بِسْمِ اللهِ الرَّحْمٰنِ الرَّحِيم

Роя газетаси:

Эрон қилмишлари Сулаймоний даъволарини ёлғонга чиқармоқда

«Маан» ахборот агентлиги веб-сайти (ҳижрий 1439 йил 13 зул-қаъда, милодий 2018 йил 26 июл пайшанба куни) нашр қилган хабарда бундай дейилади:

Эрондаги «Қудс» махсус кучлари қўмондони генерал-мойор Қосим Сулаймонийнинг таъкидлашича, президент Ҳасан Руҳоний қилган кучли баёнот Эрон халқи қалбида таассурот қолдирган. Ҳамадон муҳофазаси шаҳидлари хотирасини абадийлаштириш маросимида қилган нутқида Сулаймоний АҚШ президенти Дональд Трампга қарата «Билиб қўйсин, биз уни кутяпмиз, биз шаҳидлик ошиқларимиз», деди. Сўнг Трампга таҳдидига «Сен уруш бошладингми, тамом, биз уни албатта ниҳоясига етказиб қўямиз», деди. Сулаймоний шунча йиллар мобайнида АҚШ маъмуриятининг «Ҳар қандай жиноятни тап тортмай қилиб келгани»ни таъкидлар экан, «Қудс кучлари АҚШ кучлари рақибидир», деди. Кейин «Бугун Қизил денгизда АҚШ мавжуд эканми, демак у ер хавфсиз ҳолатда эмас. Ана, Саудия ва Амирликлар кемалари нишонга учрамоқда», деди.

«Ироқда америкаликлар ироқликлар ҳужумига учраяпти, америкаликлар мендан айни ҳужумларга учрамасликларини талаб қилишди», дея сўзини давом эттирди Сулаймоний».

Роя газетаси шарҳи:

Агар генерал-майор Қосим Сулаймоний бундай даъволарида ростгўй бўлганида эди, унинг махсус кучлари АҚШнинг ироқлик малайлари тахтини мустаҳкамлаш учун у ерда жанг қилмаган бўларди! Шунингдек, ҳақиқатдан ҳам унинг кучлари АҚШга рақиб бўлганда эди, Сурияда қонхўр Башар Асадни қудратда сақлаб қолиш учун уни мудофаа қилаётган бўлмас эди! Мана, АҚШ кучлари шу Сулаймоний кучлари ўт очса етадиган ерларда, Ироқ, Сурия, Афғонистон каби юртларимизда жанг қиляпти, унинг осмонидан учиб ўтиб, Афғонистонга зарбалар йўллаяпти!

Чиндан ҳам «Қудс» забардаст кучлар ҳисобланади. Бироқ у Америка лойиҳалари манфаатига хизмат қилади, Ислом ва мусулмонлар манфаатига эмас. Мутлақо Қуддус манфаатига ҳам эмас. Аммо Қуддус ҳақида Сулаймоний мусулмонларни алдаб, ўзининг асл башарасини бошқача кўрсатиб келади. Масалан, Эрон 1979 йилдаги Хумайний инқилобидан буён Американинг мусулмон юртларидаги сиёсатини бажариб келади. Айнан шу давлат Ироқ, Афғонистон, Сурия, Яман, Ливан ва бошқа юртларимиздаги Америка босқинчилигини мустаҳкамлайди.

Роя газетасининг 2018 йил 8 август чоршанба кунги 194-сонидан