بِسْمِ اللهِ الرَّحْمٰنِ الرَّحِيمِ

Илмоний бошқарув остида муниципал сайловларда ўз номзодини қўйиш ва сайлаш билан қатнашиш ножоиз

Ҳизб ут-Таҳрир – Иордания вилояти матбуот бўлими матбуот баёноти нашр қилиб, Иордания ҳукумати чақирган муниципал сайловда қатнашишнинг шаръий ҳукмини баён қилди. Баёнотга кўра, муниципалитет аслида мустақил бўлмаган, балки амалда ҳукуматга тобе бир ижроий аппаратдир. Ҳукумат ўзи истаган ҳар қандай сиёсий фаолиятга уни мажбур қилади. Муниципалитет, номигагина эмас, балки амалий жиҳатдан ҳукумат органларига бўйсунади. Ҳукумат ҳатто муниципал кенгаш қарорларини – ҳатто бир овоздан қабул қилган бўлса ҳам – бекор қила олади…

Аниқки, муниципал сайловлар мана шундай режимлар даврида сиёсий тус олмоқда. Партияларнинг айни сайловларни бойкот қилишлари ёки унда қатнашишлари ё бу нарса давлат сиёсати боғлиқ бўлгани учун ҳукуматларнинг сайловда қатнашишга чақираётгани буни очиқ кўрсатиб турибди. Шу боис, муниципал сайловлардаги рақобатни бўлажак парламент ва бошқа сайловларга бир сигнал ҳамда илмонийларнинг сиёсий ўйинларидаги таъсир ўлчови, деб ҳисоблаш мумкин».

Баёнот сўнггида хулоса сифатида бундай дейилди:

«Муниципал сайловлар Исломни ҳаётдан ажратган илмоний сиёсий бошқарув билан боғлиқдир. Сайлов эса вакил қилишнинг бир туридир. Бинобарин, сайловда қатнашиш масаласининг шаръий ҳукми сайлов талаблари моҳиятига боғлиқ. Агар сайлов ҳаром нарсани амалга ошириш бўлса – ҳозир бу ерда шундай бўляпти – у ҳолда, муниципал сайловда қатнашиш жоиз эмас. Чунки унда ҳаром ишларни қилишга вакил сайланмоқда.

Роя газетасининг 2022 йил 23 март чоршанба кунги 383-сонидан