بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Парламент ва президентлик бошқарувлари куфр бошқаруви бўлиб, уларни татбиқ этиш мусулмонлар учун ҳаромдир

Якшанба куни эрталаб турк парламенти бош ассамблеяси мамлакатдаги конституцияга ўзгартиш киритиш таклифидан 15 ва 16 моддаларга овоз берди.

Бюджет ва якуний ҳисоб-китобга тааллуқли бўлган 15-моддага яширин овоз берилди. Овоз беришда қатнашган 483 депутатдан 341 нафари рози бўлди, 134 нафари рад этди, 5 депутат бюллетенни бўш қолдирди, иккита овоз бекор қилинди, 1 депутат овоз беришдан тийилди.

15-моддага киритилган ўзгартиш матнида «давлат идоралари ва давлат компанияларини истисно қилган ҳолда, давлат органлари харажатларини йиллик бюджетдан сарфлаши» айтилган.

Бу модда тақозосига кўра, бюджет қонунига алоқаси йўқ ҳукмларни қўшиш ман этилади, республика президенти бюджет қонунини молия йилидан 75 кун олдин парламентга тақдим этади.

16-модда эса конституциядаги мавжуд ибораларни таклиф қилинган ҳукм низомига мувофиқ равишда ўзгартириш ва бекор қилишга тааллуқли.

16-моддага ҳам шунга ўхшаш овоз берилди: овоз беришда қатнашган 483 депутатдан 341 нафари рози бўлди, 134 нафари рад қилди, 3 депутат бюллетанни бўш қолдирди, 3 депутатнинг берган овози бекор қилинди, 1 депутат овоз беришдан тийилди.

Конституцияга ўзгартиш киритиш таклифи президент томонидан тасдиқланиб, 60 кун ичида референдумга қўйилиши учун 550 ўриндан энг камида 330 депутат розилиги керак бўлади.

Иккинчи турдаги овоз бериш жараёнида таклиф бандларидан бирортаси 330 овозни ололмаса, бекор ҳисобланади. Шунингдек, таклифнинг ҳаммаси мазкур овозлар сонини тўплолмаган тақдирда ҳам бекор ҳисобланади.

Ҳукмрон Адолат ва Тараққиёт партияси томонидан таклиф қилинган янги конституция лойиҳаси парламентда 39 ўрин билан тўртинчи куч ҳисобланган мухолафатчи Миллий Ҳаракат партияси томонидан қўллаб-қувватланмоқда. Аммо 133 депутат билан парламентда иккинчи куч ҳисобланган Республика Халқ партияси бунга қарши чиқмоқда.

Таъкидлаш жоизки, Адолат ва Тараққиёт партияси 317 ўринга эга. Ушбу партия аъзоси бўлган турк парламенти спикерининг конституцияга ўзгартиш киритиш таклифига овоз беришга ҳаққи йўқ.

Роя газетаси шарҳи:

Шу нарса барчага маълум бўлмоғи лозимки, парламент бошқаруви билан президентлик бошқаруви ўртасида асос жиҳатидан фарқ йўқ. Чунки иккала бошқарув ҳам динни давлатдан ажратиш асосига таянган ҳамда иккаласида ҳам асосий эркинликлар тан олинган, яъни ҳукмронликни Аллоҳ Субҳанаҳу ва Таолога эмас, халққа берилган. Бу очиқ куфрдир. Чунки Исломда ҳукмронлик шариатга берилган. Турк парламентининг, айниқса, Адолат ва Тараққиёт партиясининг парламент бошқарувини президентлик бошқарувига ўзгартиришга бунчалар қаттиқ тургани сабабига келсак, бу АҚШга бориб тақалади. Америка юртдан инглизлар нуфузини илдизи билан йўқ қилиш мақсадида парламент бошқарувини президентлик бошқарувига ўзгартиришга қарор қилди.

Роя газетасининг 2016 йил 18 январ чоршанба кунги 113-сонидан