بِسْمِ اللهِ الرَّحْمنِ الرَّحِيمِ 

Роя газетаси:

Ҳусий жангарилари Ҳизб ут-Таҳрир аъзоларидан бирини ҳибсга олди ва унинг қаерда сақланаётганини яширишмоқда

Ҳизб ут-Таҳрир-Яман вилояти 2017 йил 25 январ куни «Ҳусий жангарилари Ҳизб ут-Таҳрир аъзоларидан бирини ҳибсга олди ва унинг қаерда сақланаётганини яширишмоқда» сарлавҳа остида матбуот баёноти чиқариб, унда Ҳусий жангарилари томонидан қамоққа олинган Ҳизб аъзоларидан бири биродар Нашвон Жассорнинг дарҳол озод этилишини талаб қилди. Баёнотда Нашвон Жассорнинг қамоққа олиниши пойтахт Санъода айрим фаоллар ва масжид имомларини зиёрат қилиши ортидан содир этилгани айтилди. Ҳижрий 1342 йил 28 ражаб, милодий 1924 йил 3 март куни Халифалик қулатилгани, юрт устида регионал ва маҳаллий малай ҳукмдорлар ёрдамида Англо-Америка кураши кетаётгани, бу кураш Яман аҳлига фитналар, қирғинлар, вайронагарчиликлар, очлик ва касалликлардан иборат қатор офатлар олиб келгани ҳам эслатилди. Баёнотда – инсонларни ўғирлаб кетиш, қийноқларга солиш ва оила аъзоларига маълум қилмай, одил судсиз узоқ йилларга йўқ қилиб юбориш, буларнинг барчаси номардларча қилинган жиноят экани ҳамда мана шу жангарилар даврида юрт бошбошдоқлик ва тамоман банкрот ҳолатини бошдан кечираётгани айтилди. Унда таъкидланишича, биродаримиз Нашвон Жассор зулматда қўрқиб-писиб юрадиганлардан эмас, билъакс, кечаю кундуз ҳақни ошкор айтиб, юрт бошдан кечираётган кризисдан қутулиш учун лойиҳа тақдим этиб келган йигит эди. Зеро, бу лойиҳа қамаш, ўғирлаб кетиш ва ноҳақ айблов қўйишга лойиқ эмас, балки эътибор беришга лойиқ лойиҳадир. Ҳизб ут-Таҳрир ҳам бошқа ҳизблар орасида номаълум ҳизб эмас. У оламшумул Ҳизб бўлиб, дунёнинг қирқдан зиёд давлатида фаолият олиб боради. Ҳизб қурол ишлатиш, тартибсизликни юзага келтириш, суиқасд уюштириш каби Исломнинг давлат барпо этишдаги тариқатига хилоф ишларни қўлламайди. У Исломга асосланган Ҳизб бўлиб, мусулмонларни Муҳаммад САВнинг тариқатларини ушлаган ҳолда Пайғамбарлик минҳожи асосидаги рошид Халифалик соясида бирлаштириш учун ҳаракат олиб боради. Зеро, ул зот ўзгартириш тариқати сифатида ўз жамиятларига қарши қилич кўтармаганлар, балки фикрий ва сиёсий кураш олиб бориб, қудрат аҳлидан нусрат талаб қилганлар.

Матбуот баёнотида мана шулар ҳақида сўз юритилгач, қуйидаги сўзлар билан хотима ясалди: Ҳизб ут-Таҳрир ҳақни айтиш ва уни рўёбга чиқаришда давом этади, бу йўлнинг ҳар қанча оғирлиги ва шафқатсизлигига парво қилмайди. Қанча-қанча ҳукмдорлар Ҳизб давъати йўлига тўғоноқ бўлишга уриниб, буни уддалай олмади, балки Ҳизб даъвати давом этди. Аллоҳнинг изни ила, Ҳизб ўз ғояси сари саботи ва аҳд-паймони билан ҳаракат қилишда давом этиш билан тоғларни ларзага келтиради, босиқлиги ва собирлиги билан жоҳиллардан устун келади ва ниҳоят, яқинда пайғамбарлик минҳожи асосидаги рошид Халифалик давлатини барпо этади.

وَاللّهُ غَالِبٌ عَلَى أَمْرِهِ وَلَـكِنَّ أَكْثَرَ النَّاسِ لاَ يَعْلَمُونَ

«Аллоҳ Ўз ишида ғолибдир лекин одамларнинг кўплари (буни) билмайдилар»    [Юсуф 21]

Роя газетасининг 2017 йил 2 август чоршанба кунги 141-сонидан