بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Муҳаммад Заворийга қилинган суиқасд аччиқ ҳақиқат ва оқил инсонлар учун ибратдир

Яна яҳудийлар давлати жосуслик хизмати Тунис замини дахлсизлигини бузиб, гуноҳкор ва хиёнаткор қўллари билан муҳандис учувчи Муҳаммад Заворийга суиқасд қилди. Муҳандис биродар «Шаҳид Иззуддин Қассам отрядлари»нинг етакчиларидан бири эди. Исломий юртлар ҳукмдорлари мусулмонлар ва уларнинг армияларини ёрдамсиз ташлаб қўйган бир пайтда, Муҳаммад Заворий мусулмон қаҳрамонлардан бири сифатида, яъҳудийлар давлатига қарши курашаётган Фаластиндаги мужоҳидлар билан ҳамкорлик қиларди. Шу орқали жиноятчи яҳудийлар қалбига қутқу солган Абабил учоқлари дастурига раҳбарлик қиларди.

Ислом Уммати ўз сафидан мана шундай қаҳрамон ва олимларидан бирини йўқотгани учун қаттиқ қайғурмоқда, юраги тилка пора бўлмоқда. Бундай инсонлар барча билим ва меҳнатларини ўз динлари ва Умматлари манфаати йўлида сарфладилар, шу орқали Умматнинг муборак заминини яҳудийлар ифлослигидан поклашга ҳаракат қилдилар. Аллоҳ Азза ва Жаллага дуо қилиб, шаҳид оиласига сабри жамил беришини, биродаримизни тақволи зотлар учун ваъда қилган Адн жаннатидан маскан ато этишини сўраймиз.

Шу муносабат билан биз Ҳизб ут-Таҳрир-Тунис вилояти аъзолари қуйидагиларни баён қиламиз:

1 –Муҳандис Муҳаммад Заворий жонига қилинган суиқасд Ироқ, Сурия, Покистон, каби исломий юртлардаги уламо ва академикларимизга қилинаётган қатор суиқасдлардан биридир. Бу қотилликлар АҚШнинг хоинона номардларча сиёсатини кўрсатиб турибди. Бу давлат айни суиқасдларни ўзининг Марказий Разведка Бошқармаси ва яҳудийларнинг отнинг қашқасидек маълум «Моссад» жосуслик хизмати ёрдамида бажармоқда. Яҳудийлар нопок қўллари билан уламоларимиз, қаршилик ҳаракати ва бошқалар жонига биринчи марта қасд қилишлари эмас, шунингдек, «Моссад» ҳам ифлос оёқлари билан Тунис тупроғини биринчи бор булғаётгани йўқ. Бу ташкилот ҳозирда Фаластиндаги мусулмонларни ўлдиришдан ҳам, унга қарши урушга тайёргарлик кўраётган ҳар бир мусулмон жонига қасд қилишдан ҳам тўхтамади. Араб давлатларида, шу жумладан Тунисда ҳам, яширину ошкор изғиб юрган кўплаб яҳудий етакчилар мусулмонларга қарши курашиш ва ҳар қандай восита билан улар жонига қасд қилишга чақиришмоқда.

2 –Бош вазирнинг «ватандошларимизга адоват қилинишига асло йўл қўймаймиз», «миллий мустақиллигимиз қизил чизиқдир», каби баёнотлари ғирт шармандали бемаза гапдан бошқаси эмас. Ахир, яҳудий жосуслар Тунис заминини оёқлари билан топташмоқда, бу юрт қаҳрамонларидан бирига хиёнат қилишда баъзи тунислик фарзандларимиздан ҳам фойдаланишмоқда, бу фарзандларимиз орасида бу қилмишларини биладиганлари ҳам бор, билмайдиганлари ҳам бор! Ҳукумат бўлса, Моссадни айблаш у ёқда турсин, унинг номини тилга олишга ҳам ботинолмади. Масалан, ички ишлар вазири жиноят тафсилотлари ҳақида узундан-узун гап сотди-ю, бироқ суиқасдни уюштирганларни очиқламади, хорижнинг «бир еридан», деб қўйди, холос!!! Бироқ Тунис матбуоти яҳудийлар газеталарида муҳандис Муҳаммад Заворийга суиқасд қилинганига оид фахрланиб ёзилган сўзларни келтирди. Масалан, «Шуруқ Тунисия» газетасида жумладан бундай дейилади: «Гаарец газетаси ҳарбий эксперти Амос Харэль Заворийни Ҳамасга қарашли учувчисиз бошқариладиган учоқлар муҳандиси, деб сифатлади. Унинг айтишича, Заворий яқинда яҳудийлар давлатининг Ўрта Шарқдаги суиқасдларининг узун рўйхатидан жой олди. Аммо «Маарив» газетасининг хавфсизлик эксперти Йосси Мелман – Заворий жуда аниқ профессионал зарба билан ўлдирилган, яъни «Моссад» амалиётларидан, хусусан, Теҳрондаги ядровий лойиҳа олимлари ва Ливандаги Ҳизбуллоҳ етакчилари нишонга олинган амалиётлардан ҳамда Дубайдаги Маҳмуд Мабҳуҳга қилинган суиқасд амалиётидан фарқ қилади, деди». Ҳа, мана шу барча эътирофларни на Тунис бош вазири кўрди, на ташқи ишлар вазири (у Қоҳирада Араб давлатлари ташқи ишлари учрашувида ҳозир бўлганди), на ички ишлар вазири. Ҳаммаси – бу жиноят Тунис ташқарисида уюштирилган, деган бир хил гапни гапиришга тил бириктириб олишган. Атайин гапни айлантириб, айбловнинг яҳудийлар давлатига қаратилишидан четга буришди. Нима учун? Ожизлик қилишдими ёки ҳукуматнинг яҳудий дўстлари, яъни яҳудий раввин Рафаэл Коэнга ўхшаган, ҳукумат қучоқ очиб кутиб олаётган дўстлари туйғусига тегиб кетишидан чўчишдими?

3 –Уларнинг ва жарчи мухбирларининг аҳволи мана шу! Асл ҳақиқатни яшириш, мағлубиятни ғалаба, шармандаликни фахр қилиб тасвирлаш уларнинг одатидир! Яҳудийлар давлати мусулмонлар қонини тўкиб, уларга суиқасд қилмоқда, ички ишлар вазирлиги ахборот воситаларида жиноятнинг баъзи жиҳатларини фош қилгани билан мақтанмоқда. Хабарларда жиноятга боғлиқ вазиятларни фош қилишдаги маҳоратга эътибор қаратилиши ҳамда миллий мустақиллик ва унинг қизил чизиқлари ҳақида кўп гапирилиши ҳам кулгили ва ҳам ачинарлидир. (Афтидан, унинг қизил чиқизлари ҳам мусулмонлар қони билан чизилган кўринади).

4 –Шуниси деярли аниқки, айни жиноятни кўпроқ сиёсатга боғланмаяпти, ҳамма сиёсатчилар ва раҳбарлар бундай номардлик амалиётини қоралаб қўйиш билангина кифояланишяпти. Жинояткор босқинчи яҳудийларга қарши уруш ёки қаршилик масаласига келсак, бунинг мазмунини сохта раҳбарлар унутиб юборишди, бу уларнинг хаёлига қайтиб келмайди ҳам. Бизнинг жонларимизнинг улар учун заррача қадри йўқ… Хўш, қани мустақиллик?!

Эй Уқба ибн Нофе, Ториқ ибн Зиёд каби қаҳрамон мужоҳидлар юртидаги мусулмонлар!

Қўзғолондан сўнгги Тунис ҳукмдорлари мана шулар. Қўрқоқ, ожиз ва қарам. Ўз фарзандларини ҳимоя қилолмайдиган давлат қандай давлат бўлди?! Ўз эр кишилари энергиясидан воз кечаётган давлатни қандай давлат дейиш мумкин?! Шаҳид Муҳаммад Заворий учоқ ясовчи олим эмасмиди?! Бу олим босқинчи яҳудийлар ҳаловатини бузиб, дилларига қутқув солаётган ҳарбий дастурга раҳбарлик қилаётган эмасмиди?! Нега ҳукумат бунга панжа орасидан қаради?! Америка аскарларимиз ва зобитларимизни учувчисиз бошқариладиган учоқлар машқи борасида бизга ёрдам беради, дея нега ўзини унинг қучоғига отмоқда. (Божи Қоид Сибсий шундай иддио қилган). Муҳандис Муҳаммад Заворий аскарларимизни машқдан ўтказишга, ёвуз Америкага қарам бўлишдан беҳожат қилишга лойиқ эмасмиди?! Мудофаа масаласига лоқайд қараётган кўплаб кимсалар ўрнини босолмайдими?! Агар бизнинг давлатимиз бўлганда эди, муҳандис Заворий, у тузган ташкилот ва Заворийга ўхшаган кўплаб олимларимиз армиямиз учун бир асос бўлган бўларди, шу асос билан ҳарбий саноат яратилиб, мустамлакачи давлатлардан озод қилувчи пойдовер қурилиши мумкин эди. Зотан, мана шу давлатлар бизни «терроризм»га қарши кураш даъвоси билан «инсонпарварлик» ёрдамлари ушоқларига қарам қилиб қўймоқда!

Эй Уқба ибн Нофе, Ториқ ибн Зиёд каби қаҳрамон мужоҳидлар юртидаги мусулмонлар!

Биз ўз фарзандларига икром кўрсатадиган, уларни эътиборсиз қолдирмай, ҳимоя қиладиган, душманга топшириб қўймайдиган, уларга зиён етказилса, ачиниб, улар учун қасос оладиган мустаҳкам қудратли давлатга муҳтожмиз.

Муҳаммад Заворий биздан – инша Аллоҳ – шаҳид бўлиб кетди. Бироқ Аллоҳга ҳеч кимни гуноҳдан пок дея даъво қилмаймиз. У Зулму фасодга чидаб турмайдиган мард мужоҳид йигит эди, билимини Уммати ва дини учун сарфлаган эди. Аллоҳ бу биродаримизни чиройли мукофотлар билан биздан тақдирласин. Юртимизда Муҳаммад сингари то Умматнинг қайта куч-қудратга ва улуғликка тўлмагунича тинчимайдиган эр кишилари йўқ эмас.

Шаҳидлар қони бизни аянчли воқеимизни ўзгартиришимиз учун ҳамда эгнимиздан ожизлик чангларини қоқиб, Аллоҳ Таоло бизга буюрган вазифани адо этишимизга ундамоқда.

Бизнинг вазифа Тунис давлатини ўзгартирмоқдир. Аммо бу ўзгариш фақат ҳокимиятдаги башараларни ўзшартириб қўйишга чекланмаслиги, балки ўзгариш бутун режимгача етиб бориши шарт. Чунки ҳамма балолар боши шу режим бўлиб, у бузуқ асосга бино бўлган. Яъни қонунчиликни Аллоҳ Азза ва Жалла ўрнига инсонга бериб қўйган. Бу режим тепасига нопок сиёсий молга кўмиб ташланган нуфузли кимсалардан, мустамлакачи Ғарб давлатларига дўст бўлган кимсалардан бошқа ҳеч ким чиқолмаяпти. Улар хоинликка қўл уриб, юрт бойликларига нисбатан бепарво муносабатда бўлишяпти, душманнинг юртимизга ёриб киришига, жосуслик қилиб, жиноятлар содир этишига йўл қўйишмоқда, сўнг ожизмиз, кучимиз етмайди, деган даъволар билан унга бўйин эгишяпти. Шундай бир бошқарув режимига ва у ердаги сохта раҳбарларга бепарво қараш, уларга сукут қилиш, уларга шерик бўлиш, буларнинг барчаси фасод умрига умр қўшади, ожизлик кетидан ожизлик, хиёнат кетидан хиёнат келтиради, ваҳоланки, юртдаги барча мусибатларга, душманларни юрт ва фуқарога ҳукмрон бўлишига шу хоинлик сабабдир.

Ушбу вазифа эр кишилари ва қаҳрамонларни етиштириб чиқарган ушбу покиза юртдаги ҳар бир мусулмон зиммасида. Хусусан, қудрат аҳли зиммасида, чунки ўзгартиришга бошқаларга нисбатан шулар қодирдирлар. Биз уларни ўз халқлари ва динлари сафида бўлишга ва Аллоҳу Росули A қуйидаги чақириғини қабул қилиб, Исломни ва Пайғамбарлик минҳожи асосидаги рошид Халифаликни барпо этиш ишига нусрат-ёрдам беришга даъват қиламиз.

يَا أَيُّهَا الَّذِينَ آمَنُوا اسْتَجِيبُوا لِلَّـهِ وَلِلرَّسُولِ إِذَا دَعَاكُمْ لِمَا يُحْيِيكُمْ ۖ وَاعْلَمُوا أَنَّ اللَّـهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ

«Эй мўминлар, Аллоҳ ва Росули сизни абадий ҳаёт берадиган нарсага даъват қилган пайтда уни қабул қилинг. Билингки, Аллоҳ киши билан унинг қалби ўртасини эгаллаб турур ва албатта Унинг ҳузурига тўпланурсизлар»  [Анфол 24]

Ҳизб ут-Таҳрирнинг Тунисдаги матбуот бўлими аёллар қисми

Телефон: 71345949, 21430700

Факс: 71345950

Матбуот бўлими сайти: www.ht-tunisie.info