بِسْمِ اللهِ الرَّحْمٰنِ الرَّحِيم

Роя газетаси:

Ҳизб ут-Таҳрир-Тунис фаолияти муаллақ қолдирилишига рози эмас

Ҳизб ут-Таҳрир-Тунис ўз фаолиятини бир ойга тўхтатиб қўйиш тўғрисидаги адлия қарорига ҳаргиз итоат қилмаслигини билдирди ҳамда уни айни қарорини қайта кўриб чиқишга чақирди. Адлия бу қарорига Ҳизбнинг партиялар тўғрисидаги қонунга зидлигини сабаб қилиб кўрсатган эди.

Ҳизбнинг идорий ҳайъат аъзоси Муҳаммадносир Шувайха бу Ҳизб «ўз фаолиятини ҳаргиз тўхтатмаслигини ва ишини давом эттириши»ни таъкидлади. Қарорни «америкалик ва англиялик мустамлакачиларнинг Ҳизб ут-Таҳрирнинг бутун дунёда олиб бораётган фаолиятини тўхтатиш ва унга босим ўтказиш йўлидаги курашларини ижро этиш», дея баҳолади.

Кейин «Биз ўттиз кунлик муҳлатни ҳукумат ва унинг югурдакларига берамиз, шу вақт ичида адлия қарорини қайта кўриб чиқишсин», дея сўзини давом эттирди.

«Сиёсий фаолият олиб бориш ибодатдир, биз ёруқликда фаолият қиламиз, биз кеча қудратдан кетган Зайнулобидин ибн Али ва ундан олдинги Ҳабиб Бурқиба замонидан бери жамоат жойларидаги қаҳвахоналарда фаолият қилиб келдик, биз ер остига яшириниб ёки сирли ишлар билан фаолият олиб бормаймиз», деди. Хусусан, Халқаро Валюта Фондини танқид остига олиб, Тунисдаги иқтисодий сиёсатни ўша тузиб бераётганини очиқлади.

Жорий йил 15 август душанба куни Тунисдаги биринчи босқич суди Ҳизб ут-Таҳрир партиялар тўғрисидаги 2011 йил қабул қилинган қонунга зид, деган иддио билан унинг фаолиятини бир ойга тўхтатиб қўйиш тўғрисида қарор чиқарган эди. Бу қарор ҳукумат тақдим этган талаб асосида чиқарилиб, судда бош прокурор расмий нотиғи Суфён Салитий эълон қилганди.

Ҳизб ут-Таҳрир икки баёнот орқали хавфсизлик хизмати билан ички ишлар вазирлигини айблади: хавфсизлик хизматини пойтахтдаги Ҳизб шиори ёзилган плакатни унинг офиси биноси пештоқидан бузиб ташлаганликда айблаган бўлса, ички ишлар вазирлигини Ҳизбнинг июн ойида ўтказишни белгилаган йиллик конференциясини «фавқулодда ҳолат даврида хавфсизлик сабабли», деган иддио билан тақиқлаганликда айблади.

Эслатиб ўтамиз, Ҳизб фаолияти Бурқиба даврида (1957-1987) ҳамда Ибн Али даврида (1987-2011) тақиқланиб, бу тақиқлар 2012 йил қонуний рухсат берилгунга қадар амал қилганди.

Тунисдаги Ҳизб 1953 йил қози Тақийюддин Набаҳоний қўлида Қуддусда таъсис этилган Ҳизб ут-Таҳрирнинг бир бўлаги бўлиб, унинг фикрлари бутун дунёдаги бошқа бўлаклари билан боғланган, яъни Халифалик давлатини барпо этишга даъват қилади. (Ал-Жазира нет).

Роя газетасининг 2016 йил 24 август чоршанба кунги 92-сонидан