Фарзандларимиз биздан кўра билимли, кучли, доно ва албатта, бахтли бўлишларининг кафолати Исломий хаётдадир
بِسْمِ اللهِ الرَّحْمنِ الرَّحِيمِ
Фарзандларимиз биздан кўра билимли, кучли, доно ва албатта, бахтли бўлишларининг кафолати Исломий хаётдадир
Кутиш керак бўлганча кутдик. Хоҳлаганларини қилдилар, етарлича сукут қилиб бўлдик. Кўплаб ваъдалар бердилар, натижасини амалга оширар дея жим туриб имконият бердик. Бизникини ўзиникидек сарф қилди қаршилик қилмадик. Бошимизни эгдик истаганларича бошқардилар, бирор билгани бордир дея ўйладик. Йиғлаш керак бўлганда ҳам, кулиш керак бўлганда ҳам ўзимиз хоҳлагандек эмас, улар истагандек оғзимизни юмиб йиғладик ва кулдик. Фарзандларимизни қамадилар, қизларимизни рўмолларини юлиб олдилар, қаршилик қилмадик. Қийин давр эканда, ўтиб кетар дея етарлича иш билан таъминлай олмаса ҳам ўзимиз бошқа юртларга бориб ишлайвердик (ваъдаларини бажара олмаган устимиздагилар нафратланишларини айтиб дангасалар дейишса ҳам). Йилдан йилга, кундан кунга зулмлари кўпайиб, хор бўлиб бордик. БИЗ бу ҳолатимизни ўзгартириш учун ҳаракат қилдик қаршилик қилишди, ҳаракат қилдик янада золим бўлишди, ҳаракат қилдик қамашди, ҳаракат қилдик вахшийларча ўлдиришди,…, ҳаракат қилдик ва яна ҳаракат қилаверамиз, ин ша Аллоҳ.
Хар қандай тузум билан бошқарилаётган давлатнинг таълим йўналиши ўз тузуми келиб чиққан ақида асосидаги шахсиятларни шакллантиришдан иборатдир. Шахсиятни ақлият ва нафсиятдан шаклланишини хисобга олиб улар тўғрисида қисқача ёритиб ўтсак. Ақлият хар бир инсондаги маълум бир асос орқали хаётдаги нарса ва ходисаларга ўз фикрини, бахосини беришдан иборатдир. Мисол учун амалларга нисбатан харом ёки халоллигини эътироф этиш. Нафсият ҳам маълум асос орқали амалга оширилади, яъни шу асос орқали келиб чиққан фикрлар, ечимларни ўз муаммоларига ечим деб билиб хаётига татбиқ қилиб яшашдир. Мисол учун Исломда харомдан қайтиш, халол амални қилиш, капитализмда фойдали амални бажариш, зарардан қайтиш шу каби. Агар иккаласи ҳам, яъни ақлия ва нафсия ҳам бир асос бўйича бўлса шунда маълум бир ақида асосидаги мумтоз шахсият шаклланган хисобланади.
Юқоридаги фикрларимиздан келиб чиқиб Ўзбекистондаги ҳукуматнинг таълим бўйича нима ишларни амалга оширганига қизиқсак. Фарзандларимиз билимли бўлишлари учун билим берадиган масканлардаги қилинаётган ишларни кўрган бўлсангиз у ерларда на билим берадиганлар билим бериш истагида эмас, на билим оладиганлар билим олиш истагида эмаслигини кўрасиз. Яъни улар ўз масъулиятидаги вазифаларини унутиб қўйишган, чунки ҳукумат уларни шунга мажбур қилган. Назаримизда у ерлар “гипноз” қиладиган масканларга айлангандек, йўқса билим берадиган билим олиши керак бўлганни гўнг олиб келишга буюришини ва билим олувчи ҳам олиб келишини ким ёки кимлар хоҳлаяпти? Бу каби холатлар хар нарсага кўз юмиб фақат ҳукумат томонидан буюрилганини кўр кўрона бўлса ҳам бажараман деган тушунчаларни шакллантирмайдими? Шунинг учун айтябмиз, инсонларнинг нафақат жамиятдаги содир бўлаётган жирканч жиноятларни, балки ўзлари қилаётган ишларни ҳам сезмайдиган бўлиб қолишлари “гипноз” марказларининг холис хизматлари натижаси эмасми?
Билим берадиганларга нисбатан хурмат, эътибор шунчаларки уларни арзон ишчи сифатида хоҳлаганларидек ишлатадиган бўлиб қолишган (шахар қурилишларида ишлатиш, кўчат эктириш, кўча супуртириш…). Хатто ўзидан билим оладиганларнинг қўлларига қараб нималардир умидвор бўлишгача олиб келинди. Билим оладиган эса далама дала юришни ва яна бошқа хўжалик ишлари билан шуғулланишни ўзларининг бирламчи вазифалари сифатида кўриб қолган. Қўйиладиган хар бир бахонинг ўз нархи борлиги улар учун ҳам одатий холга айланиб бўлган.
Бундай вазиятда билим борасида кучли, доно бўлишни тасаввур қилиш қийин. Жисмонан кучли бўлган фарзандларимиз эса бир қисмлари бекорчиликда юрган бўлса, бошқалари бу кучларини ўзга юртларда жисмоний меҳнатга сарфлашмоқдалар. Яна бошқалари эса бугунги бошқарувчиларнинг манфаатларидан келиб чиқиб ўз жисмоний кучларидан жамиятимиздаги инсонларни қўрқитиш учун фойдаланишмоқда.
Бахтли бўлиш учун аввало бахт нима эканлигини англаб етиш керак. Ва энг муҳими бахтни нима деб тушунишса ҳам агар шу жамиятдаги инсонларни бахтли бўлишини хоҳлашса бунинг учун уларни қўрқитиб эришилмаслиги менимча ҳаммага аён. Яъни бугунги кундаги бошқарувчилар билан жамият ўртасидаги алоқалар қўрқитув асосига қурилди. Демак, жамиятнинг бахтини улар ана шу қўрқитиб бошқаришда деб билишади.
Ўз аҳволимизга бахо берар эканмиз бу ҳукумат томонидан шу кунгача бизларни бошқариб келинган тузум ва бошқа хар қандай усул воситалар хато эканлиги, хатто зулмга асосланганлигини кўрамиз. Бугунги жамият бошқарувидан келажак фаровонлиги борасида умид қилиш мумкин эмаслигини англаймиз. Бизнинг бугунги вазифамиз эса ана шу бошқарувни, тузумни ўзгартириш учун ҳаракат қилишдан иборат бўлиб қолди холос. Ўзгартириш Ислом ақидасига асосланиши ва Ислом тузумига йўналтирилиши юксалиш, тараққий этиш, ҳамда қалблар хотиржамлиги учун энг тўғри чора бўлиб, бу йўлда ҳаракат қилиш адолат излаганларнинг бурчи эканлиги айни хақиқатдир.
Бугунги холатимиздан бизларни азизликка олиб чиқадиган ва ўзимиз истаганимиздек фаровон хаётни бера оладиган, ҳамда бизларни бахтга эриштирадиган, муҳими икки дунё саодатини тақдим қиладиган энг тўғри йўл Исломдир.
Ҳизб ут-Таҳрирнинг Ўзбекистондаги медиа офиси Абдуллоҳ
24.04.2015й.
