بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ҳизб ут-Таҳрирни ёмонотлиқ қилиш кампанияси

Покистон ҳукмдорлари омадсизлик ва тушкунлик сабабли Ҳизб ут-Таҳрирга ташланишдан бошқа чора тополмаяпти

Покистон мусулмонлари Ҳизб ут-Таҳрир ҳақиқатини, холислиги ва поклигини, тариқати тўғрилигини тушуниб етгач, режим унга қарши ноҳақ айбловлар тўқиб чиқаришга тушди. Мисол учун, 2017 йил 8 март куни «Дели Аж Пешовар» газетаси ҳукумат агентликларидан бир ҳисобот чоп этди. Касбий ахлоқ-этикадан мутлақо холи айни мақолада айтилишича, Ҳизб ут-Таҳрир фаолларидан тўрт нафари варақа тарқатаётган пайтда қўлга олиниб, ёнларидан қурол-яроқ топилган эмиш! Бунга ўхшаш ёлғонлар режимнинг ўзига зиён келтиради, холос. Чунки покистонлик мусулмонлар, Ҳизб ут-Таҳрирнинг исломий ҳаётни қайта бошлаш йўлида Росулуллоҳ САВ тариқатлари бўйича қадам ташлашини, шу боис унинг фаолияти фақат фикрий ва сиёсий кураш олиб боришга чекланишини, ул зот САВга эргашган ҳолда, Ислом давлатини барпо этишда мутлақо қуролдан фойдаланмаслигини жуда яхши биладилар.

Энди, режимнинг «Ҳизб тушкунлик ва омадсизлик сабабли ўз тариқатини ўзгартирди», деган бўҳтонларига келсак, Ҳизб ут-Таҳрир ҳар бир ишида Исломга қаттиқ риоя қилади ва уни маҳкам ушлайди, деган ҳақиқат барчага кундек маълум. Ҳизб йигитларининг исломий юртларда ўнлаб йиллардан бери давом этаётган ва баъзи ҳолларда шаҳидликка олиб келаётган қийноқларга дуч келиб, бунга бардош беришдаги позициялари уларнинг Аллоҳ Субҳанаҳу ва Таоло ва Росули САВга ҳаргиз осийлик қилмасликларини кўрсатмоқда. Аслида, тушкунлик ва омадсизликни покистонлик ҳукмдорларнинг ўзлари яхши ҳис этишаётган бўлса керак. Чунки улар Ҳизбни йўқ қилишда омадлари чопмагач, мана шундай туҳмат ва ёлғонлар тўқиб чиқариш йўлига ўтишга мажбур бўлишяпти. Улар Пайғамбарлик минҳожи асосидаги рошид Халифаликнинг тобора яқинлашаётганини сезаётганлари сабабли ноумидликка тушишмоқда ва Ҳизбнинг номини қора қилиб кўрсатишга ўтишмоқда. Демак, уларнинг ўзлари одамлар ва қудрат аҳли олдида ўзларининг асл башараларини фош этиб қўйишмоқда.

Ҳа, бундай қилмишларни ёвуз режимдан кутса бўлади. Чунки у Аллоҳ ва Росулига исён қилди. Шу боис унинг рошид Халифалик лойиҳасини бадном қилишга уринаётганини тушунса бўлади. Афсуски, режимнинг бундай осийлигига айрим ахборот воситалари ҳам шерик бўлмоқда. Аммо қолган аксар ахборот воситалари ёлғон хабар тарқатишни ўзларига лойиқ кўрмаяптилар. Ҳақиқатдан, муҳосабанинг энг енгили, ботил ва ёлғонни тарқатишдан кўра сукутни афзал кўришдир. Бу ҳақда Росулуллоҳ САВ

«مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ»

«Ким Аллоҳга ва қиёмат кунига имон келтирса, яхшиликни гапирсин ёки сукут сақласин» (Бухорий ва Муслим ривояти), дедилар. Аммо энг афзали, бундай каззоб ҳукуматнинг Ҳизб ут-Таҳрирга қарши чоп қилган мақоласини қаттиқ туриб текшириб, уни бу борада муҳосаба қилишдир. Аллоҳ Субҳанаҳу ва Таоло бундай деди:

يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ

«Эй мўминлар, агар сизларга бир фосиқ кимса бирон хабар келтирса, сиз (ҳақиқий аҳволни) билмаган ҳолингизда, бирон қавмга мусибат етказиб қўйиб, қилган ишларингизга афсус-надомат чекиб қолмаслигингиз учун (у фосиқ кимса олиб келган хабарни) аниқлаб-текшириб кўринглар!»   [Ҳужурот 6]

Ҳаммасидан ҳам энг афзали, айни ахборот воситалари қилган гуноҳларига тавба қилиб, ушбу матбуот баёнотини чоп этмоқлари ҳамда режимнинг Ислом ва мусулмонларга қарши содир этаётган жиноятларини фош этишда бугундан бошлаб Ҳизб ут-Таҳрирга ёрдам беришларидир.

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com