Лоқайдлик

بِسْمِ اللهِ الرَّحْمٰنِ الرَّحِيم

Аксар инсонлар лоқайдликни инсонга хос бўлмаган хусусият дейди. Аммо бугун у аксар инсонларда мавжудлигини қандай изоҳлаймиз? Демак, у инсонга хос хусусият экан. Чунки бугун аксар инсонлар лоқайд. Худдики онглари, шуурлари қотиб қолган, кўзлари атрофидаги воқеа-ҳодисаларни хира тасвирда кўраётгандек заррача қизиқтирмайди. Буни қандай тушуниш керак? Бефарқликми? Худбинликми? Йўқ. Гарчи бу жиҳатлар ҳам лоқайд инсонда мавжуд бўлса-да, булар бир жузълари холос. Биз огоҳлантираётганимиз тубанликка олиб борувчи фикрий лоқайдлик. Чунки бундай инсон ҳаттоки ўз ҳаётини тартиблаштириб берувчи фикрлар ҳақида фикрлашга лоқайдлик қилади. Нафсига ёққан ҳар қандай фикрни қабул қилаверади. Натижада инсоннинг ҳаёт тарзи ҳайвонникидан фарқланмай қолади ва уни ҳайвоний даражага тушириб қўяди.

Бугун бизнинг лоқайдлигимиз туфайли турмуш тарзимиз ривожланишнинг энг қуйи босқичига тушиб бормоқда, аниқроқ айтсак, инсонийлик ва ҳайвонийлик орасидаги фарқ тобора қисқариб бормоқда. Агар биз демократия ўргатаётгандек ҳар бир ишга эркинлик нуқтаи назаридан баҳо бериб, буларнинг оқибатлари ҳақида фикрламасак, ана шу қисқариб бораётган фарқ йўқолади. Бу эса, аниқ таназзул демакдир. Демак, бугунги ҳаётимизни тўғри тартиблаштирувчи фикрларга лоқайдлигимиз эртанги таназзулимизнинг сабабчиси бўлади.

Шунинг учун ўзимиздаги бу иллатни йўқотишимз шарт. Бу иш бугунги тубанлашиб бораётган ҳаётимизни уйғониш ва юксалиш томон ўзгартиришимиз билангина амалга ошади. Бунинг учун эса, лоқайдлик қилиб ҳаётимиздан узоқлаштирган Исломни ҳаётимизга қайтаришлик билангина бўлади. Шундагина ҳаёт ҳақидаги энг тўғри тушунчаларга эга бўлган ҳолда ҳар қандай ботил фикрларга эргашмаймиз, жамиятимиз таназзулга юз тутмайди.

Ҳизб ут-Таҳрирнинг Ўзбекистондаги медиа офиси. Салоҳиддин

14.10.2019й