Масжидлар ёқилмоқда, мусулмонлар ўлдирилмоқда, армияларимиз эса миқ этмай ўтирибди!

Яҳудий вужуди бош вазири Нетаняҳу Ғарбий Соҳилдаги ҳозирги амалиётни кенгайтиришни талаб қилиб, ўз армиясига эрк бериб юборди. Айни пайтда вужуднинг миллий хавфсизлик вазири деб аталмиш Бен-Гвир бир кўчманчи истилочининг ўлдирилиши ва яна уч нафарининг яраланишидан сўнг, у ердаги ҳарбий чора-тадбирларни кескинлаштиришга чақирди. У ҳужумларни амалга оширувчилар чиқаётган қишлоқлар ва шаҳарчаларга «Ғазо секторидаги Бейт Ҳанунга муомала қилинган каби бир хил усулда муомала қилиниши керак», деб айтди.

Ар-Роя: Яҳудий вужуди раҳбарларининг ўз аскарлари ва  кўчманчи истилочиларидан бир неча кишининг ўлдирилиши ва яраланишига берган бундай муносабати уларнинг Ислом Умматини ва унинг армияларини қанчалик менсимаслигини, ҳатто бу нарса уларни ҳар қандай акс-таъсирдан қўрқув ҳиссини йўқотганини кўрсатади.

Унинг кўчманчилар тўдалари ва аскарлари Фаластинда, Ғазо ва Ғарбий Соҳилда мусулмонларни ўлдириш билан тонг оттириб, кечкиртирмоқда, унинг аҳлини бадарға қилиб, қолган-қутган уй-жойлари ва ерларида ҳам оилаларини таъқиб қилмоқда, Расулуллоҳ ﷺнинг Исро жойини ҳар бир муносабатда ва ҳар онда таҳқирламоқда. Мана энди, улар масжидларни қасддан нишонга олиб, нафрат, адоват ва таҳқирлаш билан ёқиб юборишмоқда.

Эй Ислом Уммати! Армияларингиздаги зобит ва қўмондон бўлган фарзандларингиз қачонгача Фаластинга, унинг аҳлига ва муқаддасотларига тушаётган кўргиликларга гўё бу нарсанинг уларга ҳеч қандай алоқаси йўқдек томошабин бўлиб тураверадилар?!

Роя газетасининг 2026 йил 12 август чоршанба кунги 612-сонидан