Муниципал сайловлар инсонлар ҳаётида озгина бўлса ҳам ўзгариш пайдо қилмайди
بِسْمِ اللهِ الرَّحْمنِ الرَّحِيمِ
Муниципал сайловлар инсонлар ҳаётида озгина бўлса ҳам ўзгариш пайдо қилмайди
Ёлғиз Халифаликкина ўз волийлари ва омиллари билан биргаликда қишлоқларгина эмас, балки бутун шаҳарлар аҳолиси эҳтиёжларини ҳам қондиришга қодир
Шу ой охирида Дакка ва Читтагонг шаҳарларида муниципал сайловлар ўтказилиши белгиланган. Биз тўла ишонч билан айта оламизки, халқ истакларини рўёбга чиқаришда миллий сайловлар (яъни Авоми Ассоциацияси билан Бенгал Миллий партияси сайловлари) муваффақиятсизликка учраганидек бу сайловлар натижаси ҳам бундан ўзгача бўлмайди. Бундай демократик тузум остидаги сайловлар сиёсатчилар томонидан берилган қуруқ ваъдалардан бошқа нарса эмас. Аксинча, улар бу сайловлардан гўё одамларда бу сафар айрим ўзгаришлар юз беришига умид пайдо қилиб уларни алдашга бир восита сифатида фойдаланадилар. Миллий сайловларда ҳам катта ваъдалар берилган эди, сайловлар ўтгандан сўнг бу ваъдалар унутилди. Ойлар кетидан йиллар ўтди ҳамки, одамлар айни ўша эски муаммоларни бошдан кечирмоқда. Бу гапларни аниқ ишонч билан айтганимизнинг боиси шундаки, ўтган ўнлаб йиллар мобайнида буларнинг ҳаммасини такрор-такрор тажрибамиздан ўтказдик ва шунинг ўзи бу тузумни инкор этишимиз учун кифоя қилади. Бу демократик тузум шундай нарсага асосланганки, бу асосга кўра, ҳукмронлик фақат ўз шахсий коррупцион манфаатларидан бошқа нарсага қайғурмайдиган сиёсатчилар қўлида бўлади.
Улар ўзлари ва яқинларига даромад келтирувчи қонун-қоидаларни ишлаб чиқадилар. Уларнинг наздида сиёсат одамларга солиқлар солинадиган ва халқ бойликларини талаш орқали чўнтаклар тўлдириладиган бир тижоратдир. Бундай тузум ва унинг сиёсатчиларида ўз халқларига нисбатан бироз бўлса ҳам масъулият йўқ, улар – бир кун келиб, бу дунёда бирор кишига бу масъулиятдан ҳисоб беришимиз мумкин, деб ўйламайдилар. Бунинг устига, қиёмат куни Аллоҳ Таоло олдида ҳисоб беришдан қўрқмайдиганлар ҳам мана шу кимсалардир. Бинобарин, бу ҳукмрон тузумни ушлаб турган асоснинг ўзи Аллоҳ Таолонинг динини рад этади ва одамларни ҳам уни қабул қилмасликка мажбурлайди. Шубҳасиз, одамларнинг бунга ўхшаш тузумга бош уришлари муаммо ва машаққатларни озайтириш у ёқда турсин, баттар кўпайтиради, ҳатто ўзларини охират кунидаги муваффақиятсизликка дучор қилади.
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى
«Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни қиёмат кунида кўр ҳолда тирилтирурмиз» [Тоҳа 124]
Аллоҳ Таоло Муҳаммад CAB ни Ислом дини билан юборди. Ушбу динда одамларга Халифалик давлатида тадбиқ этиладиган ягона мумтоз тузум мавжуд. Дарҳақиқат, одамлар Росулуллоҳ CAB даврларида ҳам, хулафои рошидинлар даврида ҳам ва бирин-кетин келган халифалар даврида ҳам адолатли осуда ҳаёт кечирганлар. Бу ҳолат то мустамлакачи британияликлар Исломга қарши макр қилиб, 1924 йилда Туркиядаги Усмонийлар Халифалигини ағдаришгунга қадар давом этган. Аввалда Халифалик давлати мусулмон ва ғайримусулмонлар дохил ўз фуқароларини юрт ичкарисида тинч фаровон ҳаёт билан, халқаро майдонда юксак мавқе билан таъминлаган. Ушбу Халифалик давлатининг буюк мозийси қайтиб келиши билан унинг тепасидаги ҳукмдорлару сиёсатчилар онгли ва масъулиятларида ростгўй бўладилар, Қуръон ва Суннат билан ҳукм юритиш барча муаммоларимизга ва қаршимиздаги тўсиқларга нисбатан бирдан-бир ечим бўлажак, инша Аллоҳ.
Халифалик давлати ҳукмдори имом-халифадир, у инсонлар ишларини бошқарувчидир. Абдуллоҳ ибн Умардан қилинган ривоятда бундай дейилади: мен Росулуллоҳ САВ нинг бундай деганларини эшитгандим:
«الإِمَامُ رَاعٍ وَمَسْئُولٌ عَنْ رَعِيَّتِهِ»
«Имом-халифа бошқарувчидир ва ўз қўл остидагиларга жавобгардир».
Ушбу халифа одамларга зулм қилмайди, бойликларини бугунги Авоми Ассоциацияси билан Бенгал Миллий партияси ҳукмдорлари каби таламайди. Халифа мўминлар амири сифатида ўзига юкланган вазифани адо эта олиш учун ўзига давлат даражасидаги муовинлар ва маҳаллий даражадаги волию омиллар тайинлайди. Ҳизб ут-Таҳрир томонидан Қуръон ва Суннатдан далиллар асосида ишлаб чиқилиб нашр қилинган Халифалик давлати дастури лойиҳасининг 52 моддасида бундай дейилган: «Ислом давлати ҳукм юритаётган юрт ваҳдат (бирлик) ларга бўлинади ва ҳар бир ваҳдат вилоят деб номланади. Ўз навбатида ҳар бир вилоят ҳам ваҳдатларга бўлинади ва улар амола деб номланади. Вилоятни бошқарган шахс волий ёки амир, амолани бошқарган шахс омил ёки ҳоким деб номланади».
Мана шундай пухта идорий низомга эга Халифалик давлати одамлар ишларини бошқаришга ҳамда таълим, соғлиқни сақлаш, қишлоқ-хўжалиги, меҳнат, транспорт ва йўллар каби турли соҳалардаги манфаатларини рўёбга чиқаришга қодир. Идоравий низом масолиҳлар, округлар ва идоралардан иборат бўлади. Бу идора хизматчиларини волийлар ва омиллар бошқаради.
Бу волийлар ва омиллар халифанинг ўз манфаатларини ва ёрдамчилари манфаатларини ўйловчи яқин дўстларидан бўлмайди. Масалан, бугунги Авоми Ассоциацияси билан Бенгал Миллий партиясидан бўлган муниципал раҳбарлар қилишаётгани каби. Йўқ, халифанинг муовин ва омиллари Росулуллоҳ CAB бундай деганларидек, одамлар муаммоларини ҳал этадилар, ишларини бошқарадилар:
«مَنْ وَلاَّهُ اللهُ عَزَّ وَجَلَّ شَيْئًا مِنْ أَمْرِ الْمُسْلِمِينَ فَاحْتَجَبَ دُونَ حَاجَتِهِمْ وَخَلَّتِهِمْ وَفَقْرِهِمُ احْتَجَبَ اللهُ عَنْهُ دُونَ حَاجَتِهِ وَخَلَّتِهِ وَفَقْرِهِ»
«Аллоҳ Азза ва Жалла кимни мусулмонлар ишига волий қилсаю, у мусулмонлар эҳтиёжларига, камчиликларига ва камбағалликларига аҳамият қаратмаса, Аллоҳ ҳам унинг эҳтиёжларига, камчиликларига ва камбағаллигига эътибор қаратмайди» (Абу Довуд Абу Марям Аздийдан ишлаб чиққан).
Росулуллоҳ САВ яна бундай дедилар:
«إِيَّاكُمْ وَالإِقْرَادَ، قَالُوا: يَا رَسُولَ اللهِ، وَمَا الإِقْرَادُ؟ قَالَ: يَكُونُ أَحَدُكُمْ أَمِيرًا، أَوْ عَامِلا، فَتَأْتِيهِ الأَرْمَلَةُ، وَالْمِسْكِينُ، فَيُقَالُ لَهُ: انْتَظِرْ حَتَّى يُنْظَرَ فِي حَاجَتِكَ، فَيَكُونُوا مُقْرِدِينَ لا تُقْضَى لَهُمْ حَاجَةٌ، وَلا يُؤْمَرُوا فَيَنْصَرِفُوا، وَيَأْتِي الرَّجُلُ الْغَنِيُّ، وَالشَّرِيفُ فَيُقْعِدُهُ إِلَى جَنْبِهِ، ثُمَّ يَقُولُ: مَا حَاجَتُكَ؟ فَيَقُولُ: كَذَا وَكَذَا، فَيَقُولُ: اقْضُوا حَاجَتَهُ، وَعَجِّلُوا بِهَا»
«Иқрод бўлишдан сақланинг. Ё Росулуллоҳ, иқрод бўлиш нима, деб сўрашди. Пайғамбар А бундай деб жавоб бердилар: Бирортангиз амир ё омил бўлади, шунда унинг олдига бева аёл ва мискин келади. Уларга эҳтиёжинглар билан танишилгунча кутиб туринглар, дейилади. Шу тарзда улар эҳтиёжлари қондирилмасдан алданган кишиларга айланиб қоладилар, қондиришга буйруқ ҳам берилмай, қуруқ қайтиб кетадилар. Кейин амир олдига бой ва ҳурматли киши келади, аммо уни амир ўз ёнига ўтқазиб, нима эҳтиёжингиз бор, деб сўрайди, у фалон эҳтиёжим бор, дейди. Шунда амир – бу кишининг эҳтиёжини бажаринглар ва тезроқ бажаринглар, дейди» (Табароний «Шомийлар» муснадида Абу Ҳурайрадан ишлаб чиққан).
Халифалик давлатида волий ва омиллардан ҳисоб талаб қилишнинг очиқ шакли бор. Халифа уларнинг ишларини назорат қилиб туради ва бажарадиган ишларини доим белгилаб беради. Ҳар бир вилоятнинг одамлар сайлаган ўз вилоят мажлиси бўлиб, унинг аъзолари одамлар муаммолари ва масалаларини ҳал этиш билан шуғулланадилар. Шунингдек, Халифалик давлатида мазолим маҳкамаси ҳам бўлади ва унинг турли вилоятларда бўлимлари бўлиб, уларнинг вазифаси давлат томонидан – халифанинг ўзи, муовинлари, волийлари, омиллари ёки ҳар қандай мулозимлари томонидан – содир этилган ҳар қандай адолатсизлик устида тергов олиб боришдан иборат, бу борада даъвогарнинг бўлиши ёки бўлмаслигининг фарқи йўқ. Мазкур лойиҳанинг 90-моддасида бундай дейилган: «Мазолим маҳкамаси халифани вазифасидан четлатиш ҳуқуқига эга бўлганидек, давлатдаги ҳар қандай ҳоким ёки хизматчини ишдан олиш ҳуқуқига ҳам эга. Ушбу четлатиш зулмни йўқотишни тақозо қилсагина шундай қилинади».
Эй мусулмонлар!
Биз сизларга Халифалик давлати, унинг структураси ва ундаги инсонлар ишларини бошқариш тариқати тўғрисида қисқача баён қилиб ўтган эканмиз, бундан сизга Халифалик тузумига оид бир академик назария беришни ёки сизни қойил қолдиришни кўзлаганимиз йўқ. Шунингдек, уни ҳаммамиз бирга – Халифалик кунлардан бир кун қайта барпо бўлади, дея орзу қилиб, сўнг яна бугунги тузум остида жим яшайверишимиз учун келтирмадик. Балки, бундан кўзлаган мақсадимиз, сизга Халифалик давлатини эслатиш ва уни барпо этиш учун биз билан бирга Ҳизб ут-Таҳрир сафида ҳаракат қилишга сизни тарғиб этишдир. Зеро, фақат Халифалик давлатигина барчамизни бу дунёда тинч осуда ҳаёт кечиришимизга, охиратда эса ютуққа эришишимизга муваффақ қилади. Шу боис сизга қилаётган мурожаатимизни қабул қилинг, ҳар қандай ғайриилоҳий тузумни рад этинг, ҳаётий ишларингизни бошқаришига рози бўлманг, демократиядан ҳам, унинг сайловларидан ҳам умид қилманг. Бунинг ўрнига Авоми Ассоциацияси ва Бенгал Миллий партияси режимини ағдариб, Халифалик бошқарувини тикланг. Зеро Халифалик барча ҳаётий ишларингизни Ислом асосида бошқаради, намоз, рўза, ҳаж каби фақат шахсий ибодатларингизни эмас, балки ички ва ташқи барча бошқарув ишларингизни ҳам Ислом асосида бошқаради. Шундагина Аллоҳнинг амрларига итоат қилган бўламиз. Аллоҳ Таоло бундай деди:
إِنَّ الدِّينَ عِندَ اللّهِ الإِسْلاَمُ
«Албатта Аллоҳ наздида мақбул бўладиган дин фақат Ислом динидир» [Оли Имрон 19]
Ҳизб ут-Таҳрир 23 жумодус-соний 1436ҳ
Бангладеш вилояти 12 апрел 2015м
