بسم الله الرحمن الرحيم

Уларнинг ягона  айблари “Роббим Аллоҳ” деганлари холос!

Иймон неъматига муяссар этган Аллоҳга ҳамду-санолар бўлсин! Шериксиз бўлган Аллоҳдан ўзга ҳақ илоҳ йўқлигига ҳамда Муҳаммад соллаллоҳу алайҳи васаллам Аллоҳнинг бандаси ва элчиси эканлигига гувоҳлик бераман!  Пайғамбаримизга ва унинг аҳли-оиласига ҳамда асҳобларига Аллоҳнинг кўпдан кўп салот ва саломлари бўлсин! 

Бугунги кунда бутун дунёга очиқ кўз билан назар солган киши аксар мусулмонлар яшаётган диёрларда уруш оловлари ёқилган, аёллар ёш гўдакларидан ажраб қолаётган, вайронагарчиликлар туфайли яшаётган уйларидан айрилаётган ёки тинчлик юрти дея жар солинаётган диёрларда эса қамоқхоналар муслиму-муслималар билан тўлдирилаётганлиги каби адолатсизликларга тўлиб тошаётганини гувоҳи бўлиши мумкин. Ҳар қандай ақли расо бўлган инсонда табиий савол туғилади, бу ишларнинг асл сабаби нимада? Нега беозор оналар, мурғак гўдаклар, ёши бир жойга бориб қолган қария ота-оналар бундай ташвишли кунларни бошларидан ўтказмоқдалар?  Уларнинг жиноятлари, айблари нимада? Нега улар ўзлари хоҳлаганидек яшашга имконлари йўқ? Нега? Нега? Нега?

Аллоҳ Субҳанаҳу ўзининг каломида ушбу сизу-бизларни қийнаётган саволларнинг сабабини баён қилди-ки, мана шу сабаб ила кофир бўлган кимсалар мусулмонларга қаҳру-адоватларини сочадилар, азоб-уқубатларга гирифтор қиладилар, дарғазаб бўладилар, зиндонбанд қиладилар ҳамда уларга қарши қўшин тўплайдилар. Бундан мурод эса, одамларни ҳақ йўлдан – ягона Аллоҳга ибодат қилишдан тўсишдир.

Бу ҳақда Аллоҳ Таоло ўз каломида шундай дейди:

 وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ

“Улар (мўминлардан) фақат у (мўмин)лар қудрат ва мақтов эгаси бўлган Аллоҳга — осмонлар ва ернинг подшоҳлиги Ўзиники бўлган зотга иймон келтирганлари учунгина ўч олдилар! Аллоҳ барча нарсага гувоҳдир!”  (Буруж. 8-9)

Ҳа, Аллоҳ Субҳанаҳу айтганидек, куфр йўлини тутган кимсалар, ҳақни эшитган чоғда юраклари сиқилади, сабр косаси тўлади, шайтонлари эса ушбу арзимас дунёни чиройли кўрсатиб, барча мол-дунёсини, илмини, бор куч-қувватини шу дунёсини сақлаб қолишга ундайди. Бу кимсалар гўёки мусулмонларни ер юзидан супуриб ташлаш учун макр қиладилар. Аллоҳ Таоло уларнинг қилмишларидан Ўз Росулини огоҳ  этиб, шундай дейди:  

وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ ۚ وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ

“(Эй Муҳаммад), кофирлар сизни ҳибс қилиш ё ўлдириш ёки (Маккадан) чиқариб юбориш учун сизга макр қилган пайтларини эсланг! Улар макр қилурлар, Аллоҳ ҳам «макр» қилур. Аллоҳ “маккор”роқдир.”  (Анфол. 30)

وَلَنْ تَرْضَىٰ عَنْكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ ۗ قُلْ إِنَّ هُدَى اللَّهِ هُوَ الْهُدَىٰ ۗ وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَالْعِلْمِ ۙ مَا لَكَ مِنَ اللَّهِ مِنْ وَلِيٍّ وَلَا نَصِيرٍ

“Яҳудий ва насронийлар уларнинг динига кирмагунингизча ҳаргиз сиздан  рози бўлмайдилар. Айтинг: “Аллоҳнинг йўлигина ҳақиқий йўлдир”. Қасамки, агар сизга қелган ҳақиқий билимдан кейин уларнинг нафс–ҳаволарига эргашсангиз, Аллоҳ тарафидан  сизга  на  бир  дўст  ва  на  бир ёрдам бергувчи бўлмайди”.  (Бақара. 120)

Ўз ҳаёт йўлини Ислом асосига қураётган диндош дўстим, то қиёмат кунига қадар динимиз душманлари мусулмонларнинг тинчлик-омонликда яшашига ҳеч қачон рози бўлмайдилар. Шуни алоҳида ёдда тутингки, мен ибодат қилсам, итоатдан четлашмасам, Роббимни барча нарсадан яхши кўрсамда, нега мусибат келди экан, деб ўзингизни шубҳага солманг. Чунки агар бирор кимса ўзининг хулқи, ақли, фазилати билан кофирларнинг ҳийла-найранглари-ю зулму-ситамларидан омонда бўлганда, аввало Аллоҳнинг пайғамбарлари омонда бўларди.

Ўқувчига тушунарли бўлиши учун жаноби Пайғамбар Мухаммад (с.а.в.) нинг пайғамбарлик хаётларига қисқача тўхталиб ўтсак. Охир замон пайғамбарига ўз халқи бўлган қурайш зодагонлари мисли кўрилмаган зулмларни қилдилар, Тоиф қабиласи оёқ кийимларини қонга тўлдирди, турли лақаблар билан обрўларини тўкмоққа уриндилар, ҳатто ўз туғилган юртларидан қувдилар. Ёки ўз юртдошимиз бўлган ҳадисшунос, муфассир имом Бухорий ҳам ўз даврининг ҳукмдори томонидан ўз юртидан бадарға қилинди.  

Бугунги кундаги ҳолатларни кўриб, беихтиёр шундай дегинг келади: Ислом ва мусулмонлар душманларининг қалби ҳам одамзотнинг қалбими ё тошга айланган бир парча гўштми? Ушбу оналарга зулм қилаётган кимсаларни ҳам она деган зот туққанми ёки..? Кофирларнинг қалбларидан юзага чиқиб келаётган адоватлар, мана шу ваҳшиёна ҳаракатлар шу кунларда ҳар қачонгидан кўра шиддатли паллага кириб бормоқдаки, мусулмонлар ўз юртларидан қувғин қилинмоқда, асирга олинмоқда, таҳдидга солинмоқда, уларни ушлаб берганларга катта мукофотлар ваъда қилинмоқда, улар қатл қилинмоқда ва ҳоказо. Буларнинг сабаби фақатгина Ҳамид ва Азиз бўлган Аллоҳга ибодат қилиб, Муҳаммад соллаллоҳу алайҳи ва салламга эргашганларидир. Ҳамда Аллоҳдан ўзгага ибодат қилмай, уларнинг низомларини инкор қилганларидир. Бир сўз билан айтсак, уларнинг ягона айблари “Роббим Аллоҳ” деганларидир!

Шу сабабли Аллоҳнинг душманлари томонидан уларга кетма-кет мусибатлар ёғдирилмоқда, аммо ушбу мусибатлардан сўнг мўминларга севинчли хушхабар бериб, Аллоҳ Таоло Ўз каломида шундай дейди:

 أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمْ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلاَ إِنَّ نَصْرَ اللَّهِ قَرِيبٌ

“Ёки (эй мўминлар) сизлардан илгари ўтган зотлар мисоли – ибрати сизларга келмай туриб жаннатга киришни ўйладингизми? Уларга бало ва мусибатлар (устма-уст) келиб, шундай ларзага тушган эдиларки, ҳатто пайғамбар ва иймонли кишилар: “Ахир қачон Аллоҳнинг ёрдами келади?” дейишган эди. Шунда (уларга бундай жавоб бўлган эди): “Огоҳ бўлингизким, Аллоҳнинг ёрдами яқиндир”.  (Бақара. 214)

Ҳизб ут-Таҳрирнинг Ўзбекистондаги медиа офиси. Зайниддин.

12.07.2018й.