بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Беҳисоб бойликларга эга давлатлар Ғарбга тобелиги ва унинг сиёсатини ижро этиши сабабли дефицитдан боши чиқмайди

Кувайт дефицитини ёпиш учун 16.5 миллиард доллар қарз олишга қарор қилди!!!

«Қибс» газетаси хабарига кўра, Кувайт ҳукумати 2016-2017 йиллар бюджетида пайдо бўлган ва 4 миллиард Кувайт динорини ташкил қилаётган дефицитни ёпиш учун 16.5 миллиард доллар қарз олишга қарор қилган.

Газетага кўра, молия вазирлигининг дефицитни ёпишга оид стратегияси маҳаллий бозордан облигация (қимматбаҳо қоғоз)да икки миллиард динор қарз олишга, 3 миллиард динор босиб чиқариш ёки шу миқдорга тенг долларни жаҳон бозорида облигацияда ва чекларда олишга асосланади. Шунингдек, бу стратегия дефицит билан кўрсатилган қарзлар ўртасидаги фарқни давлатнинг умумий резервидан қоплашга ҳам асосланади.

Газетада келтирилган манбаларнинг айтишича, ҳозирги аҳвол молия вазирини умумий қарзни идора қилиш учун махсус бўлим тузишга ундаган. Бу бўлим муносиб кредит стратегиясини ишлаб чиқиш ва турли кредитлар танловлари билан боғлиқ хавф-хатарларни баҳолаш билан шуғулланади. Шунингдек, у давлат инвестиция ҳайъати ва Кувайт марказий банки билан ҳамкорликда кредит амалиётларига ҳам мутасаддийлик қилади.

Манба 2016-2017 йиллардаги молиявий ва иқтисодий вазият, давлат харажатларини назорат қилишни, даромад манбаларини диверсификация (ишлаб чиқариш турларини кўпайтириш) қилишни, иқтисодиёт структурасини қайта тузишни талаб қилишини таъкидлади. Унинг билдиришича, бугунги мавжуд ҳолатлар шуни кўрсатмоқдаки, бюджет мувозанатини сақлаб қолиш учун нефт баҳоси келаси узоқ вақт ичида керакли даражадан паст ҳолатда сақланиб қолади. (Русиял Явм сайти).

Роя газетасининг 2016 йил 6 июл чоршанба кунги 85-сонидан