بِسْمِ اللهِ الرَّحْمٰنِ الرَّحِيمِ

Судандаги навбатдаги ҳукумат ҳарбий ҳукмронлик билан фуқаролар қарама-қаршилиги ўртасида

Партиялар етакчилари, олимлар, журналистлар ва сиёсатчилар билан тўла залда Ҳизб ут-Таҳрир – Судан вилояти 2022 йил 6 август шанба куни ўзининг ойлик форумини ўтказди.

Ушбу «Судандаги навбатдаги ҳукумат ҳарбий ҳукмронлик билан фуқаролар қарама-қаршилиги ўртасида» номли ушбу форумда устоз Носир Ризо йирик мустамлакачи давлатлар (хусусан АҚШ ва Британия)нинг юрт ишларига аралашувини ёритиб бериб, Абдуллоҳ Ҳамдукнинг 2019 йил августда конституциявий ҳужжат имзоланганидан сўнг ҳокимиятни қандай олганлигини баён қилди. Сўнг ҳарбий кенгашнинг 4 июлда учлик механизми ҳомийлигидаги музокаралардан чиқиб олгани тўғрисидаги берган Бурҳоннинг мурожаатига тўхталиб ўтди. Носир Ризо шунингдек, Суданда Америка томонидан ҳарбийлар орқали ташланган ушбу хавфли сиёсий қадамнинг Британия элчихонаси томонидан қўллаб-қувватланувчи фуқаролик кучларига қарши ташланганини ҳам таъкидлади.

Муҳандис Босил Мустафо ўзининг «Исломдаги бошқарув тузуми» номли маърузасида янги ҳижрий йил бошланишини таъкидлар экан, Аллоҳ Субҳанаҳудан бу йилни Ислом Уммати учун ғолиблик, нусрат ва Халифалик йили қилишини сўради ва қуйидагиларни таъкидлади:

«Пайғамбаримиз ﷺ ҳижратларининг бошқарув тузуми ва Судандаги бошқарув кризиси ҳақидаги ушбу мавзуимизга алоқадор жиҳатлари бор. Зеро, ҳижрат ҳокимият ва давлатни барпо қилиш ҳамда мусулмонларнинг янги қонун ва дастури ва давлатнинг армия, полиция, элчиликлар, ички ва ташқи алоқалар, адлия каби турли жиҳозини ташкил қилиш учун қилинган ҳижрат эди. Ўшанда асоси Ислом бўлган 30-моддадан иборат Мадина ҳужжати тузилди. Агар ўша пайтда кутилганидек Ясрибга Абдуллоҳ ибн Абу Салул ҳокимиятни ўз қўлига олган бўлганида, ўзгариш фақат шахслардагина бўлар ва жамият ҳаргиз ўзгармаган бўлар эди. Аммо Пайғамбаримиз ﷺнинг Ясрибга келишлари билан бутун жамият воқелиги тубдан ўзгарди.

Биз ҳам бугунги кунда конституция, қонун ва мустамлакачилар қолдирган бошқарувни тубдан ўзгартиришимиз шарт. Юртимиздан мустамлакачи чиқиб кетгандан бери бўлиб ўтган ишлар фақат сохта ўзгаришдан иборат бўлди. Чунки бизни қонун, дастур ва қонунчиликда бошқараётган тузумдаги муаммо уларнинг инсоннинг ҳавойи нафсидан келиб чиққанлигидадир».

Дарҳақиқат, форумдаги мунозара, изоҳ ва муносабатлар бўлимида қатор сиёсатчилар, олимлар ва журналистлар иштирок этди. Жумладан, «Ислоҳот ва Тараққиёт учун Истиқбол» ҳаракатининг сиёсий котиби доктор Ножий Мустафо, Судан Федерал кучлари партияси раиси Ҳомид Муҳаммадали Турин, ирригация вазирлигининг собиқ вакили, собиқ сув ресурслари директори муҳандис Ҳайдар Юсуф, Ихвонул Муслимин бош кузатувчиси шайх Сайфиддин Арбоб, Ихвонул Муслимин сиёсий котиби устоз Ҳасан Абдулҳамид, журналист ва ёзувчи устоз Муҳаммад Мабрук, Судан Бирлиги порталидан устоз Жибрил Дов, универстет профессори доктор Сидий Абу Зафир ва Исломий етакчи Саййид Хитоб кабилар.

Роя газетасининг 2022 йил 22 август чоршанба кунги 405-сонидан