بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Миср ва Судан аҳлини Нил дарёсидан каттароқ нарса, яъни буюк Ислом боғлаб туради ва у жон томиридир

Айрим Судан ва Мисрликларнинг ахборот воситалари орқали бир-бирини ҳақорат қилиши авж олиб турган бир манзарада, Миср ташқи ишлар вазири Самиҳ Шукрий билан Судан ташқи ишлар вазири Иброҳим Ғондур қўшма баёнот чиқаришди. Баёнотда икки қўшни давлат ёки ака-ука халқларнинг ҳар қандай шароитда ва ҳар қандай сабаб баҳоналар бўлмасин, ҳаддан ошиши ёки бир-бирини ҳақорат қилиши номақбул эканини айтиб бунга қарши эканларини таъкидладилар. Баёнотда жумладан бундай дейилган: «Иккала вазир ҳар икки давлатнинг маърифати, тарихи ва маданиятини қадрлашларини, Нил дарёси суданлик ва мисрлик халқнинг жон томири эканига инонишларини, биродарлик ва муштарак тақдир ришталари уларни асрлар бўйлаб ўзаро боғлаб келганини ифодаладилар».

Миср билан Судан ўртасида бўлаётган таранг муносабатлар, икки юрт аҳли орасига нафрат уруғини экиш учун қасддан қилинган ишдир. Аслида, бу икки юрт ҳам Ислом Умматининг бир бўлаги бўлиб, битта уммат бўлганлар, аммо мустамлакачилар уларни бўлиб, битта давлатларини бўлиб ташлаган. Миср билан Судан Халифалик давлати вилоятларидан бири бўлган. Инглизлар ўз тақдирини ўзи белгилаш ҳуқуқи, деган нарсани ишга солиб, Суданни Мисрдан бўлишга ҳаракат қилишди, кейинчалик айни шу нарса билан Суданнинг учдан бири бўлган жанубини бўлишди. Кейин жанубда учинчи давлатча пайдо бўлди. Чунки Миср ва Судандаги ҳозирги ҳукмдорлар мустамлакачи кофир Ғарб қўғирчоқларидир. Улар оловли фитна илдизларини сақланиб қолишга, кофир инглизлар экиб кетган масалаларни қайта қўзғашга қаттиқ ҳаракат қилишмоқда. Масалан, Ҳалайб Шлатин, Абу Рамод ва бошқа масалалар каби. Ҳатто бу икки халқни боғлаб турган нарса ҳақида сўз юритганларида ҳам, уларни жамлаб, тарқоқликларини кетказиб, душман қаршисида бир мушт қилиб келган ҳақиқий алоқа ҳақида гапиришмайди. Балки Нил уларнинг жон томиридир, биродарлик ва муштарак тақдир ришталари шу дарёдир дейишади. Шунингдек, Исломдан олдинги маданият ва бутлар ҳақида гап сотиб, Ислом ҳақида сўз юритишдан ўзларини олиб қочишади!

Биз бу икки вазирларга ва уларнинг ҳукуматларига бундай деймиз: Миср аҳли билан Судан аҳлини бирлаштириб турган нарса Нил дарёсидан ҳам буюкроқ нарсадир. У буюк Исломдир. Росулуллоҳ САВ

«… الْمُسْلِمُ أَخُو الْمُسْلِمِ لا يَظْلِمُهُ وَلا يَخْذُلُهُ وَلا يَحْقِرُهُ»

«… Мусулмон мусулмоннинг биродаридир, унга зулм қилмайди, уни ёрдамсиз ташлаб қўймайди, уни ҳақорат қилмайди», деганларидек, халқларни бир-бирларига мустаҳкам боғлаб турган жон томиридир. Нафақат, Миср ва Судан аҳлининг, балки устларидаги рувайбиза ҳукмдорлар томонидан не-не офатларни бошдан кечираётган бутун Ислом Умматининг муштарак тақдири битта Халифалик давлатида бирлашишдир. Ушбу Пайғамбарлик минҳожи асосидаги рошид Халифалик давлати уларнинг ришталарини мустаҳкамлаб, мусулмонлар юртларини бўлиб ташлаган сохта Сайкс-Пико чегараларини бекор қилади. Бу эса, Аллоҳнинг изни ила, яқинда албатта бўлади.

Эй Миср ва Судан аҳли!

Арзимас нарсаларни қўйинг. Сиз юртларингизни бошқа юртлар билан битта қилиш учун рошид Халифаликни барпо қилиш орқали исломий ҳаётни қайта бошлашга ҳаракат қилинг. Ана шунда бу дунё ва у дунё бахтига муяссар бўласиз.

يَا أَيُّهَا الَّذِينَ آمَنُوا اسْتَجِيبُوا لِلَّـهِ وَلِلرَّسُولِ إِذَا دَعَاكُمْ لِمَا يُحْيِيكُمْ

«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилган пайтда уни қабул қилинглар»    [Анфол 24]

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com