بِسْمِ اللَّـهِ الرَّحْمَـٰنِ الرَّحِيمِ

Роя газетаси:

«Зеро, кўзлар кўр бўлмас, балки кўкракларидаги кўнгиллар кўр бўлур»

Азҳар шайхи Буддани ҳаким, дея сифатлаб хато қилди

Мусулмон Ҳакимлари Кенгаши Рохин штати (Мьянма)даги курашга алоқадор томонлардан вакиллик қилувчи бир неча ёшлар иштирокида «Бирмадаги ватандошлар йўлида инсоний маданий мулоқот сари» номли илк тадбир бошлади. Тадбир чоғида Азҳар шайхи доктор Аҳмад Тоййиб нутқ сўзлаб бундай деди: Бутпарастлик инсонпарварлик, авваламбор ахлоқий таълимот. Будда эса ҳаким сомит, инсоният тарихидаги энг буюк шахсиятлардан бўлган. Унинг асосий сифатларидан бири, сокинлик, ақллилик, ғоят меҳрибонлик, мулойимлик ва дўстоналикдир. Дунёнинг буюк тарихшунослари унинг таълимотини «туганмас раҳмат таълимоти», дея сифатлаганлар. Бу таълимот соҳиби меҳрибон, муросасоз, мутакаббирликни ва манманликни билмайдиган, аксинча, одамларга киришиб кетувчи юмшоқ кўнгил бўлган. Унинг васиятлари бошқаларга муҳаббат ва эзгулик улашади (Таҳрир).

Роя газетаси шарҳи:

Бу замонамизда Ислом Уммати бошига тушган балолардан бири ювиндихўр ҳукмдорлар бўлса, иккинчиси дўзахи уламолардир. Улар Аллоҳнинг динига қарши курашиб, ҳақни сохталаштирмоқдалар, Уммат душманлари айбини яширмоқдалар, «маданий мулоқот», деган иддио билан жаллод билан қурбонни тенглаштирмоқдалар!

Эй Азҳар шайхи!

Сен намуна қилиб келтирган Буддага сиғинувчиларнинг Бирмадаги роҳинга мусулмонларига қарши қандай даҳшатли қирғинлар содир этишаётганини билмайсанми?! Ўнлаб йиллардан бери бу тошпараст-бутпарастларнинг роҳингага қарши содир этаётган қилмишларидан агар ғафлатда қолган бўлсанг ёки ўзингни билмаганга солаётган бўлсанг, у ҳолда, ҳеч бўлмаса, яқинда октябр ойидан бери қилинган қатли ом жиноятлари кўз олдингда яққол гавдаланиб турибдику, ёки бира тўла кўздан ҳам, ақлдан ҳам ажралиб қолдингми?!

Роя газетасининг 2016 йил 11 январ чоршанба кунги 112-сонидан