بِسْـــمِ اللهِ الرَّحْمٰـــنِ الرَّحِيـــم

Мусо масжидидаги мусулмонларга ҳужум қилиб уларни ўлдирганидан ва қийноққа солганидан кейин: Кения Исломга қарши олам бўйлаб олиб борилаётган урушда ўзининг ожиз хўжайини Америка ўринбосари бўлиб Исломга қарши урушини давом эттирмоқда

2014 йил 2 феврал якшанба куни Кения полицияси кучлари Момбасадаги Маженго минтақасидаги «Мусо» масжидига ҳужум қилди. Бу ҳужум ёлғон баҳона билан амалга оширилди. Чунки полициянинг даъво қилишича, бир гуруҳ мусулмон ёшлар бу масжидда тўпланиб, Сомалидаги урушга кирган «Ёшлар ҳаракати» сафларига қўшилиш учун ёлланиб, машқлардан ўтишаётган эмиш.

Ҳужум чоғида полиция кучлари масжидга бостириб кириб, масжидлар муқаддаслигини эҳтиром қилишни тақозо қиладиган барча инсоний меъёрларни поймол қилибгина қолмасдан балки зўр бериб бу масжидни булғашга киришди. Чунки полиция ходимлари масжидга оёқ кийимлари билан киришиб унинг ичида адоват билан гердайиб изғий бошлашди, намозхонларга тажовуз қилишди, баъзиларини ўлдиришди. Полициянинг бу қилмиши албатта ўта ёмон интизомсизликка ва ўта ёмон муомалага далолат қилиб турибди. Мусулмонлар уларнинг бу қилмишидан ҳайрон бўлишмайди. Чунки мусулмонлар полициянинг ёмон муомаласидан ва расво қийматларидан яхши хабардор. Айниқса иш мусулмонларга тааллуқли бўлганида полиция шундай муомала қилади. Кения полицияси ўзининг ёмон муомаласи, тубан қийматлари, коррупцияга ботганлиги, ғаламислик ишлари сабабли оламдаги энг ёмон полициялар қаторига киритилганини ким билмайди, дейсиз?! Бу аниқ фактларни Кения полициясининг иш юритиши ҳақида бир неча тадқиқотларни тайёрлаган бир неча йирик ташкилотлар тасдиқлаган. Бу фактлар шу полициянинг Найробидаги Westgate савдо марказида ўтказган амалиёти орқали амалда ҳам, сўзда ҳам ўз исботини топди.

Кения бу жинояткорона амалиётларни ўзининг мустамлакачи кофир хўжайинлари: Америка ва Британия кўрсатмалари бўйича амалга оширяпти. Бу икки мустамлакачи Кения полициясини «терроризмга қарши кураш», давлатнинг ички ва ташқи хавфсизлигини таъминлаш, деган баҳона билан машқдан ўтказиш учун мамлакатда армия ҳарбий лагерларини пайдо қилди. Биз инсон ҳуқуқларини муҳофаза қилишда ўзларининг пешқадам эканликларини даъво қилаётган Америка ва Британия бу сохта ҳуқуқларни биринчи бўлиб поймол қилаётганини яхши биламиз. Дарҳақиқат бу икки мустамлакачининг босқинчилиги зулми остида қолган барча мамлакатлар ва халқлар даҳшатли ваҳшиёна қирғинлардан, зўрлашлардан, репрессия ва қийноқлардан азоб чекди. Бу мустамлакачилар мусулмонлар ҳақида аҳдга ҳам, бурчга ҳам вафо қилишмади. Шунинг учун Абу Ғурайб, Баграм ва Гуантанамо қамоқлари ҳамон мавжуд бўлиб турибди, уларда мусулмонлар турли хорлаш ва қийноқларга солинмоқда.

Эй мусулмонлар!

Америка бошчилик қилаётган бу уруш фақат Кениядаги «Мусо» масжидига ёки масжидларга қарши қилинаётган уруш бўлиб қолмай, балки у Исломга ва барча жойлардаги мусулмонларга қарши олиб борилаётган уруш ҳамдир. Чунки буюк куч ҳисобланаётган Америка оламга гўё у ўзининг шахсий мулкидек қарамоқда. Шунинг учун оламни ўзининг мустамлакасига айлантириш ва ундаги халқлар бойликларига хўжайин бўлиб олиш мақсадида олам бўйлаб капитализм ва демократияни ёймоқда. Америка ким ўзи билан бирга бўлмаса (яъни Америкага қул бўлмаса) унинг Америкага душман эканлигини эълон қилди. Америка бу билан ўзининг ваҳшиёна мустамлакачилигини хаспўшлаб оқламоқчи бўляпти.

Биз мусулмонларнинг динимиз Ислом ақида ва ҳаётнинг барча соҳаларини қамраб олувчи мукаммал низом бўлгани учун у ўз табиати билан капитализмга бутунлай зиддир. Шунинг учун биз Американинг олам устидан ҳукмронлигига чек қўя оладиган, унинг зўравонлигига қарши тура оладиган ягона, ҳақиқий кучмиз. Америка бошчи бўлган кофир Ғарб буни яхши билади. Шунинг учун Американинг телбалиги тутиб ва қутуриб ана шу урушларнинг барчасини уюштирмоқда, Исломнинг яна ҳаёт майдонига қайтишига йўл қўймаслик учун барча инсоний қийматларни оёқ ости қилмоқда. Унинг бу тўғридаги аҳволи Фиръавннинг аҳволига тамоман ўхшайди. Чунки Фиръавн ҳам ўзининг ҳукмронлиги Бану Исроилдан чиқадиган пайғамбар Мусо (а.с) қўлида ниҳоясига етишини билгач телбалиги тутиб, ана шу пайғамбарнинг туғилишига йўл қўймаслик учун Бану Исроилдаги барча гўдакларни ўлдиришни буюрган эди. Унинг бу қабиҳ нияти ва кўрган барча чоралари барбод бўлган эди!

Америка ва унинг иттифоқчилари ўзларини ўзлари алдашяпти. Чунки Аллоҳ Субҳанаҳу ва Таоло Ўзининг мўмин бандаларига нусрат беришни хоҳласа Аллоҳ Субҳанаҳу шунча зулм, қирғин ва вайрон қилишларга қарамай бу динга ва бу Умматга ёрдам бериш учун сабаблар ва муҳитни тайёрлаб муҳайё қилиб қўяди. Ҳозирги аср фиръавни Америка ўзининг капитализми ва демократияси заволга юз тутганини ва Исломий Халифалик яна тикланиб Ислом дунёга яна ҳукмрон бўлишини тушуниб турибди. Шунинг учун ҳам Америка қутуриб барча воситаларни ишга солмоқда, Исломни хунук кўрсатиш, мусулмонларга «террорчи» ва «фундаменталист» деган тамғаларни ёпиштириш каби фитна тўрларини тўқимоқда, Исломий халқларни қирғин қилмоқда, қийноқларга солмоқда, зўрламоқда ва бошқаларни ҳам шунга ундамоқда. Буларнинг барчасидан мақсад Исломнинг яна ҳаёт майдонига қайтишига йўл қўймаслик ва мусулмонлар қалбига қўрқув солишдир ҳамда «бўлиб ташла, ҳукмрон бўласан» қоидасига амал қилишдир. Шунинг учун Америка мусулмонларни бир-бири билан уруштириб қўйиб, уларни ички курашлар билан овора қилиб қўйишга уринмоқда, шу мақсадда исломий юртларни бўлиб ташлашга зўр бериб уринмоқда. Американинг бундан мақсади исломий юртлар ўзларининг ҳақиқий душманларига ва бу душманнинг кофир ақидасига қарши бирлашишига йўл қўймасликдир.

Бу уруш Исломга қарши уруш эканлиги мусулмонларнинг қирғин қилинаётганида аниқ кўриняпти. Мусулмонлар фақат «Роббимиз Аллоҳ» деганлари учунгина қирғин қилинмоқда. Америка бутун олам бўйлаб мусулмонларга қарши олиб борилаётган урушда амалий тарзда иштирок этяпти ёки Бирмада бўлганидек мусулмонларни қирғин қилишга бошқаларни ундаб, гижгижлаяпти. Америка ўзининг малайларини ҳам гоҳида тарғиб ва гоҳида қўрқитиш билан мусулмонларга қарши уруш қилишга гижгижлаяпти. Масалан Ироқ, Афғонистон, Сомалида Америка уюштирган урушлар, Яман ва Покистонда учувчисиз самолётларнинг ҳужумлари, Сурияда Америка малайлари Эрон ва унинг Ливандаги ҳизби Америкадан ўринбосар бўлиб олиб бораётган уруш, буларнинг барчаси Америка Исломга қарши кирган ваҳшиёна урушларга мисолдир. Америка бу урушларда ўзининг барча ҳарбий, разведка, фикрий ва сиёсий воситаларини ва бошқа нарсаларни ишга солмоқда. Бу ҳолат Африка қитъасида ҳам – Кения, Танзания ва Угандада бўлсин ёки бошқа ҳар қандай мамлакатда бўлсин – асло фарқ қилмайди.

Буларнинг барчаси минтақамизда ва оламда юз бераётган бир вақтда исломий оламдаги мавжуд ҳукуматлар ўзларининг мустамлакачи хўжайинларидан мустақил бўлишганини даъво қилишмоқда. Лекин асл воқелик тамоман бошқадир. Чунки бу давлатчалар ҳамон мустамлакачи капиталистик давлатлар ҳукмронлигига бўйсуниб келмоқда, бу давлатчалар ҳокимлари ҳамон мустамлакачининг манфаатларини қўриқловчи «қоровул»лар бўлиб келишяпти. Бизнинг барча масалаларимизда ҳамон мустамлакачи давлатлар хоҳлаган ишини тутиб келмоқда. Шунинг учун бу давлатчаларга хориждан ўз халқларини қирғин қилиш тўғрисида буйруқлар келса бу давлатчалар ана шу мустамлакачилар билан тўлиқ тил бириктириб бу буйруқларни бажармоқда. Кенияда ҳам худди шундай бўлди. Чунки Кенияда Самир Хон, Абуд Рого каби фаол мусулмонлар ўлдирилди, Танзаниянинг Танга муҳофазасида ҳам кўплаб мусулмонлар ўлдирилди. Шарқий Африкадаги ва бошқа барча минтақалардаги воқелик ва асл аҳвол мана шу.

Эй мусулмонлар!

Шуни яхши билингларки, сизлар бир буюк ақида эгасисиз. Чунки у инсон ақлини қаноатлантиради ва унинг фитратига мувофиқ келади. Чунки у Аллоҳ Субҳанаҳу ва Таоло томонидан юборилган. Шунинг учун бу ақида инсоннинг барча муаммоларини муолажа қилишга қодир. Шуни ҳам яхши билингларки, мустамлакачи капиталистик Ғарб исломий ҳаётнинг янгидан бошланишига йўл қўймаслик учун бор кучи билан ҳаракат қилмоқда. Шунинг учун ўзгариш ясаш борасида тўғри йўлни тутишда сабот зарурдир. Бу эса Набий (c.a.в)нинг Маккадаги ҳаракатдан бошлаб то Мадинада илк Исломий давлатни тиклашгача бўлган тариқатини маҳкам тутиш билан бўлади. «Мусо» масжидида мусулмон ёшларнинг Аллоҳга ибодат қилиш ва Исломни ўрганиш учун тўпланганлари ёшларнинг Исломни кўтариб чиқишга зўр бериб интилаётганларини кўрсатиб турган яхши даракдир. У Аллоҳ нусрати яқин эканини ҳам кўрсатиб турибди. Шундай бўлса-да, Исломни кўтариб чиқишга жиддий ҳаракат қилиш зарур, бу таҳдидларнинг бизни динимиздан узоқлаштиришига йўл қўймаслигимиз керак.

Биз Ҳизб ут-Таҳрир-Шарқий Африка аъзолари Кениядаги ва барча жойдаги мусулмон биродарларни Халифаликни тиклаб Исломий ҳаётни қайта бошлашга бўлган чин, холис даъват билан даъват қиламиз. Халифалик мусулмонларнинг барча муаммоларини муолажа қилишга ҳаракат қилади ва у ҳақиқий ўзгаришни юзага чиқаришга қодирдир. Биз сизларни саботга, Исломнинг барча ҳукмларини онгли равишда ўрганишга ва малай ҳокимларнинг фитнага тил бириктиришаётганини онгли равишда тушуниб етишга, уларнинг ўз динларини уларнинг дунёси эвазига сотиб юборган уламоларининг бизни адаштириб, бизни мустамлакачи кофир хизматига солишларига ёки мустамлакачининг шафқатсиз мафкураси хизматига солишларига йўл қўймасликка ҳам чақирамиз!

Сўзимиз якунида «Мусо» масжидида ўлдирилган кишиларнинг оилаларига таъзиямизни билдирамиз ва Аллоҳдан уларни мағфират қилишини, уларни солиҳлар жумласида қабул қилишини, жойларини Наъим жаннатларидан қилишини сўраб қоламиз. Аллоҳдан яраланганларга тезроқ шифо беришини, қамалганларнинг тезроқ озод бўлишини, уларнинг аҳл-оилаларига сабр ва сабот беришини ҳам сўраб қоламиз. Аллоҳ Субҳанаҳудан ҳаммамизга Набий (c.a.в) тариқатига мувофиқ ихлос ва сабот билан ҳаракат қилишимизга ёрдам беришини, ҳаракатларимиз Халифалик тикланиши билан якунланишини ва Исломни тенгсиз рисолат сифатида оламга кўтариб чиқишга ҳаракат қилишимизни ҳам сўраб қоламиз, Аллоҳумма омин.

*يُرِيدُونَ أَن يُطْفِئُوا نُورَ اللَّـهِ بِأَفْوَاهِهِمْ وَيَأْبَى اللَّـهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ

هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ

«Улар Аллоҳнинг нурини (яъни, Исломни) оғизлари (яъни, беҳуда гаплари) билан ўчирмоқчи бўладилар. Аллоҳ эса, гарчи (кофирлар) хоҳламаслар-да, фақат Ўз нурини тўла (яъни, ҳар тарафга) ёйишни истайди. У (Аллоҳ) Ўз пайғамбарини ҳидоят ва ҳақ дин билан — гарчи мушриклар хоҳламасалар-да — барча динларга ғолиб қилиш учун юборган зотдир»     [Тавба 32-33]

Ҳизб ут-Таҳрир                                                                14 робиус-соний 1435ҳ

Шарқий Африка                                                             14 феврал 2014м

0

0

Related posts:

Эй Суриядаги мусулмонлар! Етар, бас! Аждарнинг боши Американи Покистондан йўқ қилинг Терроризм Уммат қўзғолонига душман, омадсиз ҳукмдорларга ниқобдир, бас, уни ҳақиқий исломий лойиҳа сари ҳаракат қилиш билан тўхтатиб қолинг, бу лойиҳада ҳаром қон тўкиш ва энг асосий масалалардан чалғиш жиноят ҳисобланади Коррупция капиталистик империализм тангасининг бир томонидир