Жон Керрининг Дакка сафари Бангладеш АҚШнинг терроризмга қарши курашида навбатдаги фронтга айланажагини англатади
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Жон Керрининг Дакка сафари Бангладеш АҚШнинг терроризмга қарши курашида навбатдаги фронтга айланажагини англатади
АҚШ ташқи ишлар вазири Жон Керри унинг юрти Бангладешда мустамлакачилик доирасини кенгайтириш илинжида эканини аниқ ифодалаб гапирди. Бу унинг 2016 йил 29 август душанба куни Бангладешдаги тўққиз соатлик сафари чоғида айтилди. Даккани тарк этишдан олдин у «бош вазир Шайха Ҳасина билан Бангладешдаги маҳаллий экстремист гуруҳларнинг Исломий Давлат ташкилоти гуруҳлари билан алоқаси борлигини аниқ-тиниқ муҳокама қилишганини, бу борада Ҳасина билан ҳеч қандай икки хил фикр бўлмагани»ни таъкидлади. Кейин «бугундан бошлаб, Бенгал халқи бу юртда америкалик кучларни кўпроқ гувоҳи бўладилар, чунки Жанубий Осиё минтақасидаги ҳужумлар тобора кучайиб бораётган бир пайтда, биз Бенгал кучлари билан муштарак амалиётлар ўтказишга битимлар имзолаймиз», дея қўшимча қилди.
Ҳеч шубҳа йўқки, Керрининг бу баёнотидан Ҳизб ут-Таҳрирнинг жорий йил бошида содир бўлган «Гулшан» ҳужуми тўғрисидаги таҳлили аниқ тўғри экани исботланди. Биз машъум ҳужум ортиданоқ одамларга аниқ-тиниқ маълумот сифатида бевосита матбуот баёнотини чиқарган эдик: Бу юртда Исломий Давлат ташкилоти ниқоби остида олиб борилаётган курашдан АҚШ моддий манфаатдордир. У айни ҳужум учун олдиндан узоқ вақт тайёргарлик кўрди. Кейин эса ҳужум унинг учун Ҳинд-Бенгал минтақасида янги уруш фронтини очишига дастак сифатида хизмат қилди. Яъни шу орқали минтақадаги ўзининг геосиёсий манфаатларини таъминлаш билан бирга, Аллоҳнинг изни ила, барпо бўлиш арафасида турган Пайғамбарлик минҳожи асосидаги рошид Халифалик давлатининг барпо этилишига қарши шу фронт орқали курашишни режалаштирди. «Гулшан» ҳужуми ортидан, 27 июлда АҚШнинг Тинч Океан флоти кучлари бошлиғи адмирал Гарри Харрис «Япониянинг қайта тиклаш» муассасасида қилган маърузасида Бангладешдаги Исломий Давлат ташкилоти таҳдидлари ҳақида сўзлади. Бу катта зобит ўз нутқида бу минтақа АҚШ учун «бешинчи фронт» ҳисобланишини таъкидлади ва минтақадаги барча исломий юртлардан ушбу ташкилотнинг кенгайишига қарши АҚШ билан ҳамкорлик қилишни талаб қилди. Аниқки, Шайха Ҳасина ўз тахтини сақлаб туриш учун америкалик ва ҳиндистонлик хўжайинлари ташаббусини етти букилиб қабул қилди. Керрининг «Шайха Ҳасина АҚШ билан ғоят мустаҳкам равишда ҳамкорлик қилмоқда», деган гапи ҳам буни тасдиқлайди.
Биз Ҳизб ут-Таҳрир-Бенгал вилояти аъзолари, АҚШ Покистонни ўзининг ёвуз «терроризмга қарши кураши»га зўрлаб киритиб олгани каби, Бангладеш ҳам унинг навбатдаги ўлжасига айланмасин учун, жорий мустамлакачилик тил бириктирувларини фош этишда давом этамиз. Муҳаммад Мустафо САВнинг Умматини алдамайдиган етакчи сифатида ҳаракат қилиб, унинг анави малай хоин режим қурбонига айланишига йўл қўймаймиз. Шу билан бирга, юртимиздаги қудрат ва ёрдам аҳлини Ҳасинадан қўлларини тортиб олишларига чақирамиз. Чунки у кофирларни ўзига дўст тутмоқда, бу эса аниқ зиёнга олиб боради.
يَا أَيُّهَا الَّذِينَ آمَنُوا إِن تُطِيعُوا الَّذِينَ كَفَرُوا يَرُدُّوكُمْ عَلَىٰ أَعْقَابِكُمْ فَتَنقَلِبُوا خَاسِرِينَ
«Эй мўминлар, агар кофирларга итоат қилсангиз, сизни ортингизга (куфрга) қайтаришади, бас, зиён кўргувчиларга айланиб қоласиз» [Оли Имрон 149]
Ҳизб ут-Таҳрирнинг
Бангладешдаги матбуот бўлими
Телефон: +880 1713008822
Факс: +880 29558854
Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">Info@khilafat.org
Адрес: H. M. Siddque Mansion, 55/A Purana Paltan,
4th Floor (Next to Grand Azad Hotel), Dhaka 1000
