Матбуот баёноти

Американинг уруш ва қирғин машинаси «Ҳамкорлик» ва «Абадий дўстлик» каби ялтироқ шиорлари ортига яширинган

Эй Тунис аҳли!

Америка яҳудий вужудига, ўзининг АҚШ, Европа ва Яқин Шарқдаги базаларидан юзлаб кучли вайрон қилувчи бомбалар ва турли хил ўқ-дориларни етказиш учун мисли кўрилмаган ҳаво кўпригини ўрнатди. Бошқа томондан, яҳудий вужуди томонидан содир этилаётган қирғин, геноцид ва вайронагарчиликларни қўллаб-қувватламоқда, қаршилик ҳаракатидан эса қуролсизланишни, Ғазо аҳлини сургун қилишини ва дунёнинг чор атрофига сочилиб-бўлиниб кетишини талаб қилмоқда. Мана шундай бир пайтда, АҚШнинг Тунисдаги элчихонаси баёнот берди. Унга кўра, «АҚШ олтинчи флоти жамоатчилик билан алоқалар департаменти» Қўшма Штатлар томонидан Тунисга 34 метр узунликдаги «Island» синфидаги иккита қирғоқ қўриқлаш кемаси етказиб берилганини маълум қилган. Баёнотда иддао қилинишича, бу иш 220 йиллик тарихга эга бўлган АҚШ-Тунис денгиз ҳамкорлиги доирасида ва минтақавий хавфсизликни мустаҳкамлаш мақсадида амалга оширилган.

Ушбу адаштирувчи баёнот қаршисида, биз Ҳизб ут-Таҳрир – Тунис вилояти аъзолари қуйидагиларни очиқлаймиз:

Биринчи: Американинг Тунисга «денгиздаги мавжудлик ва глобал ҳамкорликка содиқ қолиш» ниқоби остида етказиб берган иккита қирғоқ қўриқлаш кемаси моҳиятан АҚШнинг мамлакатимиз ва минтақамиздаги манфаатларига хизмат қилади.

Иккинчи: икки кеманинг тақдим этилиши АҚШ-Тунис денгиз ҳамкорлигининг 220 йиллигига бағишланади, деган даъво ёлғон. Бу билан тарих ҳам бузиб кўрсатиляпти. Чунки Туниснинг илдизи Ислом Умматига мансуб. Унинг мазкур 220 йил давомидаги хорижий алоқалари Усмоний Халифалик давлатининг бошқа халқлар ва давлатлар билан ўрнатган алоқалари доирасида бўлган.

Учинчи: икки кеманинг тақдим этилиши Американинг гегемонлик ва мустамлакачилик стратегияси доирасида бўляпти. Бу, айниқса, Тунисга НАТОга аъзо бўлмаган «стратегик шерик» статусини жорий қилганидан сўнг, кейин эса, денгиздаги мавжудлик ва глобал ҳамкорликка содиқ қолиш ниқоби остида ерларимиз ва портларимиздан хоҳлаганича фойдалана бошлаши ортидан амалга ошириляпти.

Эй Зайтуна ўлкасидаги мусулмонлар, эй мужоҳид қаҳрамонлар авлоди!

Бизга оғриқ бераётган нарса Уммат кучларининг кофир Американинг ҳарбий манёврларида елкама-елка туриб қатнашаётганидир. Бу мустамлакачининг ўлкаларимиздаги малай ҳукмдорлар орқали мазлум Умматимизни лақиллатиб, масхара қилаётгани қайғу ва ғазабимизни янада орттирмоқда. Зотан, Уммат шу ҳукмдорлар сабабли хорлик ва ожизликка етиб келган. Бундан қутилишнинг ягона йўли Пайғамбарлик минҳожи асосидаги Халифалик соясида қайта Ислом билан ҳукм юритишдан иборат. Эртанги кун уни кутаётган киши учун яқиндир.

﴿ٱلَّذِينَ يَتَّخِذُونَ ٱلۡكَٰفِرِينَ أَوۡلِيَآءَ مِن دُونِ ٱلۡمُؤۡمِنِينَۚ أَيَبۡتَغُونَ عِندَهُمُ ٱلۡعِزَّةَ فَإِنَّ ٱلۡعِزَّةَ لِلَّهِ جَمِيعٗا﴾

«Улар мўминларни қўйиб кофирларни дўст тутадилар. Улар ўша кофирлардан куч-қудрат излайдиларми?! (Овора бўладилар!) Зеро, бор куч-қудрат Аллоҳникидир»                      [Нисо 139]

Ҳизб ут-Таҳрирнинг Тунисдаги матбуот бўлими