Эй, биродар, қани айтингчи…
بِسْمِ اللهِ الرَّحْمنِ الرَّحِيمِ
Эй, биродар, қани айтингчи…
(Туркум мақолалар)
Эй, биродар, қани айтингчи, Аллоҳни қачон охирги марта эсга олдингиз? Ишингиз юришмай қолгандами, бошингизга мусибат тушгандами ёки бирор қувончли воқеа юз бергандами? Сизга бир гап айтайми? Ҳеч ўйлаб кўрганмисиз, Аллоҳ ҳам мен ҳақимда ҳеч ўйлайдимикан, деб? Шуни сизга аниқ айтишим мумкинки, Аллоҳ биз ҳақимизда биз ўйлагандан ҳам кўпроқ қайғуради, меҳрибонлик қилади, ёрдам беради, гарчи биз У Зотни фақат саноқли пайтлардагина эсга олсак ҳам. Бу билан Аллоҳ бизга муҳтож демоқчи эмасмиз, йўқ асло. У Буюк Зот ҳеч нарсага ва ҳеч кимга муҳтож эмас, аксинча, биз У Зотга муҳтожмиз.
Бу ерда эътибор бериш керак бўлган асосий нарса шуки, Аллоҳни эслаш деганда У Зотни фақат тилда зикр қилиш назарда тутилмаяпти. Инсон умрининг охиригача Аллоҳни фақат тилда зикр қилиб ўтказиши мумкин, лекин бу дегани ўша одам доимо Аллоҳни ёдида тутади дегани эмас. Аллоҳни зикр қилиш деганда, бир сўз билан айтганда, бу ҳаётда фақат ва фақат шариат аҳкомларига риоя қилган ҳолда яшаш назарда тутилади. Мана шу ҳақиқий маънода Аллоҳни зикр қилишдир. Чунки инсон амали модда бўлса, уни шу амални қилишда Аллоҳга боғланиши руҳдир. Агар инсон ҳар бир амалини шариат асосида қиладиган бўлса, модданинг руҳ билан қоришиши вужудга келади. Масалан, сизни ароқ ичиладиган зиёфатга таклиф қилишди, шу пайтда агар сиз боришни Аллоҳ бизга бундай зиёфатларда хозир бўлишликни харом қилган, деб рад этсангиз, ана ўша сизнинг Аллоҳга боғланганингиз бўлади. Сизнинг боришни рад этишингиз модда, Аллоҳ харом қилган дейишингиз эса руҳдир. Шу пайтда сизда модда билан руҳнинг қоришуви юз берди. Шу тариқа сиз Аллоҳни эсга олдингиз. Мана шундай амаллар кетма-кетлиги Аллоҳни зикр қилишдир.
Шулардан келиб чиқиб айтадиган бўлсак, Аллоҳни зикр қилишлик (амалларда шариатга боғланишлик) биз учун фарздир. Абу Ҳурайра ривоят қилган муттафақун алайҳ ҳадисда Пайғамбар солаллоҳу алайҳи васаллам шундай дейдилар:
«يَقُولُ اللَّهُ أَنَا عِنْدَ ظَنِّ عَبْدِي بِي وَأَنَا مَعَهُ إِذَا ذَكَرَنِي, فَإِنْ ذَكَرَنِي فِي نَفْسِهِ ذَكَرْتُهُ فِي نَفْسِي, وَإِنْ ذَكَرَنِي فِي مَلَإٍ ذَكَرْتُهُ فِي مَلَإٍ
خَيْرٍ مِنْهُمْ, وَإِنْ تَقَرَّبَ إِلَيَّ شِبْرًا تَقَرَّبْتُ إِلَيْهِ ذِرَاعًا, وَإِنْ تَقَرَّبَ إِلَيَّ ذِرَاعًا تَقَرَّبْتُ إِلَيْهِ بَاعًا, وَإِنْ أَتَانِي يَمْشِي أَتَيْتُهُ هَرْوَلَةً»
“Аллоҳ Таоло айтади: «Мен бандамнинг Мен ҳақимдаги ўйидаман, Мени эсга олганида у билан биргаман. Агар Мени ичида эсласа, Мен ҳам уни ичимда эслайман. Агар Мени бир жамоада эсласа, Мен уни ундан кўра яхшироқ жамоада эслайман. Агар Менга бир қарич яқинлашса, Мен унга бир қўли узунлигича яқинлашаман, агар Менга бир қўлича яқинлашса, Мен унга бир қулоч яқинлашаман. Агар Менга юриб келса, Мен унга югуриб бораман”.
Эй, биродар, қани айтингчи, бу дунёда Аллоҳдан ҳам меҳрибонроқ ким бор экан? Биргина ҳадис Аллоҳнинг бандаларига қанчалик эътиборда эканлигини кўрсатиб турибди. Биз ҳам шунга яраша жавоб қайтара олмасак, икки дунё саодатини топа олармиканмиз? Етарли жавоб қайтаришлик эса, ер юзида Исломни ҳаётда бор қилиб берадиган Исломий Давлатни тиклашликка ҳар бир мусулмоннинг ҳаракат қилиши билан бўлади.
Ҳизб ут-Таҳрирнинг Ўзбекистондаги медиа офиси Фаррух
20.03.2015й.
