بِسْمِ اللهِ الرَّحْمٰنِ الرَّحِيم

Ҳаққа чақириш ким учун ҳиёнат?

Каримов режими жамиятга ўз таъсирини ўтказиб келар экан социолизм давридан ишлатила бошланган “Ватан хоини”, “Халқ душмани” деган истелоҳлар бугунга келиб янада оммалашди. Эътиборли жиҳати шундаки бу жумлалалар айнан ҳукумат юритаётган сиёсатга қарши бўлганларга нисбатан ишлатилиши одат тусига кирган. Шу тўғрисида фикр юритиб кўрайлик. Аслида ҳиёнаткор ким? Ва жамиятда аслида қандай сиёсат юригизилиши керак? Ҳукуматнинг сиёсатига қарши бўлганлар ҳиёнаткорми ёки шу ҳукумат ва унга хизмат қилаётганларми? Келинг мана шу саволарга жавоб топишга ҳаракат қилиб кўрайлик.

Аллоҳ Таъоло бутун борлиқни яратган Зот. Бу дегани яшаб турган заминимиз ва бизга берилган барча неъматларнинг эгаси, бизнинг, яъни барча инсонларнинг ҳожаси Аллоҳ Субҳанаҳу ва Таъолодир. Демак, инсонлар Аллоҳ Таъолонинг буйруқ ва қайтариқларига риоя қилган ҳолда ҳаёт кечиришлари шарт. Бу фикрларни инкор қилган инсон мўмин хисобланмайди, яъни Аллоҳга итоатни инкор қилаётган бўлади. Бундан кўринадики Аллоҳнинг шариати билан яшаш кераклигини инкор қилаётган ва шу шариат билан яшашга чақираётганларни ҳиёнатда айблаётганлар Яратувчининг буйруқларига зид иш қилаётган хисобланишади. Булар оддий ҳақиқатлар. Буларни тушуниш учун Ислом ақидасига иймон келтириш тўғрисида тўғри тушунчаларга эга бўлиш керак, холос.

Биз Аллоҳга банда, қулмиз. Демак, Аллоҳ буюрган тарзда яшашимиз керак. Бундан кўринадики бизнинг бошқарилувимиздан тортиб шахсий амалларимизгача барчаси Аллоҳ бизлар учун берган Ислом шариати чегарасидан чиқмаган ҳолда бўлиши шарт. “Дин сиёсатга аралашмасин” деган фикрга асосланиб мусулмонлар бир бирларига “Сиёсатга аралашма” деб айтиши бу Ислом шариати чегарасидан чиқиш хисобланади. Чунки бу фикр Ислом ақидасига зид бўлган капиталистик ақидадан келиб чиққан. Ислом ақидаси эса, барча нарса Ислом шариатига мувофиқ бўлишини талаб қилади. Яъни сиёсат ҳам, бўйсуниш ҳам Ислом чегарасидан чиқмаган ҳолда Ислом шариатида қандай буюрилган бўлса шундай бўлиши шарт. Демак, Аллоҳ истаган сиёсат, яъни бошқарув бу Исломий бошқарувдир. Ислом билан бошқармаслик Аллоҳга итоат қилмаслик ва Пайғамбар соллоллоҳу алайҳи ва салламга эргашмаслик хисобланади.

Исломий бошқарувда бошқарувчи барча ишларни Ислом шариати бўйича бошқариши керак ва бошқарилувчи бу ишларни назорат қилади. Агар бошқарувчи Ислом чегарасидан чиқса бошқарилувчи бу бошқарувчини Ислом йўлида юришга чақиради. Кўриб турибмизки бошқарувчининг Исломга зид бошқарувини ёқлаб, уни тўғри йўлга чақирганларни айблаш Аллоҳнинг шариатига зид ишдир. Чунки Ислом билан бошқариш ҳар бир мусулмон бошқарувчилар учун шарт. Куфр билан бошқараётган ҳукумат, айнан Ислом билан бошқарилишни талаб қилаётган мусулмонларни ўзларига душман деб билиб жамиятдаги инсонларга уларни ҳар хил ёлғонлар билан ёмон отлиқ қилишга ҳаракат қилмоқда. Юқорида айтиб ўтганимиз “Ватан хоини”, “Халқ душмани” каби атамаларнинг оммалашиб кетиши негизида шу ҳукумат томонидан ўйлаб топилган ёлғонлардан иборат туҳматлар турибди. Бундай ёлғонлар 16-феврал воқеалари ва 2005 – йилдаги Андижон фожеасида ҳам ишлатилди. Бундан ташқари ҳукумат Ўзбекистон жамиятида таниқли бўлган диний уламоларга, Исломда қаттиқ қораланган, хатто айтишга тил бормайдиган, бачабозлик айбини қўйганлигини кўпчилик билса керак. Ва 2014 йил Норвегиядан Ўзбекистонга қайтган 6 мехнат мухожирини ҳукуматнинг куч ишлатар органлари бесақолбозликда айблаб туҳмат қилган эди. Насроний Авакянни ИШИДга алоқадорликда айблангани ва унинг шерикларига ҳам ишониб бўлмас даражадаги айбловлар билан туҳмат қилингани барчага маълум. Шуларни ўзи бу ҳукуматни ёлғончи эканлигига етарли далил бўла олади, яъни бунинг учун чуқур киришишни хожати йўқ деб ўйлаймиз.

Бу ёлғончи ҳукуматнинг ёлғонлари устида фикрламаган ёки ҳукуматнинг ёлғончи эканлигини билиб туриб, унинг бу ишларини тўғри дея бахолаб, унга хизмат қилаётганлар томонидан “Ватан хоинлари” ва “Халқ душмани” дейилаётганларнинг аксари ҳаққа чақирувчи, адолат учун курашувчи инсонлардир. Бу ҳукуматга кўр – кўрона ёки тушуниб туриб эргашганлар ҳукумат томонидан масжидларнинг ёпилиши, муслималарнинг рўмолларини ечишга бўлаётган ҳаракатлар ва мусулмон фарзандларнинг қамалиши, хатто азоблаб ўлдирилишини ҳам ёқлайдилар. Жамият Ислом шариатисиз куфрий қонунлар билан бошқарилаётганлиги уларни ҳеч ҳам ташвишга солмайди. Аксинча, ўзининг ботил қонунларига ҳам амал қилмаётган ҳукумат улар томонидан тўғри йўлда дея таърифланади. Улар адолат ва зулмни фарқига бормайдилар ёки бу йўлда фикрламайдилар ёҳуд фарқига борсаларда ҳақ йўлдан юз бурган инсонлардир. Шунинг учун ким томонидан “Ватан хоини”, “Халқ душмани” каби атамалар ишлатилаётганлиги, бу айбловлар кимларга қаратилаётганлигини ва нима учун улар айбланаётганликлари устида сизларни фикрлаб кўришга чақирамиз.

Эй мусулмонлар! Аллоҳ Таъоло бизларга Ўзининг пок Ислом динини ҳамда ақл идрок берди. Шу берилган ақлимиз орқали атрофимизда бўлаётган ишларни идрок қилайлик. Ислом ақидасини тўғри тушуниб, шу ақида асосида яшашга ва ҳидоят йўли бўлган асл Ислом йўлидан юришга ҳаракат қилайлик. Амаллари Аллоҳнинг шариатига зид эканлигини билиб туриб уларга эргашиб кетавермайлик, зеро Охиратда албатта сўралгувчи эканлигимизни унутиб қўймайлик. Ҳаққа чақиргувчилар бу дунёдаги моддий манфаатлар учун даъват йўлини танламадилар, аксинча улар Аллоҳнинг розилиги учун шу йўлни иҳтиёр этдилар. Уларга эргашсангиз ҳам, эргашмасангиз ҳам улар ўз бурчларини бажараётганликлари учун амалларига яраша ажраларини Охиратда олаверадилар, ин ша Аллоҳ. Лекин бу даъватчиларга қулоқ солмаганингиз ва эргашиш учун бу золим режим ва унинг тарафдорларини танлаганлигингиз учун Охиратда нима деб жавоб беришингиз тўғрисида ўйлаб кўринг.

Аллоҳ Таъоло айтади:

يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ ۖ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا

 “Эй иймон келтирганлар, Аллоҳга итоат қилинг ва пайғамбарга ҳамда ўзларингиздан бўлган (яъни мусулмон бўлиб Аллоҳнинг ҳукмларини татбиқ қилаётган) ҳокимларга бўйинсунинг! Бордию бирон муаммога дуч келсангиз,— агар ҳақиқатан Аллоҳга ва охират кунига ишонсангиз – у муаммони Аллоҳга ва пайғамбарига қайтаринг! Мана шу яхшироқ ва чиройлироқ ечимдир”. (Нисо. 59)

أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُوا بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ يُرِيدُونَ أَنْ يَتَحَاكَمُوا إِلَى الطَّاغُوتِ وَقَدْ أُمِرُوا أَنْ يَكْفُرُوا بِهِ وَيُرِيدُ الشَّيْطَانُ أَنْ يُضِلَّهُمْ ضَلَالًا بَعِيدًا

“(Эй Муҳаммад), ўзларини сизга нозил килинган нарсага (Қуръонга) ва сиздан илгари нозил қилинган нарсаларга иймон келтирган деб ҳисоблайдиган (айрим) кимсаларнинг шайтонга ҳукм сўраб боришни истаётганларини кўрмадингизми? Ҳолбуки, уларга унга ишонмаслик буюрилган эди. (Чунки) шайтон уларни бутунлай йўлдан оздиришни истайди”. (Нисо. 60)

Ҳизб ут-Таҳрирнинг Ўзбекистондаги медиа офиси Абдуллоҳ

21.07.2016й.