بِسْـــمِ اللهِ الرَّحْمٰـــنِ الرَّحِيـــم

Матбуот баёноти

Халқ очликдан ҳалок бўлаётган бир пайтда етакчилар кимўзарга ҳокимият талашишмоқда!

Биз Ҳизб ут-Таҳрир-Кения аъзолари юртдаги миллионлаб аҳоли очликдан қийналаётганидан жуда маҳзунмиз. Оч оилаларни тасвирлаган суратларни кўриш даҳшатлидир. Бу сувратларда очлик шиддатидан оналарига нола қилиб йиғлаётган ёш болалар, оёғида тик туролмай қорни оч ҳолда ухлаётган кексалар кўзга ташланади. Минг афсуски, сиёсий ҳаракатлар қуруқ фойдасиз маърузалар қилиб, августда ўтказиладиган оммавий сайловларда кўпроқ овозга эга бўлиш учун кимўзар ўйнаб ётишибди!

Қатъий айтамиз, очарчилик ҳукумат иддио қилаётган қурғоқчилик сабаблигина келиб чиққани йўқ, балки ҳукуматнинг эътиборсизлиги ва юртдаги инсонлар ишларини тўғри бошқариш жавобгарлигини адо этмаганлиги сабабли келиб чиқди. Об-ҳавони кузатиш маркази ходимлари ҳаво қуруқ келишидан олдиндан огоҳлантирганлар, аммо ҳукмдорлар бундай огоҳлантирувдан кўз юмишган.

Кения конлар, дарёлар, бепоён ҳосилдор ерлар ва бошқа улкан ресурсларга бой юрт. Бироқ капиталистик иқтисод низомининг бузғунчилик сиёсати сабабли бу ресурслар элита компаниялари фойдасига хизмат қилмоқда. Бу компаниялар халқда ҳеч вақо қолмаган бир пайтда ўзлари фойда кўрадилар! Очарчиликка барҳам беришга биринчи навбатда жавобгар бўлган ҳукумат, озиқ-овқат маҳсулотларини импорт қилиш ва хорижий давлатлар ёрдамига таяниш ўрнига, қишлоқ хўжалик секторига инвестиция ётқизмоғи лозим эди. Шунингдек, фермерлар учун ўғит сотиб олиш, ерларни қайта ишлашларида уларни молиявий жиҳатдан қўллаб-қувватлаш, озиқ-овқат таъминоти билан боғлиқ суғориш лойиҳаларини ишлаб чиқиш, бинобарин, очарчиликка барҳам бериш каби ишларда фаол ҳаракат қилиши керак эди. Аммо афсуски, бу сиёсатчилар бундай қилишмади, балки капиталистик тузум остида маккажухори импорт қилиб тижорат ишларини монополия қилишмоқда, очарчиликдан шахсий бойлик орттиришда фойдаланишяпти, яъни асосий озиқ-овқат маҳсулотларини четдан олиб келиш билан катта даромад кўришяпти!

Биз барча бадавлат мусулмон ва ғайримусулмонларни Кениядаги очарчилик қурбонларига ёрдам бериш учун ҳар қачонгидан ҳам кўпроқ ҳаракат қилишга холис тарғиб этамиз. Шунингдек, ҳукумат ичкариси ва ташқарисидаги сиёсатчилари ўз чўнтакларини қаппайтириш учун ҳокимиятга интиладиган бундай капитализм ёвузлигини очиқ-ошкор фош этиш лозимлигини Кениядаги жамиятга эслатиб ўтамиз. Имонимиз комилки, Пайғамбарлик минҳожи асосидаги Халифалик давлатида татбиқ этиладиган Ислом тузумида халифа олдида улкан имконият бўлади. У бой минтақаларнинг биридаги бойлик ва ресурсларни камбағал ва ресурслари тугаган минтақаларга тақсимлайди. Дарҳақиқат, Умар ибн Хаттоб РА халифалиги пайтида шундай бўлганди. У ўзининг Миср, Шом, Фаластин ва Ироқдаги волийларига мактуб ёзиб, улардан ёрдам беришни талаб қилган. Ўз навбатида, волийлар ҳам Мадинаи Мунавварага озиқ-овқат ва бошқа ёрдам юклари ортилган карвон юбориш билан жавоб қилганлар… Бинобарин, юзлаб фуқаро очликдан қутқарилган.

Шаъбон Муаллим

Ҳизб ут-Таҳрирнинг

Кениядаги матбуот бўлими вакили

Телефон: +254 737 606 667 – +254 717 606 667

Электрон почта: abuhusna84@yahoo.com