بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Хавфсизлик хизмати Путинни Исломга қарши урушида қўллаб-қувватламоқда

2017 йил 9 март куни Владимир Путин Россия ички ишлар вазирлигидан «экстремизм ва терроризм»га қарши курашда янада шафқатсиз бўлишни талаб қилиб, халқаро террорчи ташкилотларга алоқадор кимсаларга қарши кеcкин ҳаракат қилиш кераклигини қўшимча қилди. Орадан бир ҳафта ўтар-ўтмас, Татаристон республикаси ички ишлар вазирлиги ҳам матбуот конференцияси ўтказиб, унда бундай дейилди: «Татаристонда хавфсизлик хизмати билан ҳамкорликдаги амалиёт доирасида 15 нафар Ҳизб ут-Таҳрир Исломий террорчи ташкилот раҳбарлари ва фаоллари қўлга олинди». Бу амалиётни хавфсизлик хизмати 14 март куни амалга оширди. Матбуот баёнотида ички ишлар вазирлиги қўлга олинганларга Россия Федерацияси жиноят кодексининг 205-модда, 1 ва 2-бандлар (террорчи ташкилот тузиш ва унда иштирок этиш) асосида иш очилганини маълум қилди.

Ўз навбатида, биз ҳам шуни таъкидламоқчимизки, Татаристоннинг Қозон ва бошқа шаҳарларида кенг кўламда тинтув амалиётлари ўтказилиб, Ҳизб ут-Таҳрир фаолиятида қатнашганлик айблови билан бир қанча мусулмонлар қамоққа олинди. Эртаси куни Қозон судида қуйидагилар қамоққа олинди:

1974 йилда туғилган Азат Гатауллин;

1987 йилда туғилган Зульфат Сабирзянов;

1980 йилда туғилган Зялилов Ильнар;

1984 йилда туғилган Габидуллин Руслан;

1980 йилда туғилган Матиев Камиль;

1977 йилда туғилган Сунгатов Руслан;

1978 йилда туғилган Муминджанов Абдукахор;

1985 йилда туғилган Ямалиев Рустем;

1965 йилда туғилган Криев Фарид;

1975 йилда туғилган Сафиуллин Ильназ ва Салахутдинов Рустем;

1996 йилда туғилган Сергей Держепильский.

1982 йилда туғилган Гемалеев Марсель судга топширилмади. Чунки у ўзига нисбатан ноқонуний таъқибдан яшириниб, бинонинг бешинчи қаватидан қочишга уриниб, йиқилиб тушган эди. Ҳозирда умуртқаси сингани сабабли реанимация бўлимида ётибди.

Татаристон хавфсизлик хизмати айни махсус амалиётини видео тасвирга тушириб, президентга ишни талаб қилгандек шафқатсизлик билан бажарганини кўрсатишга уринди. Ички ишлар бўлими тарқатган бу видео тасвирда қуролли кучларнинг ухлаб ётган мусулмонлар квартиралари эшикларини бузиб кириб, қўлларини кишанлаётганини кўриш мумкин. Унда ҳибсга олинганлардан бири қўлининг синдиришларига бир баҳя қолганда норозилик билдирса, унга уят сўз билан жавоб қайтаришади…, Худди тақиқланган бирор нарса топишадигандек ошхона шкафларини итларга ҳидлатишади… Бундай саҳналаштирилган видео сўнггида терроризмда айбланаётган мусулмонлардан олинган ашёвий далил сифатида исломий китоблар, блокнотлар ва бошқа электрон мосламалар кўрсатилади. Бу билан ушбу материаллар «республика фуқаролари орасидаги конституцияга қарши фаолият» учун далил эканига одамларни ишонтирмоқчи бўлишди.

Мазкур сиёсий маҳбусларнинг номлари зикр қилинган рўйхат Федерал хавфсизлик хизматининг Ҳизб ут-Таҳрир мусулмонларига қарши зўравонлик билан муносабатда бўлаётганини яққол кўрсатиб турибди. Маълумки, Ҳизб аъзоларига ҳар қандай жиноятда айблаш бўлсин, буларнинг барчаси 2003 йил олий суд томонидан ноҳақ чиқарилган қарор, яъни Ҳизбни террористик ташкилотлар рўйхатига қўшиш қарорига бориб тақалади.

Шунинг учун ҳам хавфсизлик хизматининг Ҳизб ут-Таҳрир аъзоларига қарши содир этаётган жиноятлари одамларга маълум бўлиб бормоқда. Шунингдек, Россиянинг Исломга қарши мунтазам сиёсати ҳам яққол намоён бўлиб қолди. Аллоҳ Таоло бундай деди:

قَدْ بَيَّنَّا لَكُمُ الْآيَاتِ ۖ إِن كُنتُمْ تَعْقِلُونَ

«Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир. Агар ақл юргизсангизлар сизлар учун оят-аломатларни аниқ-равшан қилиб бердик»    [Оли Имрон 118]

Ҳизб ут-Таҳрирнинг

Россиядаги матбуот бўлими

Расмий сайт: www.hizb-russia.info

Электрон почта: mediaoffice.htr@gmail.com