بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Мустамлакачи Ғарб диний эркинликни таъминлаш баҳонасида Покистон таълим дастуридаги Исломнинг ҳар қандай изини йўқ қилмоқчи!

Яқинда 2016 йил 22 ноябр куни Покистон ахборот воситалари АҚШнинг Халқаро Диний Эркинликлар Комиссияси (USCIRF) томонидан чиқарилган ҳисоботни тарқатди. «Покистондаги диний мутаассиблик таълими – давлат мактаблари адабиётларидаги диний нохолислик» сарлавҳали бу ҳисоботда «диний эркинлик», деган нарса ниқоб қилинган ва мактаб адабиётларидан «ягона тўғри дин», деган эътиборда Исломга ҳаддан зиёд диққатни жалб қилувчи материалларни олиб ташлаш тавсия этилган. Яна ҳисоботда мактаб адабиётларида кўзга яққол ташланувчи ва такрор-такрор келувчи йўналиш уруш ва уруш қаҳрамонларига, айниқса, Муҳаммад ибн Қосимнинг Синддаги исломий фатҳига ортиқча даражада эътибор жалб этиш йўналиши экани айтилади. Яна ҳисоботда таълим дастурида баъзи исломий эътиқод масалалари зикр қилинганига ҳам эътироз билдирилади. Мақолада мисол сифатида «Ислом дини, унинг маърифати ва ижтимоий низоми ғайримусулмонларникидан ўзгачадир», деган фикрни ишкаллик, дея танқид қилинган. Шу билан бирга, диний эркинликлар билан боғлиқ илмоний тамойиллар Покистон мактаблари адабиётларида ҳам акс этмоғи лозимлиги, «бир дин ҳисобига иккинчи динни мақтовчи дарсликлар мутлақо ўрганилмаслиги зарурлиги» таъкидланади. Бу дастурлар болаларда конструктив ватанпарварлик ҳиссини уйғотмоғи ва бошқа диний озчилик қаҳрамонлари ҳам айни китобларга киритилмоғи кераклиги тавсия қилинади.

Шубҳасиз, Покистондаги таълим дастури аслида илмоний асосга қурилган, Ислом ва Ислом тарихи эса қуруқ маълумот сифатида қўшилган, юрт мусулмонлари сақофати ва меъросига умуман аҳамияти йўқ бўлган бошқа материаллар билан бир хил материал сифатида киритилган. Шунинг учун бу таълимларнинг ўқувчиларда исломий фикр ва турмуш тарзини пайдо қилишдаги таъсири жуда кам. Чунки кўпчилик ўқувчилар дастурда ўтиладиган исломий ақидавий билимларни ўтмишда бўлиб ўтган ва ҳаётларига алоқаси йўқ нарса сифатида ўқийдилар. Бунга сабаб эса уларга берилаётган билимлар илмоний эканидир. Бундан ташқари, Покистондаги таълим тизими мустамлакачи Ғарб ҳукуматлари ва ташкилотларининг Исломни ўчиришга қаратилган режаларига доимий нишон бўлиб келади. Сўнгги йилларда уларнинг Исломга қарши урушлари сабабли айни режалари кўлами анча кенгайди. «USCIRF»нинг 2011 йилда нашр қилган ҳисоботига кўра, масалан, «Покистондаги таълим ва диний дискриминация» каби улар айтаётган «диний мутаассиблик мисоллари» (яъни Исломнинг асосий ақидавий масалалари) маҳаллий ҳокимият томонидан дарсликлардан амалда олиб ташланди.

Демак, мустамлакачи Ғарб ҳукуматлари Исломободдаги итоатгўй малай ҳукмдорлари билан тилбириктирган ҳолда, то Покистондаги таълим дастуридан Исломнинг изини ҳам ўчириб ташламагунларича ҳаргиз кўнгиллари тинчимайдиган кўринади. Уларнинг бундай илмоний салибчилик ҳамлаларидан мақсад, Покистондаги ёшлар ақлларини мустамлака қилишдан бошқа нарса эмас. Бу худди бошқа исломий юртлардаги мустамлакачилик ҳаракатлари билан бир хилдир. Бундан улар бутун минтақага ҳукмрон бўлиш, ғарбпараст ювиндихўр ҳукуматлар ва ташкилотларни сақлаб туришни кўзлашган. Фарзандларимизни ўз исломий ўзликлари ва улуғ мерослари билан фахрланишдан, Ислом башарият динлари ичида энг одил дин, деган ҳақиқатни билишдан маҳрум этишга ҳаракат қилишмоқда. Бир вақтнинг ўзида, фарзандларимизга бузуқ илмоний маърифатни зўрлаб сингдиришга ҳам уринишмоқда. Бу эса, эртага кўплаб ёшларимизни гиёҳванд моддалар, спиртли ичкиликларга ружу қўйиш ва ношаръий алоқалар қилиш билан ўзларини ҳалок этишларига олиб бориши мумкин. Ушбу жиноят Ғарб давлатлари ёшлари бошдан кечираётган жиноятнинг айнан ўзидир. Аслида, уларнинг таълим дастурида илмонийликни кучайтириб, ундан Исломни йўқ қилиш режалари сўнгги пайтларда Фаластин, Иордания, Жазоир, Марокаш ва Бангладеш каби бутун исломий олам бўйлаб кенг кўламда олиб борилмоқда. Бу албатта, мустамлакачи ҳукуматларнинг мусулмонлар юртларидаги исломий бошқарувга бўлган талабнинг – жумладан, мусулмон ёшлар ўртасида – ортиб бораётганидан қаттиқ ташвишланаётганларига бориб тақалади. Улар айни режаларини ёлғон, алдов ва фитна воситаларидан фойдаланган ҳолда амалга оширишмоқчи. Бунга исломий ақида ва исломий тарихни диний мутаассибликка боғлашаётганини мисол қилиш мумкин. Улар бир ҳақиқатни яширишмоқда. Гап шундаки, илмоний Ғарбу Шарқ давлатлари ўз жамиятларида диний мутаассиблик ҳамда диний ва ирқий озчиликка қарши нафратланиш каби жиноятларни бошдан кечиришмоқда ва буларнинг ҳаммасига уларнинг миллатчилик эътиқодлари сабаб бўлган. Бунинг акси ўлароқ, ғайримусулмонлар Халифалик давлати соясидаги исломий бошқарувда ҳимояланган, тўқ ва фаровон, диний бағрикенглик билан шу даражада роҳатланиб фойдаланганларки, тарихда ҳеч бир давлатда ундайини топмаганлар.

Биз Покистон ёшларини мусулмон йигит-қизларга қарши олиб борилаётган бундай либерал фикрий қирғинга қарши чиқишга ҳамда Пайғамбарлик минҳожи асосидаги рошид Халифалик давлатини барпо этиш фаолиятига дарҳол қўшилишга даъват қиламиз. Зеро, ушбу давлат шундай таълим дастурини амалга оширадики, бу дастур намунавий исломий шахсияларни етиштириб чиқаради ҳамда, таълим, илм-фан ва тараққиёт каби ҳамма соҳаларда устунликни намойиш қилади.

Ҳизб ут-Таҳрирнинг марказий матбуот

бўлими аёллар қисми 

Телефон-факс: 00961 1 30 75 94

Уяли телефон: 00961 71 72 40 43