بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Тунисда яна халқ норозилик намойишлари аланга олмоқда

Сўнгги пайтларда Тунис яна халқ норозилик намойишлари доирасининг кенгаяётганини ҳамда бир вақтнинг ўзида, бир неча шаҳарларда қайта норозилик тадбирлари бошланганига гувоҳ бўлмоқда. Шунингдек, айни кунларда Тунис аҳлидаги умидсизлик нисбати ҳам юқоридир. Ўтган ҳафтада чоп этилган навбатдаги жамоатчилик фикрини ўрганиш натижалари тунисликларда умидсизлик кўлами кўпайганини кўрсатди. «Сигма Консай» муассасасининг ўтган август ойи учун чиқарилган ойлик «Барометр сиёсий»сида тунисликлардаги умидсизлик рекорд даражага етиб, жавоб берганларнинг 76 %ини ташкил қилган ва улар Туниснинг нотўғри йўлдан кетмоқда, деб ҳисоблайдилар. «Арабий Жадид».

Роя газетаси шарҳи:

Тунис аҳли бошдан кечираётган бу танг аҳвол ҳукумат татбиқ қилган капиталистик тузумнинг ҳамда Ислом анъаналарини очиқдан-очиқ четга суришнинг табиий оқибати, албатта. Шу татбиқ натижаси ўлароқ, ҳаётнинг барча соҳасида фасод тарқалиб, ҳукумат бошқарувининг ҳамма томонларига таъсир қилди. Шунга кўра, мудом бу ҳукумат заиф бир тузумни қабул қилишда давом этар экан, иқтисодий кризислар унинг таркибий қисмларининг бирига айланиши ва Тунисда иқтисодий фаровонликни ҳаргиз рўёбга чиқаролмаслиги, ҳатто буни хоҳласа ҳам қила олмаслиги табиий.

Бу ҳукмдорларнинг поезди кетиб бўлди, энди улар норозилик намойишлари оловини узил-кесил ўчиришолмайди. Ўзларининг ямоқ солиш ва ёлғон ваъдалар биришлари билан Ислом Умматининг ҳақиқий ўзгариш, яъни Пайғамбарлик минҳожи асосидаги рошид Халифалик сари интилишини ҳаргиз тўсишолмайди. Зеро, ушбу Халифалик сабабли зулм кўтарилади, адолат қарор топади, бойликлар инсоф билан тақсимланади ва мусулмонларга иззат ва шараф қайтиб келади.

Роя газетасининг 2016 йил 28 сентябр чоршанба кунги 97-сонидан