Ўзбекистон–Швеция миграция декларацияси: Россия босимига қарши Европа жавоби

بِسْمِ اللهِ الرَّحْمٰنِ الرَّحِيمِ

Ўзбекистон ва Швеция миграция ва меҳнат миграцияси соҳасида ҳамкорлик ҳақида қўшма декларация имзолади. Бу ҳақда Ўзбекистон Миграция агентлиги хабар берди. Маълум қилинишича, Миграция агентлиги раҳбари Беҳзод Мусаев ва Швеция Миграция вазири Йохан Форсселл ўртасида миграция соҳасидаги ҳамкорликни мустаҳкамлашга бағишланган учрашув бўлиб ўтди. “Ишончим комилки, бугун имзоланган тарихий ҳужжат Ўзбекистон – Швеция муносабатларини янги босқичга кўтариш ва келажакдаги фаол ҳамкорлигимиз учун муҳим қадам бўлди. Қолаверса, мамлакатингизнинг барча соҳалардаги имкониятлари менда жуда ижобий ҳиссиётлар қолдирди”, – деди Йохан Форсселл.

Маълумки, Россия таҳдид ва шантаж йўллари билан ўзбекистонлик муҳожирларни урушга мажбурлаш, миллий хавфсизлик ва ички меҳнат бозорини ҳимоя қилиш баҳонасида патентлар нархини ошириш, таҳқирловчи текширувларни кучайтириш, мигрантларга нисбатан ксенофобик кайфиятни оммалаштириш ва депортацияни кўпайтириш каби чоралар орқали миграцияни геосиёсий босим воситасига айлантириб, иқтисодий ва сиёсий таъсир ўтказиш амалиётини давом эттирмоқда.

Мана шу жараёнларда Ўзбекистон Швеция билан миграция соҳасида қўшма декларация имзолади. Бу келишув Россиянинг таъсир доирасини камайтириш учун Евроиттифоқ билан стратегик шериклик доирасида амалга оширилди. Швеция бу борада тасодифий танлов эмас. У ЕИнинг “инсон капиталини жалб қилиш” сиёсатида етакчи рол ўйнайдиган давлатлардан бири. Шунингдек, Евроиттифоқ Хитойнинг “Бир камар – бир йўл” ташаббусига муқобил сифатида қабул қилган “Global Gateway” стратегияси доирасида Марказий Осиёда таъсир доирасини кенгайтириш, Россия ва Хитой таъсирига қарши туриш ҳамда инсон капитали ва ёшларни ўз муҳитига тортиш мақсадларига ҳам қаратилган. Демак, Швециянинг Ўзбекистон билан меҳнат миграцияси соҳасида ҳамкорликка кириши икки томонлама манфаат бўлиб кўринса-да, аслида Марказий Осиё геосиёсий майдонидаги кучлар ўйинида Европа Иттифоқининг навбатдаги стратегик қадами сифатида баҳоланиши керак бўлади. Бу келишув орқали ЕИ “мигрантларни ҳимоя қилиш” ниқоби остида “инсон капитали орқали таъсир ўтказиш” сиёсатини қўлламоқда. Бошқача қилиб айтганда, кун кўриш учун хорижда ишлашга мажбур бўлаётган мусулмонлар мустамлакачи кучларнинг геосиёсий ўйинида “ўйинчоқ” бўлмоқда. Бу каби хорлик ва қулликдан, капиталист давлатлар сунъий пайдо қилган “қора ишчи бозори”да қўлдан-қўлга ўтадиган товар бўлиб қолишдан қутулишнинг ягона йўли эса, Рошид Халифалик давлатини тиклаш орқали Исломий ҳаётни барпо қилишдир.

وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَٰكِنَّ الْمُنَافِقِينَ لَا يَعْلَمُونَ

“…Ҳолбуки, азизлик Аллоҳга, Унинг Расулига ва мўминларга хосдир. Аммо мунофиқлар билмаслар”.     (Мунафиқун:8)

Ҳизб ут-Таҳрир Ўзбекистон Матбуот бўлими аъзоси Иззатуллоҳ

28.06.2025й