بسم الله الرحمن الرحيم

Роя газетаси:

Эй мусулмон армиялар Фаластиндаги ҳур муслималар тарафини оладиган ким бор?!

Яҳудийлар давлати фаластинлик қизни олти ойлик қамоқ жазосига ҳукм қилди

Якшанба куни яҳудийлар давлати маҳкамаси 16 ёшли Манар Шувайкий исмли фаластинлик қизни олти ойлик қамоқ жазосига ҳукм қилди. Фаластинлик асирлар клубига кўра, қизга пичоқ сақлаш ва пичоқ санчишга уриниш айбловлари қўйилган.

Айни манбага кўра, қиз «ёнидан пичоқ топилди, деган баҳона билан 2015 йил декабрда ҳибсга олинган».

Клуб келтирган рақамларга кўра, яҳудийлар давлати қамоқ лагерларида 7000 асир бор ва улардан 52 нафари аёлларни, 13 нафари вояга етмаган қизларни ташкил қилади. 18 ёшга етмаган асирлар сони 350 нафар экани таъкидланади. (Ҳаёт Лондония 2017 йил 5 феврал якшанба).

Роя газетаси шарҳи:

Дарҳақиқат, муслима аёл Ислом давлатининг асосий диққат марказида бўлиб, унга ғамхўрлик кўрсатилар ва ҳимоя қилинар эди. Оч қолса, халифа унга озиқ-оқватини ўз елкасида кўтариб олиб бориб берарди, ёрдамга чақирса, ҳой Мўътасим, қанисиз, дея нола қилса, қутқариш учун бутун лашкарини оёққа турғазарди… Ана, исломий армия қўмондони Муҳаммад ибн Қосим… Синд давлати муслималар кемасини босиб олиб, ўзларини асирга олганда, муслималар фарёди учун Синд тахтини ларзага келтирган… Мусулмонлар қўмондони Қутайба ибн Муслим эса, бир муслимага таҳдид қилган бадбахтни ушлаб, бу бадбахтнинг ўзини қутқариш учун таклиф қилган олтин-кумушларини қабул қилмаган эди. Ўшанда Қутайба ибн Муслим «Йўқ асло, Аллоҳга қасамки, сендан бирорта ҳам муслима таҳдид кўрмасин», дея уни қатл қилишга буюрган эди. Бугун исломий армияларда бирорта ақли расо киши йўқми, Манар Шувайкий каби муслималар учун Қутайбадан ўрнак олиб, «Йўқ асло, Аллоҳга қасамки, сендан бирорта ҳам муслима таҳдид кўрмасин», дейдиган ва армиясини сафарбар қилиб, анави манфур яҳудийлар давлатини ер билан яксон этадиган, Фаластин ва унинг аҳлини озод этадиган, уларни яҳудийлар зулмидан қутқарадиган мард қўмондон қолмадими?!

Роя газетасининг 2016 йил 8 феврал чоршанба кунги 116-сонидан