بِسْمِ اللهِ الرَّحْمنِ الرَّحِيمِ

Афғонистоннинг янги президенти америкапарастликда аввалгисидан фарқ қилмайди

Жорий йил 22 сентябр душанба куни президентликка икки номзод доктор Ғани Аҳмадзай билан доктор Абдуллоҳ Абдуллоҳ сайловнинг иккинчи даврасида миллий бирлик, дея аталган ҳукумат тузишларини эълон қилишди. Бу – Америка ташқи ишлар вазири Жон Керрининг кўрсатмасига биноан сиёсий ечимга эришганларидан сўнг бўлди. Ўтган ойлар давомида Қўшма Штатларнинг ҳар икки тарафга ҳам босим ўтказганидан ҳамда масалага бевосита аралашиши ортидан Афғонистон сайловлари бўҳрони якунланганидан кейингина миллий бирлик ҳукуматига эришилди. Шубҳасиз, унинг бундай аралашувининг ўзи Афғонистон демократияси, дея номланган нарсани бутунлай шармандасини чиқарди.

Биз сайлов комиссияси каби демократик муассасаларнинг асл башарасини фош этган алдовларга ва ҳокимиятни бўлишиш музокараларига назар ташлайдиган бўлсак, президентлик сайловлари бутун дунёдаги низо содир бўладиган энг узоқ сайлов жараёнига айланиб қолганини, олам бўйича шундай бўлиб қолганини гувоҳи бўламиз. Ҳокимиятни бўлишиш жараёнида доктор Ашраф Ғани Аҳмадзай юрт президентлиги лавозимини, доктор Абдуллоҳ Абдуллоҳ эса ҳукумат ижроий раисилиги лавозимини эгаллади. Бундан ташқари, иккала томон ўртасида вазирликларни бўлишиш жараёни ҳам бўлиб ўтди ва ниҳоят, 29 сентябрда доктор Ашраф Ғани Аҳмадзай сайланган президент бўлиб, ҳокимиятни Карзайдан қабул қилиб олди.

Дарҳақиқат, доктор Ашраф Ғани Аҳмадзай Афғонистонга Ғарб демократияси тиқиштирилгандан кейин келди. У келганидан бошлаб ҳокимиятни қўлга киритишга уринди ва муҳим мансабларда ишлаб, Ғарб ва ҳокимият билан қандай муомала қилиш йўлларини ўрганди. Шу боис президентлик вазифасини биринчи кунидаёқ худди Карзай каби, америкапарастлигини исботлади. Энди у ҳам мусулмонларга, Афғонистонга хоинлик ва золимлик қилишда давом этади. Мана у президентлик мансабини эгаллашининг эртасигаёқ эндигина тайинланган миллий хавфсизлик масаласи бўйича маслаҳатчисига 30 сентябр куни иккитомонлама (BSA) хавфсизлик битимларини имзолашни буюрди.

Эй Афғонистондаги мусулмонлар!

Шуни билингки, бундай иккитомонлама хавфсизлик битимини имзолаш асло сизнинг фойдангизга хизмат қилмайди. Шунга қарамай, Қўшма Штатлар хавфсизлик битимидан мақсад, афғон хавфсизлик кучларига ёрдам бериб, уларни машқдан ўтказиш, ижроий амалиётларга етакчилик қилиш, америкаликларнинг дипломатик хавфсизликларини муҳофаза қилиш эканини билдирди. Бироқ бундай иккитомонлама хавфсизлик битимидан асосий мақсад, икки йил муддатгача Афғонистондаги ҳарбий базаларида қолажак америкалик минглаб аскарларнинг қонунийлик ва дахлсизликларини таъминлашдан ўзга нарса эмас.

Капиталистик тузум – хусусан, исломий юртларда – холис ва жиддий раҳбарларни етиштириб бермаслиги аниқ. Аксинча, ҳокимиятпараст, дунёпараст, бир вақтнинг ўзида, хоин ва коррупциячи ҳукмдорларни етиштириб беради. Бу ҳукмдорлар ўз халқлари ҳолидан ташвишланишмайди, балки уларни ўзлари, оилалари, яқинларининг манфаати ташвишлантиради ва шунинг ортидан елиб югуришади, ўз шахсий манфаатлари йўлида халқини, динини сотишга тайёр туришади. Аллоҳ Таоло бундай деди:

يُرِيدُونَ أَن يَتَحَاكَمُواْ إِلَى الطَّاغُوتِ وَقَدْ أُمِرُواْ أَن يَكْفُرُواْ بِهِ وَيُرِيدُ الشَّيْطَانُ أَن يُضِلَّهُمْ ضَلاَلاًبَعِيداً

«… Ва улар тоғутга ҳукм сўраб боришмоқчи, ваҳоланки, уларга унга ишонмаслик буюрилган эди, ҳолбуки шайтон (тоғут) уларни бутунлай йўлдан оздиришни истайди» [Нисо 60]

Ҳизб ут-Таҳрир                                                                       9 зул-ҳижжа 1435ҳ

Афғонистон                                                                             3 октябр 2014м