بسم الله الرحمن الرحيم

Каримов режимининг сизга берган “фаровонлиги” туркумидан

МХХ ва ИИВ томонидан фуқароларни сўроқ қилиш вақтида қийноққа солиб ўлдириш оддий ҳолга айланди

Аввало эътиборингизни сайтимизда яқин кунларда тарқатилган хабарга қаратамиз. 12.04.2016 “Ўзбекистон ОАВ ларида ёритилмайдиган хабарлар” туркумидан “Шаҳрисабзда милиция ходимлари томонидан ўлдирилганлиги айтилаётган, 1983-йилда туғилган фуқаронинг норози кайфиятдаги яқинлари шаҳар милиция биносига боришган” сарлавҳали хабар тарқатилди:

“2016-йил март ойида Шаҳрисабз шаҳрида катта савдо марказидаги ўғирлик юз бериши ортидан шу худуддаги аввал жиноят содир этиб “қора” рўйхатдан жой олган фуқароларни милиция ходимлари томонидан сўроққа тутиш бошланган. Шу сўроққа тутишлар асносида 1983-йилда туғилган, шаҳар ҳокимиятининг янги биноси (Чоршанбе бекати) ёнидаги кўп қаватли уйларда яшаётган, оилали, Нодир исмли йигитнинг милиция ходимлари томонидан уриб ўлдирилганлиги тўғрисидаги хабар тарқалиб кетди”

Бу хабарни ўқиб чиққан инсонни кўз олдига вахший қотиллар келади. Тасаввур қилиб кўринг химоясиз инсонни хоҳлаган кўйларига солишмоқда. МХХ ва ИИБ нинг назарида бу халқ фақат жиноятчилардан таркиб топган тўдадек кўринмоқдами?! Ёки улар ўзларини оч қолган вахший бўридек хис қилиб бу халқни қўзичоқлар деб ўйлашмоқдами?! Бу органлардаги халққа нисбатан бунчалик нафрат қаердан шаклланди ёки кимлар ва нималар орқали шакллантирилди? МХХ ва ИИВ ходимлари шунчалик ишонувчанмики кимларнидир ёлғони билан ўзларининг халқидан ўлдириш даражасида нафратланишгача борсалар? Балки уларни шундай бўлишларига қандайдир омиллар сабаб бўлаётгандир, мажбур қилаётгандир? МХХ ва ИИВдаги шу юрт фарзандлари халққа нисбатан бугунгидек нафрат билан муносабатда бўлаверсалар бу халқнинг кўзига қон тўлган вақтда, у қонли кўзларга биринчи навбатда мана шу орган ходимлари кўринишини тушуна олишармикин? МХХ ва ИИВнинг мана шундай вахший бўлиб шаклланишида Каримов режимининг хизмати катта.

Биз юқоридагидек вахшийликларни ёритиб халқни қўрқитмоқчи эмасмиз. Аксинча, бу халқнинг устида ўзини меҳрибондек кўрсатиб, оддий халқни ёлғонлар билан умидлантиришга уринаётганлар аслида ким эканлигини билиб қўйишларини истаймиз. Чунки бундай ҳолатга ҳар биримиз ва яқинларимиз тушишимиз мумкин. Аслида татбиқ қилинаётган ботил тузум бу ҳукумат ва унинг югурдакларига мана шундай вахший бўлишга имкон берди. Сабаби бу ботил тузум татбиқ қилувчиларнинг манфаатини бирламчи ўринга қўяди, улар ўзларининг манфаатлари учун истаган жирканчликларига йўл қўядилар. Бунга мисол бугунги кунда БМТ ёки Америка ва Россия каби йирик давлатларнинг Ўзбекистон ҳукуматини қўллаб қувватлаётганлиги сир бўлмай қолган. Улар Ўзбекистон халқига ҳақ ҳуқуқларга эга бўлган инсон деб қарамай, ҳукуматнинг қуллари сифатида қарамоқдалар ва бу золим ҳукуматни химоя қилиш асносида у татбиқ қилаётган жирканч тузумни ҳам муҳофаза қилмоқдалар. Чунки улар бу ҳукуматни ўзлари учун манфаатли деб биладилар. Шунинг учун бу режим ва унинг югурдаклари халқ устида истаганларича вахшийликларни амалга оширмоқдалар.

Шу ўринда Фейсбук тармоғида тарқаган милиционернинг бир фуқарони юзига тепгани тўғрисидаги қисқа видео тўғрисида ҳам гапириб ўтмоқчимиз. Бизнинг фикримизча милиционер ҳар қачон туйғуга берилмаслиги ва амалларини ўзининг касбий фаолиятида белгиланган тартиблар чегарасида назорат қила олиши керак. Ётган инсонга мана шундай муносабатда бўлган милиционер билан Озодлик радиоси ходими сухбатлашгани ёритилган 12.04.2016 да тарқатилган мақоладан қисқача иқтибос келтирамиз:

“Озодлик: Йўқ. Сизнинг тепаётганингиз акс этган видео турибдику.

– Йўқ тепмаганмиз уни. Ҳеч қанақа тепилмаган. У ерда фуқароларнинг олдида қанақасига тепиш мумкин уни.”

Албатта, бу ерда милиция ходими барчага кўриниб турган айбини ҳеч бир асоссиз инкор қилмоқда. Биз бу масаланинг яна бир томонига диққатингизни тортмоқчимиз. Юқорида келтирилган, Озодлик ходими билан милиционернинг суҳбатидаги милиционернинг гапларига  эътибор беринг. У ўзини қонунчиликка бўйсунадиган ходим сифатида эмас, одамларнинг кўз олдида бўлганлиги учун ноқонуний иш қилмаслигини айтябди. Гўёки одамларнинг кўзидан панада юқоридагидек, фуқароларни ўлдириш каби жиноятларни содир этса ҳам бўлаверадигандек.

Сўнги хулосамиз МХХ ёки ИИБ ходимлари ким бўлишларидан қатъий назар, агар мусулмон бўлсалар шу умматнинг фарзанди эканлигини унутиб қўймасликлари керак. Уларнинг бугунги амаллари аллақачон буни унутганликларини кўрсатиб турган бўлсада, лекин танамизда ҳаёт бор экан, амалларимизни ўз ихтиёримиз билан бажаришга имкон бор экан тавба қилайлик, Аллоҳга тавба қилишга шошилайлик. Аллоҳнинг ғазабига дучор бўлиб қолишликдан ва У зотнинг лаънатига лойиқ бўлишдан ва жаханнамийлар қаторидан жой олишликдан қўрқайлик. Бундай бўлиб қолмаслик учун тезликда ҳаракат қилайлик. Аллоҳ рози бўладиган йўл фақат Исломдир.

Ҳизб ут-Таҳрирнинг Ўзбекистондаги медиа офиси Абдуллоҳ

16.04.2016й