بِسْمِ اللهِ الرَّحْمٰنِ الرَّحِيمِ

Британия жиноят ва мусибатларнинг онасидир

Шайх Исом Амира – Байтул Мақдис

Биз мусулмонларнинг Британиядан буюк тарихий қасосимиз бор. Зеро, Ислом давлати бутун оламга динни етказди, инсонлар Аллоҳнинг динига тўп-тўп бўлиб кириб келди. Ўн асрдан кўпроқ вақт давомида қадимги дунёнинг учдан бир қисмида тинчлик ва хавфсизлик ҳукм сурди. Шу давр мобайнида жиноятлар нисбати пасайди, қулдорлик мутлақо тугатилди, қашшоқлик ва саводсизлик бартараф этилди ва илму маърифат гуллаб яшнади. Мана шундай бир пайтда, Британия ёвуз ниятли мустамлакачи давлат сифатида ўртага чиқди. Ер юзида бузғунчилик билан изғиди, ўз нуфузини мусулмон ва ғайримусулмон халқларнинг бойликларини талон-торож қилиш ва қонларини сўриш эвазига кучайтирди, бутун серқуёш юртларда ўз империясини ўрнатди.

Биз йирик давлатларнинг қилмишлари билан бирга, Британиянинг сиёсий, ҳарбий ва иқтисодий фаолиятларини бирма-бир ўргансак, дунёнинг беш қитъасидаги кризислар оловига гугурт чаққан ҳам, аксар юртлар аҳолиси таркибини ўзгартирган ҳам, Австралия каби юртлардаги асл аҳолини йўқ қилган ҳам, исломий юртлардаги мусулмон халқлар орасида фитналар тарқатиб, миллатчилик ва ватанпарварлик низоларини келтириб чиқарган ҳам мана шу Британия эканига гувоҳ бўламиз. Оқибатда у мусулмон юртларини бирин-кетин кемирди, мустақиллик бериш ниқоби остида йирик қисмдаги кўплаб ерларни Усмоний Халифалик жисмидан суғуриб олди. Бу юртларда ҳокимиятни тортиб олиб, уни бутпарастлар, буддистлар, ҳиндулар ва ботиний ҳаракатларга берди. Британия 1924 йилда Халифалик давлатини қулатгунига қадар, унга қарши тўхтовсиз ҳаракат қилишда давом этди. Охирги Усмоний халифани юртдан бадарға қилиб, Аллоҳнинг динига тўп-тўп бўлиб кирган одамларни ундан тўп-тўп қилиб чиқариб юборди! Бутун дунёни иккита Жаҳон урушига тиқиб, миллионлаб инсоннинг ёстиғини қуритган ҳам, Европа давлатларидан кўпчилигининг ҳалокатига сабаб бўлган ҳам, Россияни хонавайрон қилиб, АҚШни Африка ва Осиёдаги ҳукмронлик қилаётган давлатларда оғир муаммоларга киритишга ҳаракат қилган ҳам Британиядир.

Бу мамлакат Ислом давлатини йиқитиш билан кифояланмади, балки мусулмонларни аввал сиёсий Халифалик тузумларини ўзгартиргандан сўнг уларни ўз диёрларида таъқиб остига олди… Шунингдек, иқтисодий, ижтимоий, таълим ва бошқа соҳаларда оила қонунларини ўзгартирди… Шунча жароҳатларга қўшимча, Шом юртларининг юраги бўлмиш Фаластинга заҳарли ханжар сифатида яҳудийлар вужудини санчиб қўйиб, унинг аҳлини ўз юртларидан чиқариб юборди… Айнан шу мамлакат Фаластин фожиасига, яшаб турганимиз хорлик ва хўрликка, бахтсиз ҳаётимизга сабаб бўлди… Айнан шу мамлакат бутун мусулмонларни исломий шахсияларини йўқотиб, сел кўпигига айлантирди… Худди шу мамлакат Ислом давлати бекор қилган қулдорликни қайта тирилтирди. Ҳатто буюк аҳрор уламоларимиздан бири – худди оналар ўз фарзандларини гўшт ва суякларини ўстириш учун эмизганлари каби фарзандларингизни Британиядан нафратланиш билан озуқалантиринг деган!

Мен Британияга борганимда ўз иқтисодида бошқа халқлар бойликларини талон-торож қилишдан бошқа таянчга эга бўлмаган давлатнинг инфратузилмаси ниҳоят даражада ҳашаматли эканига гувоҳ бўлдим. Британия музейига кирдим, аммо у ерда мамлакатнинг ўзига тегишли битта ҳам бўлимни тополмадим, балки исломий бўлим, юнон бўлими, Фиръавн бўлими ва бошқа бўлимларни кўрдим. Бу эса, Британия халқлар ҳазоратининг ўғриси эканини яққол кўрсатиб турибди.

Агар Британиянинг айниқса мусулмонларга қарши жиноятларини санаб, батафсил тўхталишни истасак, бу ўринга асло сиғмайди. Бироқ, биз Миср, Судан, Аракан, Ҳиндистон, Яман, Сомали, Ливия, Шимолий Африка, Ғарбий Африка, Узоқ Шарқ, Ироқ, Сурия, Ливан, Фаластин ва бошқа кўплаб юртларимиздаги жароҳатларимиздан оқаётган қонлар Британия санчган ханжар сабабли эканини, у ҳамон Ислом Уммати танасига зарбалар бераётганини қатъий айта олмамиз. Мусулмонлар орасида чуқур илдиз отган қашшоқлик, саводсизлик ва қаттол ихтилофлар ҳам мана шу устамон маккор Британиянинг қилмиши эканини қатъий таъкидлай олмамиз. Агар биз Британиянинг мусулмонлар устидаги қилмишлари борасида суд ташкил қилмоқчи бўлсак, унинг жиноятлари ва келтирган бахтсизликлари шу қадар кўпки, бунинг учун бир аср ҳам етмайди. Шунинг учун унга жиноят ва мусибатлар онаси, дея лақаб қўйсак, ҳаққимиз бор ва у шунга лойиқдир. То Халифалик қўшини олдида Британиянинг  мағлуб бўлишини ва Ислом билан бошқарилишини кўрмагунимизча… то дунёдан Британия қуёши абадий сўниб, у билан бирга макру тузоқлар ҳам йўқ бўлишини ва инсоният тарихида энг жирканч замон бўлган Британия қироллиги замони барҳам топишини кўрмагунимизча, бу давлатга бўлган юракларимиздаги нафрат олови сўнмайди.

Таъкидлаш лозимки, Халифалик давлати ағдарилгач, мусулмон юртларидаги арабу ажам, ҳеч истисносиз барча ҳукмдорлар Британияга малай бўлишди. Бу давлат уларнинг аксарига ҳукмронлик қилди ва ҳамон шундай бўлиб турибди. Уларнинг тинчлик ва уруш сиёсатларини, разведка фаолиятларини, ҳаммасидан ҳам муҳими динни барпо этиш ва қайта Халифаликни тирилтириш учун фаолият олиб бораётганларга қарши сиёсатларини мана шу мустамлакачи давлат тузиб бермоқда.

Ҳукмдорларни Аллоҳ ҳалок қилсин. Чунки улар Аллоҳнинг шариатини бекор қилиб, инсонларга қаттиқ машаққатлар туғдиришди. Уларнинг нопок бошқарувлари даврида қашшоқлик кўпайди, саводсизлик кучайди ва Пайғамбаримиз ﷺнинг ушбу сўзлари яна бир бор ўз исботини топди:

«مَنْ أُذِلَّ عِنْدَهُ مُؤْمِنٌ فَلَمْ يَنْصُرْهُ وَهُوَ قَادِرٌ عَلَى أَنْ يَنْصُرَهُ أَذَلَّهُ اللَّهُ عَزَّ وَجَلَّ عَلَى رُءُوسِ الْخَلَائِقِ يَوْمَ الْقِيَامَةِ»

«Кимнинг олдида бир мўмин хорланса ва унга ёрдам беришга қодир бўла туриб ёрдам бермаса, қиёмат куни Аллоҳ Азза ва Жалла уни халойиқ олдида хор қилади».

Бироқ, мусулмонлар орасида уларни уйғотиш учун фаолият олиб борувчилар майдонга чиққанидан кейин Аллоҳнинг нусратига бўлган умид зиёдалашди. Уммат шунча бахтсизликлардан кейин Исломсиз халос бўлиш йўқ эканини, Ислом мусулмонларнинг Пайғамбарлик минҳожи асосидаги иккинчи рошид Халифалик давлатисиз куч-қудратга тўлмаслигини англаб етдилар. Ушбу нусрат кунига яқин қолганини, яшаётганимиз золим подшоҳлик ортидан унинг аломатлари кўкда бўй чўзаётганини, уни барпо этиш учун жиддий ҳаракат қилаётганларга нусрат беришни Аллоҳ Субҳанаҳу ўзининг қуйидаги каломида ваъда қилганини тушундилар:

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لا يُشْرِكُونَ بِي شَيْئاً﴾

«Аллоҳ сизлардан имон келтирган ва яхши амаллар қилган зотларга худди илгари ўтган зотларни (ер юзига) халифа-ҳукмрон қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар»                                                                       [Нур 55]

Мусулмонлар шунингдек, Росулуллоҳ ﷺнинг имом Аҳмад ривоят қилган ҳадиси шарифда золим подшоҳликдан кейин Халифалик барпо бўлажаги тўғрисидаги ушбу сўзларини ҳам англадилар:

«ثُمَّ تَكُونُ مُلْكاً جَبْرِيَّةً فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةً عَلَى مِنْهَاجِ النُّبُوَّةِ»

«Сўнг золим–зўравон подшоҳлик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосидаги Халифалик бўлади».

Аллоҳим, бизни ушбу Халифалик давлатининг шоҳидлари ва аскарларидан қил. Ушбу давлатимизнинг Британиядан ва бошқа америкалик, россиялик, хитойлик қонхўрлардан қасос олишини ўз кўзларимиз билан кўришимизга насиб айла.

﴿وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ﴾

«Аллоҳ Ўз ишида ғолибдир. Лекин одамларнинг кўплари (буни) билмайдилар»      [Юсуф 21]

Роя газетасининг 2022 йил 2 ноябр чоршанба кунги 415-сонидан