بِسْمِ اللهِ الرَّحْمٰنِ الرَّحِيم

Ва ниҳоят, қорлар эриб ҳокимлар ва гуруҳлардан иборат малайларнинг ҳалокатлар келтирувчи хиёнати шундоқ кўриниб қолди

Улар сизларни душманлар чангалига топширишди

Бас, ибрат олинглар! Сизлар ўзингизни Аллоҳ изни ила яна азизликка қайтарадиган битта онгли сиёсий раҳбарият ортида бирлашиб бу хоинлар ишини барбод қилинглар

2017 йил 1 январ эрталаб Хавфсизлик Кенгашининг «Сурияда Россия ва Туркия воситачилигида ўт очишни тўхтатиш келишуви қарорини бир овоздан ёқлаган резолюцияси чиқди. Резолюцияда минтақалардаги муҳтож аҳолига инсонпарварлик ёрдамларини тезроқ етказиб беришга чақирилди…». (Би-Би-Си Арабийя, 2017 йил 1 январ). «2336 рақамли резолюцияда, Хавфсизлик Кенгаши Россия-Турк келишувларини асос сифатида эмас, маълумот ўрнида қабул қилиши таъкидланди ва Суриядаги зўравонликка барҳам бериб, бу кризисни ҳал қилишнинг сиёсий йўналишига қайтишга оид Москва ва Анқара саъй-ҳаракатларини қўллаб-қувватлаши кўрсатиб ўтилди…». (Ал-Жазира, соат 23:24, «Маккаи Мукаррама» 2016 йил 31 декабр). Шундай қилиб демак Хавфсизлик Кенгаши резолюцияси Сурияда ўт очишни тўхтатиш ҳақидаги келишувни олқишлади. Бу келишувга эришиш устида Американинг Сурия кризиси бўйича вакиллари Россия, Туркия, Эрон ва Анқарадаги музокараларда иштирок этган гуруҳлар музокара олиб борган эди. Хавфсизлик Кенгашининг бу олқишлаши хиёнат ва ёрдамсиз ташлаб қўйиш битимининг натижаси бўлди. Бу хиёнат юкини Эрдўған режими ўз елкасига олди. Бу хиёнатни Эрдўған режими ўзига малай гуруҳларни Ҳалабдан чиқиб кетиб уни тоғут режим чангалига топширишга мажбур қилиш билан амалга оширди. Бу хиёнат Эрдўған Путин билан 2016 йил августда Петербургда имзолаган хорлик битими бўйича амалга ошди. Бу хорлик битими бугун уч қиррали янги фожиали келишувга (ўт очишни тўхтатиш, келишув бузилишларини назорат қилиш, 2017 йил 23 январда Остонада Женева-1 баёноти асосида музокаралар ўтказилишига) олиб келди… Бу хиёнат то мана шу келишувга етиб келгунча ўз йўлида уч босқични босиб ўтди. Биринчи босқичда Америка ролни Эрон, унинг Ҳизби ва тўдаларига топширди. Лекин Американинг бу режаси барбод бўлиб режим қулашга яқин келиб қолди… Шундан кейин иккинчи босқичда Америка ролни жиноятчи Россияга топширди. Жиноятчи Россия оғир қурол-аслаҳанинг биронтасини қолдирмай ҳаммасини ишга солди. Шунга қарамай қаршилик ҳаракатидагиларнинг азму қарорини йўқ қилолмади… Шундан кейин охири Америка Туркияни майдонга олиб кирди. Чунки Туркия ҳокими шимолдаги кўпгина гуруҳларни ўз назоратида ушлаб келаётган эди. Бу ҳоким ёмонликнинг энг сўнгги чегарасигача бориб «Фурот қалқони фронти»ни аланга олдирди ва кўпгина жангчиларни шу фронтга олиб чиқиб кетди. Шундан кейин ўзига тобе бўлган қолган-қутган гуруҳларга ҳам Ҳалабдан чиқиб кетишни буюрди. Бу мусулмонлар юртларида илгари кўрилмаган бир фожиа бўлди. Чунки одамлар мажбуран ўз уй-жойларидан кўчирилди. Бу кимнинг иши бўлди? Қизил чизиқлар ҳақида ва янада шиддатлироқ қизил чизиқлар ҳақида бақир-чақир қилиб қўзғолончилар қўйнини пуч ёнғоққа тўлдирган кимсанинг иши бўлди. Натижада Ҳалаб шармандали амалиёт бўйича режим чангалига топширилди. Бу хиёнат гуноҳи Эрдўған, унинг югурдаклари ва унга бўйсунган гуруҳлар бўйнидадир. Эрдўғанга бўйсунган бу гуруҳлар ўз юртларини зое қилиш бўйича музокараларга кирди ва ўз юртлари душманларига хорларча бўйин эгди. Тун зулматида эмас, куппа-кундузи бўйин эгди. Бу гуруҳлар тўкилган шунча қонларни, поймол қилинган ҳурматларни, башаридан тортиб дову-дарахти, тоғу тошларигача хароб қилинган диёрни гўё «унутди»… Бу гуруҳлар одамларни режимдан, унинг югурдакларидан, унинг зулми ва жиноятларидан озод қилиш ҳақида алдаб келишганини унутди ёки ўзини унутганга солди…

Эрдўған режими ва унга тобе гуруҳларнинг хорларча ва шармандаларча сотиб юбориш битимини тузиш тўғрисида Путин билан битта столда ўтириши ва буни бир ғалаба деб ҳисоблаб у билан Путинни табриклаши ҳеч шубҳасиз энг катта жиноятлардан биридир! Бу Ҳалабни, Ҳалаб аҳлини ва Ҳалабдан кейин бошқа нарсаларни ҳам сотиб юбориш битимидир! Эроннинг Россия жиноятига яна бир жиноятни зиёда қилиши, унинг ваҳшийлигига яна бир ваҳшийликни қўшиши ҳамда қирғин қилишда Россия билан ким ўзарга рақобатлашиши ҳеч шубҳасиз энг катта жиноятлардан биридир! Ҳалабни тоғут режим чангалига топшириш ҳам энг катта жиноятлардан биридир! Чунки унинг топширилиши, динини арзимас пулга сотган гуруҳлар билан Ҳалабни бўлишиб олиниши Женева қарорининг муқаддимасидир. Бу бахти қора ҳокимиятни бўлишиб олиш билан режимни деярли йўқ қилишга яқин қолган кучли гуруҳларнинг арқони узилади! Мусулмонлар юртларидаги ҳокимларнинг Остона ва Женевадаги машъум, ҳалокатли музокараларни, бу икки музокара сулолаларини (яъни уларнинг ортидан келувчи музокараларни) олқишлашда ким ўзарга мусобақа қилишлари ҳеч шубҳасиз энг катта жиноятлардан биридир! Бу ҳокимлар аслида Шом аҳлига ёрдам беришлари лозим эди. Лекин улар хиёнатга бир йўғон сиртмоқ билан боғланишган экан уларнинг бундай ёрдам беришига йўл бўлсин… Аллоҳ уларни ҳалок қилсин қандай оқибат сари кетмоқдалар-а.

Эй Шом аҳли: дарҳақиқат Ҳалаб қорлари «эриб» ҳокимлар ва гуруҳлардан иборат малайларнинг ҳалокат келтирувчи хиёнатларини очиб ташлади. Бу иш нафақат кўзи бор ҳар бир одамга, балки ҳатто кўздан ажраган бўлса-да лекин қалб кўзи очиқ ҳар бир кишига аниқ кўриниб қолди. Чунки кўзларда бирон парда қолмади. Аксинча субҳ икки кўзи бор кишига аниқ кўринди… Сизларни ана шу ҳокимлар, хусусан қўшни мамлакатлардаги ҳокимлар, янада хосроқ қилиб айтсак Туркиядаги Эрдўған, бундан ҳам хосроқ қилиб айтсак мана шу йўлдан озган хоинларнинг пулига бўйсуниб Ҳалабни ва Ҳалабдан бошқа жойларни топширган ана шу гуруҳлар шунча йиллар сизларни алдаб келди… Эй Шом аҳли, сизлар матнини шу гуруҳлар имзолаган биринчи сулҳдан ва гуноҳи шу гуруҳлар бўйнига тушган биринчи кўчириб юбориш кампаниясидан ўзингизни чақтирдингиз. Сизлар Эрдўғандан, у «ўчириб ташлаган» биринчи қизил чизиқдан ўзингизни чақтирдингиз. Сизлар биринчи Ҳамадан ўзингизни чақтирдингиз. Эрдўған Ҳаманинг иккинчи бор такрорланмаслигини ваъда қилиб жар солган эди, кейин унинг бу ваъдасидан асар ҳам қолмади. Ваҳоланки, мўмин ўзини бир тешикдан икки марта чақтирмайди. Сизларга нима бўлдики, ўзингизни қўшни ва қўшни бўлмаган ҳокимларга ҳамда бир қанча, рўйхати узун гуруҳларга чақтириб келдингиз! Бу гуруҳлар кўз олдингизда бир-бири билан жанг қилиб келди. Ваҳоланки, улар кимга қарши жанг қилиш учун чиққан бўлсалар ўшанга қарши жанг қилишлари лозим эди. Бунинг ўрнига улар бир-бири билан жанг қилишди. Улар бирлик ҳақида гап сотишди. Ваҳоланки, ўзлари бирлашишмади. Бўлинишни рад қилишни даъво қилишди. Ваҳоланки, ўзлари янада бўлинишга тушишди. Ифлос пул эгаларини сўкадиган бўлишди, сўнгра бу пулни олишни бир қурбат деб ҳисоблайдиган бўлишди!

Бу гуруҳлар фақат касаллик нимада эканлигини тушуниб етиб унга шифо бўладиган давони қўлласаларгина ҳимоячи бўла оладилар. Акс ҳолда йўқ. Даво эса бу гуруҳларнинг бирлашишидир. Зеро бўлиниш даво бўлолмайди. Лекин уларнинг бирлашиши ҳеч қандай кучли таъсири бўлмайдиган, шунчаки айтиб қўйиладиган қуруқ сўзлар эмас. Бу бирлик фақат гуруҳлар Ислом асосида битта мухлис сиёсий раҳбарият ортида бирлашсаларгина бўлади. Шунинг учун демак фақат

وَاعْتَصِمُوا بِحَبْلِ اللَّـهِ جَمِيعًا وَلَا تَفَرَّقُوا

«Ва барчангиз Аллоҳнинг арқонига (Қуръонга) боғланингиз ва бўлинмангиз!»

                                                                                           [Оли Имрон 103]

ояти каримасини тафаккур ва тадаббур қилмасдан тиловат қилиб қўйишнинг ўзи кифоя қилмайди.

أَفَلَا يَتَدَبَّرُونَ الْقُرْآنَ

«Ахир улар Қуръон ҳақида фикр юритмайдиларми?!»               [Нисо 82]

Зеро бўлинмасликни кафолатлайдиган иш Аллоҳ арқонига маҳкам ёпишишдир. Шунда бу гуруҳлар Аллоҳ арқонига маҳкам ёпишадиган битта содиқ сиёсий раҳбариятга эга бўлади. Бу раҳбарият уларни битта тўғри чизиқ, буюк Ислом чизиғи бўйлаб етаклайди… Шунда бўлиниш йўқ бўлади ва саф тўғриланади. Аммо агар улар Аллоҳдан қўрқмайдиган ҳокимлар билан боғланадиган ва Аллоҳдан тақво қилмайдиган раҳбарият ортида бирлашадиган бўлишса у ҳолда касаллик сақланиб қолаверади, балки янада кучаяди, бўлиниш ҳам сақланиб қолаверади, балки янада чуқур томир отади. Шундан кейин улар на бирон тоғутга зарба бера оладилар ва на бирон жиноятчини тийиб қўя оладилар. Аксинча улар Ҳалабда ва бошқа жойларда кўриб турганимиздек малай ҳокимлар кўтариладиган ва тўсатдан ўлимга олиб борувчи келишувга замин ҳозирлайдиган бир «шоти» бўлиб қолишади. Ҳатто улар зоҳирдан қараганда бирлашган бўлиб кўринишса-да улар Анқара келишувларида биз уларни кўриб тургандек аҳволда бўлишади. Уларнинг «бирлик»лари «бирлашган гуруҳлар томонидан имзоланиш»ни англатади!

Салаф (аждод)ларимиз ҳам ўзлари кўтарган ҳақни тарк қилганларидан кейин шунга ўхшаш ҳолга дучор бўлишган эди. Натижада бошларига оғир мусибатлар тушди… Зеро улар Росулуллоҳ САВ олиб келган ҳақдан салибчилар замонида ажралишган эди. Натижада Росул САВ Исро ва Меърож ери бўлган Қуддусни бой беришди… Улар ана шу ҳақдан мўғул-татарлар замонида ажралишди. Натижада Халифалик пойтахти Бағдодни бой беришди… Улар ўтган асрнинг бошларида тафриқага тушиб бўлинишди. Натижада Халифаликни бой беришди, ана шундан кейин Қуддус бой берилди… Лекин улар биринчи ва иккинчи мартада касаллик нимада эканлигини билдилар ва унга шифо бўладиган давони тановул қилдилар. Натижада яна буюк Умматга айландилар. Бу буюк Уммат Қустантинияни фатҳ қилди ва у Ислом шаҳри (Истанбул)га айланди. Бу буюк Уммат ўғлонлари тоғут Путиннинг туғилган уясига яқин бордилар, Шарқий ва Ғарбий Европа дарвозаларини қоқдилар, Билотуш Шуҳадо (Франциянинг Тур шаҳрида бўлиб ўтган жанг)дан тортиб Франция дарвозалари ва Вена дарвозаларигача қоқдилар… Бу иш – агар ана шу давонинг ўзини тановул қилиб яна илгариги азизлик ва куч-қудратлилик ҳолимизга қайтсак – жуда осон. Ўшанда мустамлакачи кофирлар ва уларнинг югурдаклари Суриядан ва бошқа Ислом ерларидан думларини қисиб қочиб қолишади. Ўшанда Қуддусни қайтариб оламиз ва бу муборак ерни босиб олган яҳуд вужудини йўқ қиламиз. Ўшанда яхшиликни нафақат Ислом юртларида, балки ҳатто Ислом юртларидан узоқ чеккаларда ҳам ёямиз. Ўшанда Аллоҳнинг халифа ва ғолиб қилиш ҳақидаги ваъдаси рўёбга чиқади…

Эй мусулмонлар! Эй Шом аҳли! Эй барча қўзғолончилар! Биз сизларга ана шу давони тақдим қилмоқдамиз ва сизларга ана шу даво билан хитоб қилмоқдамиз. Шунинг учун бирон киши учун ҳеч бир узр ва ҳеч бир ҳужжат қолмади. Чунки биз кечаю кундуз мусибатлар қуршовида қолдик. Ахир ибрат-сабоқ олмаймизми?!

أَوَلَا يَرَوْنَ أَنَّهُمْ يُفْتَنُونَ فِي كُلِّ عَامٍ مَّرَّةً أَوْ مَرَّتَيْنِ ثُمَّ لَا يَتُوبُونَ وَلَا هُمْ يَذَّكَّرُونَ

«Кўрмайдилармики, улар ҳар йили бир-икки марта балога-фитналарга йўлиқмоқдалар. Шундан кейин ҳам на тавба қиладилар ва на панд-насиҳат оладилар»                                                                    [Тавба 126]

Биз шахсларга ва жамоатларга хитоб қиламиз. Армиялардан ва гуруҳлардан иборат қувват аҳлига хитоб қиламиз… Биз сизларга хитоб қилиб битта холис сиёсий раҳбарият ортида бирлашишга чақирамиз. Сизлар бу раҳбариятга Ислом бошқарувини, Ислом давлатини, рошид Халифаликни тиклашда ёрдам ва кўмак берасизлар… Ҳақ мана шудир. Сизларга ўз аҳлини асло алдамайдиган Ҳизб хитоб қилиб мурожаат қилмоқда. Сизларга бу хитоб билан Ҳизб ут-Таҳрир мурожаат қилмоқда. Сизлар бу Ҳизбни яхши танийсиз. Зеро у сизлар билан бирга ва сизнинг орангизда иш олиб бормоқда. Унинг ростгўйлигига ва сизга насиҳат қилиб келаётганига гувоҳ бўлдингиз… Ҳизб ут-Таҳрир сизларга нидо қилмоқда. Чунки фалокатлар янада авж олди ва бўлинишлар янада кенгайди. Бироқ биз Аллоҳ изни билан бу фалокатлар чўғини ўчира оламиз. Натижада у совиб саломатликка айланади. Биз бўлинишлар йўлини тўса оламиз. Натижада тинчлик ва омонлик яна қайтиб келади… Шундай экан биз сизга қўлимизни чўзгандек сизлар ҳам бизга қўлингизни чўзмайсизми, бир-биримизни қўллаб-қувватламаймизми. Зеро ўшанда дунёю охиратда зафарга эришамиз. Бу эса буюк зафардир…

إِنَّ فِي ذَٰلِكَ لَذِكْرَىٰ لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ

«Албатта бунда (огоҳ) қалб эгаси бўлган ёки ўзи ҳозир бўлган ҳолда (яъни сидқидилдан) қулоқ тутган киши учун эслатма-ибратлар бордир» [Қоф 37]

Ҳизб ут-Таҳрир                                                        3 робиус-соний 1438ҳ

                                                                                              1 январ 2017м