг оналари, рафиқалари, опа-сингил ва қизларига
ОЧИҚ ХАТ
Эй исломий юртлар армияларидаги зобит ва аскарларнинг оналари, рафиқалари, опа-сингил ва қизлари!
Сизга ушбу мактубни биз мазлум Ислом Уммати аёллари йўллаяпмиз. Ғазодаги ваҳший урушни тўхтатиш ва муборак Фаластин заминини озод этиш умиди аввало Аллоҳ Субҳанаҳу ва Таолога, сўнг ушбу зобит ва аскарларга боғланган.
Мусулмон армияларидаги зобит ва аскарлардан иборат ўғилларингиз, эрларингиз ва ака-укаларингизга бевосита таъсирингиз борлиги ва алоқада бўлганингиз учун ушбу очиқ хат билан сизга мурожаат қиляпмиз. Сўзларимиз қулоқларингизга етиб, қалбларингизга таъсир қилиши билан яқинларингизга етказасиз ва уларни Ғазо ва бутун Фаластиндаги биродарларига ёрдам беришга ундайсиз деган умидда сизларга мурожаат қилмоқдамиз.
Сизга бу мактубни юборяпмиз. Чунки Уммат фарзандларини хавфсизлик ва ҳаётларига таҳдид солувчи ҳар бир нарсадан мудофаа ва ҳимоя қилишдек ўз бурчларини адо этишга уларни ундовчи туртки ва омил сизсиз.
Сизга мурожаат қиляпмиз, чунки сизни мураббиялар, рафиқалар ва опа-сингиллар деган эътиборда, Аллоҳ зиммангизга уларга туртки бўлиш вазифасини юклаган. Токи, сизнинг ундовингиз билан улар Ер куррасининг ҳар еридаги бечора Уммат фарзандларига ёрдам беришга ва қўллаб-қувватлашга шошилсинлар, шу орқали динларининг мудофааси йўлида жон беришга доим тайёр турадиган ҳамда тоғут ва душманларга қарши бор кучи билан Ислом роясини баланд кўтарадиган қаҳрамонларга айлансинлар.
Биз сиздаги динингиз ва Умматингизга бўлган иймон ва муҳаббатингизга ишонганимиз ҳолда, бу аҳволдан аламланаётганингизни ҳамда биродарларингизга қарши содир этилаётган қирғин ва геноциддан юракларингиз қонаётганини биламиз. Шунга таянганимиз ҳолда, сиздан ўғилларингиз, оталарингиз ва ака-укаларингизни ўз ўринларини эгаллашга ундашингизни истаймиз. Сиздан Аллоҳ уларнинг зиммасига мусулмон юртларини мудофаа қилиш ҳамда мусулмонларнинг дахлсизликлари, муқаддасотлари, қонлари ва номусларини ҳимоя қилиш учун юклаган фарзни адо этишга ундашингизни талаб қиламиз.
Шунча даҳшатли манзараларни кўриб, аёллар ва болаларнинг ёрдам сўраб қилаётган фарёдларини эшитиб, кўз ёши тўкаётганингиздан ҳеч қандай шубҳа йўқ. Яҳудий вужудининг ҳамда унинг зулмида иштирок этаётган кофирларнинг Ғазо ва Фаластин аҳлига «Роббимиз Аллоҳдир» деганлари учунгина ваҳшийлик қилишаётгани ҳеч шубҳасиз сизни ғазаблантирмоқда. Сизнинг опа-сингилларингиз бошдан кечираётган қийинчиликларни кўриб, безовта бўлаётганингизни ва кошки уларга тезда ёрдам бериб, ҳимоя қилиб, душманлар ёвузлигидан қутқарсам, дея умид қилаётганингизни биламиз. Балки ўзингизни ожиз ҳис қилаётгандирсиз… Лекин бунга қодир бўлганлар сизнинг ўғилларингиз, оталарингиз ва ака-укаларингиздир. Сизлар эса яқинларингизга казармаларидан чиқиб, ўзларининг ҳақиқий бурчларини адо этишлари учун босим ўтказиш билан Фаластиндаги биродарларингизга ёрдам беришга қодирсиз.
Эй муҳтарама опа-сингиллар!
Биз бу мурожаатни сиз, яқинларингиз ва барчамиз иймон келтирган Ислом ақидаси нуқтаи назаридан келиб чиқиб йўллаяпмиз. Бу мўминни мўминга биродар қилаётган ва мусулмонни мусулмон биродарига нусрат беришга буюраётган ақидадир. Аллоҳ Таоло бундай демоқда:
﴿قَٰتِلُوهُمۡ يُعَذِّبۡهُمُ ٱللَّهُ بِأَيۡدِيكُمۡ وَيُخۡزِهِمۡ وَيَنصُرۡكُمۡ عَلَيۡهِمۡ وَيَشۡفِ صُدُورَ قَوۡمٖ مُّؤۡمِنِينَ﴾
«(Эй мўминлар) уларга қарши жанг қилинглар, (шунда) Аллоҳ уларни сизларнинг қўлингиз билан азоблайди, расво қилади ва сизларга уларнинг устидан нусрат беради ҳамда мўмин қавм дилларини қондириб, кўнгилларидаги ғам-андуҳни кетказади» [Тавба 14]
Қўлида қурол бўлган ва бу қуроллардан фойдаланишни ўрганган кимсалар наҳотки Аллоҳ ва Росулининг даъватига жавоб бермаса?! Ахир бу уларга Аллоҳ Таоло томонидан буюрилган вазифадир. Юкланган бу вазифани агар ўғилларингиз, оталарингиз, эрларингиз ва ака-укаларингиз армия сафида хизмат қилаётган ва қўлида қурол тутаётган шундай кунларда адо этмасалар, қачон адо этадилар?! Агар уларда бу даҳшатли манзаралар ва қатли омлар йигитлик ғурури ва ҳамиятини қўзғамаса, яна қандай манзаралар қўзғайди?!
Ислом ақидаси садоқатни Аллоҳ Субҳанаҳуга ва Унинг мўъмин бандаларига кўрсатишни, кофир ва уларнинг дўстларидан пок-узоқ туришни буюради. Аллоҳ Таолонинг розилиги учун сизлардан ўз вазифангизни бажариб, армиядаги яқинларингизга йўл кўрсатишингизни сўраймиз. Токи, улар Аллоҳ Субҳанаҳуга итоат қилиб, динлари ва Умматлари сафига ўтсинлар, хоин ҳукмдорлар билан алоқаларини узсинлар. Шунингдек, Ғазо ва бошқа жойлардаги мазлум биродарларига ёрдам беришга тўсқинлик қиладиган, Судандаги каби ўз халқига қарши қурол кўтаришга мажбур қиладиган ҳамда Эрдоган Ливияда, Бирлашган Араб Амирликлари ва Саудия Яманда қилгани каби ўз мамлакатлари ташқарисида мустамлакачи хўжайинлари номидан прокси урушлар олиб боришга мажбур қиладиган буйруқларга бўйсунмасинлар.
Армиядаги яқинларингизга яратувчига осийлик бўладиган ишларда бандаларга итоат қилинмаслигини, бу ҳукмдорлар қиёмат куни улардан тонишларини ва заррача фойда беролмасликларини эслатинг:
﴿إِذۡ تَبَرَّأَ ٱلَّذِينَ ٱتُّبِعُواْ مِنَ ٱلَّذِينَ ٱتَّبَعُواْ وَرَأَوُاْ ٱلۡعَذَابَ وَتَقَطَّعَتۡ بِهِمُ ٱلۡأَسۡبَابُ + وَقَالَ ٱلَّذِينَ ٱتَّبَعُواْ لَوۡ أَنَّ لَنَا كَرَّةٗ فَنَتَبَرَّأَ مِنۡهُمۡ كَمَا تَبَرَّءُواْ مِنَّاۗ كَذَٰلِكَ يُرِيهِمُ ٱللَّهُ أَعۡمَٰلَهُمۡ حَسَرَٰتٍ عَلَيۡهِمۡۖ وَمَا هُم بِخَٰرِجِينَ مِنَ ٱلنَّارِ﴾
«У кунда пешволар эргашувчилардан тонадилар ва ҳаммалари азобни (кўзлари билан) кўрадилар, баҳонаю сабаблар узилади. Эргашувчилар: «Қанийди, яна бир карра (яшашнинг) иложи бўлса-ю, улар биздан тонганларидек, биз ҳам улардан тонсак», дейдилар. Аллоҳ Таоло шу тариқа уларнинг қилган амалларини ўзларига ҳасрат-надомат қилиб кўрсатади ва улар жаҳаннамдан чиқолмайдилар» [Бақара 166-167]
Эй исломий армиялар зобитларининг оналари, рафиқалари, қизлари ва опа-сингиллари!
Маълумки, сиз яқинларингизга ёмонлик ёки озор етишидан қўрқасиз ва уларга яхшиликни истайсиз. Шундай экан, уларга йўл кўрсатинг ва агар Ғазо ва бутун Фаластиндаги эркаклар, аёллар, болалар ва қарияларни ёрдамсиз қолдиришда давом этсалар, устларига Аллоҳнинг азоби ёғилишидан, бу дунёю охиратда шарманда бўлишларидан огоҳлантиринг. Росулуллоҳ бундай демоқдалар:
«مَا مِنْ امْرِئٍ يَخْذُلُ امْرَأً مُسْلِمًا عِنْدَ مَوْطِنٍ يُنْتَقَصُ فِيهِ مِنْ عِرْضِهِ وَيُنْتَقَصُ فِيهِ مِنْ حُرْمَتِهِ، إِلاَّ خَذَلَهُ اللهُ تَعَالَى فِي مَوْطِنٍ يُحِبُّ فِيهِ نُصْرَتَهُ. وَمَا مِنْ أَحَدٍ يَنْصُرُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلاَّ نَصَرهُ اللهُ فِي مَوْطِنٍ يُحِبُّ فِيهِ نُصْرَتَهُ»
«Кимки бир мусулмонни обрўси тўкилаётган ва ҳуқуқи поймол қилинаётган ўринда ёрдамсиз ташлаб қўйса, у Аллоҳнинг ёрдамига муҳтож бўлган жойда Аллоҳ ҳам уни ёрдамсиз ташлаб қўяди. Кимки бир мусулмонга обрўси тўкилаётган ва ҳуқуқи поймол қилинаётган жойда ёрдам берса, у Аллоҳнинг ёрдамига муҳтож бўлган жойда, Аллоҳ ҳам унга ёрдам беради». (Имом Аҳмад ва Абу Довуд ривояти).
Қадрли опа-сингиллар!
Армияларимиздаги яқинларингизга йўл кўрсатинг, токи, уларнинг исмлари дунёю охиратда азизлик саҳифаларига битилсин, шунингдек, худди Росулуллоҳ ﷺ ва даъватларига нусрат берган ва бу билан Ислом давлати барпо этилишига ҳисса қўшган Саъд ибн Муоз ва Усайд ибн Ҳузайрлар исмлари қаторидан жой олиб, бугунги замоннинг ансорларига айлансин. Исмлари бечоралар нидосини эшитиб, ёрдамга чопган Мўътасим Биллаҳ ва Муҳаммад ибн Қосим каби буюк саркардалар қаторидан ҳамда Росулуллоҳ ﷺнинг Исро маскани, биринчи қибламиз бўлмиш Ақсо масжидини озод этган ва фатҳлар қилган Умар ибн Хаттоб ва Салоҳиддин Айюбийлар исмлари қаторидан, шунингдек, Росулуллоҳ ﷺнинг башоратлари билан Роббул оламиннинг ваъдасини рўёбга чиқарган зотлар қаторидан жой олсин. Зеро, Росулуллоҳ ﷺнинг башоратлари ер юзига халифа ва ғолиб қилиш, яҳудийларга қарши жанг қилиш, Исломнинг ҳар бир ўтроғу кўчманчининг хонадонига кириб бориши ва илгари Муҳаммад Фотиҳ қўли билан Константинопол Фатҳ қилинганидек эртага Рим фатҳ этилиши тўғрисидаги ваъда ва башоратлардир.
Эй исломий юртлар армияларидаги зобит ва аскарларнинг оналари, рафиқалари, опа-сингил ва қизлари!
Сиз учун энг муносиб иш ушбу яқинларингизга нисбатан тўғри позицияни эгаллаб, уларни Аллоҳ, Росули ва мўминлар рози бўладиган Ислом ва мусулмонларга нусрат беришга ундашликдир. Биз сизда ҳам, яқинларингизда ҳам яхшилик уруғи экилганига аминмиз. Чунки Ислом Уммати ҳар доим баракалидир. Аллоҳнинг изни ила, унинг қорнидан ўз динини қизғанадиган ва улар сабабли тамомий хайр-баракот келадиган холис фарзандлар дунёга келади.
Сизга йўллаган мактубимиз мана шу. Аллоҳим, биз етказдик, Ўзинг гувоҳ бўл.
Ҳизб ут-Таҳрирнинг марказий матбуот бўлими аёллар қаноти
