Ҳизб ут-Таҳрирга қарши курашда омадсиз ҳукуматлар
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Ҳизб ут-Таҳрирга қарши курашда омадсиз ҳукуматлар
Муҳандис Муҳаммадёсин Самида қаламига мансуб
Тунисда Ҳизб ут-Таҳрир кўп кишилик йиғилишлари билан шуҳрат топганидан бери… 2011 йили ўтказилган матбуот йиғинида ўз жиҳозларини маълум қилганидан сўнг… кейин ўзининг халқ орасидаги фаолиятини ва Тунисдаги сиёсий воқеа-ҳодисаларга нисбатан ўз фикрларини, позицияларини очиқ айтишни бошлагандан бери, уни майдондан чиқариб юборишга чақирувчи овозлар ҳам бирга бошланди. Хусусан, бу – илмонийлар ва сўл қанот тарафдорлари сифатида танилганларнинг ёки манфаатлари мустамлакачилар билан боғланганларнинг овози бўлди. Бу кимсалар ҳар бир исломий нафасни бутунлай ўчириб ташлашга, хусусан, давлат, Уммат ва ҳазорат лойиҳасига даъват қилган кишиларни илдизи билан йўқ қилишга чақиришлари билан ажралиб қолишди. Бироқ Ҳизб ут-Таҳрир ўз курашини давом эттириб, Аллоҳ Субҳанаҳу ва Таолонинг фазлу карами ила, қолаверса, халқнинг Ҳамодий Жабалий ҳукуматига босим ўтказиши билан муваффақиятга эришди. Бу муваффақият ҳукуматга ўзини Ҳизб сифатида маълум қилиш ва бу ҳақда давлатнинг расмий жавобини чоп эттиришга эришишдан иборат бўлди. Расмий жавоб эса «Ҳизб ут-Таҳрир сиёсий партия бўлиб, мабдаси Исломдир, у Халифалик давлатини барпо этиш орқали исломий ҳаётни қайта бошлашга ҳаракат қилади», деган жавоб бўлди. Жавобда унинг Ер курраси шиори ва устидаги ла илаҳа иллаллоҳ Муҳаммадур Росулуллоҳ байроғи ҳам акс этди. Бу ҳолат сиёсатчи ва матбуотчилар дохил бир сиқим кимсаларни Ҳизб ут-Таҳрирни тақиқлаш ва фаолиятини тўхтатишни бирин-кетин келаётган ҳукуматлардан талаб қилишга ундади. Хусусан, уларни бунга ундаган нарса, Ҳизб ҳар йили конференциялар ўтказарди ва уларда минглаб кишилар қатнашардилар, ҳатто у шу даражада шуҳрат топдики, бошқа бир неча партиялар бирлашиб ҳам бу даражада шуҳрат топа олмади. Ниҳоят, бу кимсаларнинг шов-шувлари ва гижгижловларини Маҳдий Жума ҳукумати қабул қилди. Бу ҳукумат Ҳизбга ёзма танбеҳ юборди. Асосан, умумий гаплардан ва жуда заиф ибора-матнлардан тузилган айни танбеҳга Ҳизб раддия берди.
Ниҳоят, Қарқана ҳодисасида айни ярим орол бойликларини талаётган «Петрофак» ширкатига қарши халқ чиқиш қилганда ҳукумат Ҳизб ут-Таҳрирни айни чиқиш ортида турганликда ва аҳолини гижгижлаётганликда айблади. Ҳукумат Ҳизбга қарши учта масалани олға сурди. Улардан бири Ҳизбни тарқатишни талаб қилди, кейин унинг йиллик конференциясини ўтказишини тақиқлашга қарор қилди. Ҳизб эса маъмурий судга мурожаат қилган эди, у Ҳизб фойдасига ҳукм қилиб, конференциянинг бекор қилиш қарорини тўхтатиб қўйди. Бироқ қонун устуворлигини ва суд муқаддаслигини иддио қилувчи режим конференциялар залини беркитиб қўйди ва қатнашувчиларни унга киритмади… Шунда Ҳизб конференцияни ўз идорасида ўтказди, унинг тарафдорлари идорадан айвонгача, айвондан кўчагача чиқиб кетдилар… бу ғоят ажойиб, интизомли бир манзарада бўлди, яъни иштирокчиларнинг кўплигига қарамай, кўча ҳаракатига ҳеч қандай халақит берилмади.
Ҳизб масъуллари 15 август душанба куни эрталаб Арён минтақасидаги – яқинда очилган – Ҳизб офиси биноси пештоқидаги плакат бузиб ташланганини гувоҳи бўлдилар. Маълум бўлишича, бундай қилмишга қўл урганлар хавфсизлик хизмати ходимлари экан. Улар кечқурун кеч соатда келишади ва баладия қурилишига қарашли кран машинаси ҳайдовчисидан плакатни олишга ёрдам беришни талаб қилишади, бироқ ҳеч ким бундай қабиҳ ишни қилишга ёрдам беришни истамайди… Бу Ҳизб ут-Таҳрир-Тунис вилояти матбуот бўлимини айни манфур қилмиш ҳақида матбуот баёнотини чиқаришга ундади.
Сешанба куни тонги кунлик газеталардан бирининг электрон саҳифасида шаҳар низолари масъулининг талаби билан Ҳизб фаолиятини ўттиз кунга тўхтатиб қўйиш тўғрисидаги ариза биринчи босқич суди вакили томонидан имзо чекилгани ҳақида хабар чоп этилди. Бир кундан сўнг бу ҳақда Ҳизбга бир неча қаторли ёзма мактуб юборилди. Мактубда Ҳизбни кузатаётган томон борлиги, улар давлат доиралари билан бирга партия масалалари ва улардан ташқари масалалар билан шуғулланишаётгани хабар қилинган.
Ариза Ҳизб фикр ва йўналишларига оид бир неча пунктлардан иборат бўлса-да, бироқ унда чалғитувчи хулосалар мавжуд. Унга кўра, Ҳизб теократик бошқарувга чақирармиш, чунки бу бошқарув Халифалик дастури лойиҳасида исломий ақида давлат асоси эканини таъминлаган эмиш. Бироқ теократик бошқарув дин кишиларининг ўрта асрларда Европадаги черков ҳукми остидаги бошқарувдир, Китобу суннат ва иккаласининг кўрсатмасидан истинбот қилинган шаръий қонунлар бошқаруви эмас. Кейин аризада халифа Аллоҳнинг номи билан ҳукм қилиши ҳам қўшимча қилинган. Албатта буни ё калтабинлик ёки товламачилик дейиш мумкин, холос. Бошқа иборалар эса ё идеологик жиҳатдан кўролмаслик ёки Ҳизбга туҳмат қилиш ва уни мустамлакачиликка душманлик қилишда айблаш… билан тўла.
Бундай чора-тадбир Сибсийнинг Сайд ҳукумати маваффақиятсизлигини ошкор этиб, уни истеъфо беришга мажбур қилишидан сўнг ҳамда Шоҳид ҳукумати ташкил қилинаётган бир муҳитда қабул қилинди. Шоҳид ҳукуматини одамлар устамонлик билан ишланган спектакл ва масхарабозлик, деб ҳисобладилар. Бу муҳитда коррупциячи сиёсатчилар, шуҳрат топмаган, халқнинг вакили ҳам бўлмаган, ҳатто парламентда ҳам обрўсиз бўлган партиялар ва бир-бирларидан нафратланувчилиги билан танилган кимсалар… мавжуд. Ўткир иқтисодий кризис келаси йил келиши билан йирик кризис бошланишидан дарак бермоқда, чунки у йилда давлат Халқаро Валюта Фондидан олган қарзларининг илк тўловларини бошлайди.
Бироқ бу чора-тадбирнинг ўлчамлари турли хил. Жумладан, давлатдаги нуфузли кишиларга шахсий гина-кудурат деган нарса ўрмалай бошлаган бўлиб, Ҳизб ут-Таҳрир уларни ўзларининг бузуқ лойиҳалари учун ҳам реал тўсиқ, деб ҳисоблайди. Яна бу чора-тадбирлардан бири, ушбу қўзғолонга зарба бериш исталмоқда. Яъни эски тизимга қарши бирдан-бир курашчи бўлиб турган, коррупциячилар билан шерикликка ёки уларнинг коррупциясига сукут қилишга рози бўлмаётган бир сиёсий мабдаий овозни ўчириш тадбири. Ҳизб ут-Таҳрир узоқ вақт ажнабий доираларни ҳам юрт ичкарисидаги сиёсатларини фош қилиб келди, регионал ва халқаро тил бириктирувларини очиб ташлади. Гарчи аризачилар ўзларининг асосий расмий ишларига шаклан ва мазмунан тескари иш қилишса-да, бироқ Ҳизбни тақиқлаш қарори сиёсий қарордан бошқа нарса эмас. Афтидан, бу қарорни ўша ажнабий доиралар бошқаришяпти, улар керак бўлса, одатдагидек ҳатто ўз қонунларини ҳам депсаб кетишади ва бунда қароқчиликка, лоббича кураш услубига таянишади.
Аммо уларнинг гумонлари мутлақо хато. Чунки Ҳизб ут-Таҳрирни на тарқатиб бўлсин, на тўхтатиб. У диктатор режимларга қарши кураш фаолиятини давом эттириш билан бирга, ёлғон эркинликлар муҳитида фаолият қилади. Ҳатто воқеда шу нарса исботландики, қачон режим Ҳизбга қарши қанчалик эътибор қаратиб, унинг хавфли экани тўғрисида гаплар тарқатса, одамларнинг Ҳизбга яқинлашишлари, у билан ҳамдард бўлишлари шунчалик зиёда бўлмоқда. Чунки бу одамлар бир жиҳатдан Ҳизб ва унинг фикрларига ишонсалар, бошқа жиҳатдан, режимни ва унинг ҳамтовоқ сиёсатчиларини ёмон кўрмоқдалар.
Ҳизб аъзолари ҳам ҳар қанча тўсиқларга ва мустамлакачилар ҳужумларига қарамасдан, имонлари билан, онглари билан ҳаракатда давом этмоқдалар. Ҳатто улар – Ислом диёрида Ислом билан ҳукм қилинмагунча ўзлари учун ҳаргиз роҳат йўқ эканини айтиб, бунга Аллоҳни гувоҳ қилдилар.
Роя газетасининг 2016 йил 24 август чоршанба кунги 92-сонидан
